Argus News - ଅବସରପ୍ରାପ୍ତ ସୈନିକର ତାଲିବାନୀ ଶାସନ; କୁନିଝିଅକୁ ଚେନରେ ବାନ୍ଧି ମାଡ଼

ହିମାଚଳ ପ୍ରଦେଶ ଉନା ଜିଲ୍ଲାରେ ଶିଶୁ ନିର୍ଯାତନାର ଏକ ଅବାନୀୟ ଘଟଣା ସାମ୍ନାକୁ ଆସିଛି । କୁନି ଝିଅକୁ ତାଲିବାନୀ ଦଣ୍ଡ ଦେଲେ ଅବସରପ୍ରାପ୍ତ ସୈନିକ । କୁନି ଝିଅକୁ ଘରର ସିଡିରେ ଚେନରେ ବାନ୍ଧି ମାଡ଼ ମାରିଥିବା ଅଭିଯୋଗ ହୋଇଛି । ଏହି ଘଟଣାରେ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଥିବାବେଳେ ଝିଅଟି 'ମୋତେ ବଞ୍ଚାଅ' କହି ଚିତ୍କାର କରୁଥିବା ଦେଖାଯାଇଛି । କୁନିଝିଅକୁ ଏପରି ଦଣ୍ଡ ଦେବାର କାରଣ ଜାଣିଲେ ଯେ କେହି ଆଶ୍ଚର୍ଯ୍ୟ ହେଉଛନ୍ତି ।

• କୁନି ଝିଅକୁ ତାଲିବାନୀ ଦଣ୍ଡ

ଏହି ନିର୍ଯାତିତ ୪ ବର୍ଷର କୁନି ଝିଅ ହେଉଛି ଏକ ପ୍ରବାସୀ ପରିବାରର । କୁନି ଝିଅର ଏତିକି ମାତ୍ର ଭୁଲ ଯେ ସେ ଅଭିଯୁକ୍ତର ଘର ନିକଟରେ ଥିବା ପିଜୁଳି ଗଛରୁ ପିଜୁଳି ଛିଣ୍ଡାଇଥିଲା । ଏହାପରେ ରାଗରେ ଜର୍ଜରିତ ହୋଇ ଅଭିଯୁକ୍ତ ଅବସରପ୍ରାପ୍ତ ସୈନିକ ଜଣକ ତାକୁ ଟେକି ନେଇ ସିଡି ନିକଟରେ ଚେନରେ ବାନ୍ଧି ଦେଇଥିଲା । ଏହାପରେ କୁନି ଝିଅକୁ ମାଡ଼ ମାରିଥିବା ମଧ୍ୟ ଅଭିଯୋଗ ହୋଇଛି । ବାଣିଜ୍ୟିକ ନୌସେନାରେ କାର୍ଯ୍ୟରତ ଜଣେ ସ୍ଥାନୀୟ ଯୁବକ ଏହି ଦୃଶ୍ୟ ଦେଖିବା ପରେ ତାହାକୁ ମୋବାଇଲରେ କଏଦ କରିଥିଲେ, ଯାହାକି ଏବେ ସୋସିଆଲ ମିଡିଆରେ ଭାଇରାଲ ହେଉଛି ।

• 'ଚାଚା, ମୋତେ ବଞ୍ଚାଅ'

ଯେତେବେଳେ ସ୍ଥାନୀୟ ୟୁବକ ଜଣକ ଏହି ଦୃଶ୍ୟକୁ ରେକର୍ଡ କରିଥିଲେ, ସେତେବେଳେ କୁନି ଝିଅ ଜଣକ ତାକୁ ଉଦ୍ଧାର କରିବାକୁ ଡାକ ଦେଇଥିଲା । ଏହି ସମୟରେ ଅଭିଯୁକ୍ତ ଜଣକ କାହିଁକି ଝିଅଟିକୁ ବାନ୍ଧିଛି ସେ ବିଷୟରେ ସଫେଇ ଦେଉଥିବାର ଶୁଣିବାକୁ ମିଳୁଛି । ଏହାସହିତ ଏପରି ଢଙ୍ଗରେ କୁନି ଝିଅକୁ କାହିଁକି ବାନ୍ଧିଛ ବୋଲି ଯୁବକ ଜଣକ ପ୍ରଶ୍ନ କରୁଥିବା ମଧ୍ୟ ଭିଡିଓରେ ଶୁଣିବାକୁ ମିଳିଛି ।

ପଢନ୍ତୁ ଏହି ଖବର: ମହଙ୍ଗା ପଡ଼ିଲା ଦୁବାଇରେ ଡ୍ରୋନ୍ ଆକ୍ରମଣର ଫଟୋ ସେୟାର୍; ବ୍ରିଟିଶ୍ ବିମାନ ସହାୟକ ଗିରଫ

• ଚାଇଲ୍ଡ ହେଲ୍ପଲାଇନକୁ କଲ୍ କରିଥିଲେ ଯୁବକ

ଭିଡିଓ ରେକର୍ଡ କରୁଥିବା ଯୁବକଙ୍କ ନାମ ରୋହିତ ବୋଲି ଜଣାପଡ଼ିଛି, ଯିଏକି ଜଣେ ବାଣିଜ୍ୟିକ ନୌସେନା ଅଧିକାରୀ । ସେ ସଙ୍ଗେ ସଙ୍ଗେ ଚାଇଲ୍ଡ ହେଲ୍ପଲାଇନ ଓ ପୋଲିସକୁ ଖବର ଦେଇଥିଲେ । ରୋହିତଙ୍କ କହିବାନୁସାରେ, ପୋଲିସ ପହଞ୍ଚିବା ପରେ ଅଭିଯୁକ୍ତ ଜଣକ କୁନିଝିଅର ପରିବାରକୁ କ୍ଷମା ମାଗିଛି । ଅଭିଯୁକ୍ତ ଅବସରପ୍ରାପ୍ତ ସୈନିକ ବିରୋଧରେ ଥାନାରେ ମାମଲା ରୁଜୁ ହୋଇଥିବାବେଳେ ଡାକ୍ତରୀ ପରୀକ୍ଷା ପାଇଁ କୁନିଝିଅକୁ ପୋଲିସ ହସ୍ପିଟାଲରେ ଭର୍ତ୍ତି କରିଛି ।

A retired army man allegedly tied a young girl from a migrant family to a staircase and beat her with a stick after she plucked fruit, in a disturbing incident reported from Bahdala village of Una, Himachal Pradesh.

The situation came to light after Rohit Jaswal, a Navy officer,… pic.twitter.com/enf0tFkVXa

— Hate Detector 🔍 (@HateDetectors) April 5, 2026