14 September Hindi Diwas / ହିନ୍ଦୀ ଦିବସ ଅବସରରେ ବଡ଼ ଘୋଷଣା; ନିଜ ଭାଷାରେ ପଢ଼ା ଏବଂ ଶୁଣାଯିବ ସୁପ୍ରିମ କୋର୍ଟଙ୍କ ରାୟ

କୋର୍ଟ କାର୍ଯ୍ୟରେ ହିନ୍ଦୀ ଭାଷାରେ ବ୍ୟବହାର ପାଇଁ ବହୁ ଦିନରୁ ଦାବି ହୋଇଆସୁଛି। ଚଳିତ ବର୍ଷ ହିନ୍ଦୀ ଦିବସ ଅବସରରେ ସୁପ୍ରିମକୋର୍ଟ ଏକ ପ୍ରମୁଖ ପଦକ୍ଷେପ ନେଇଛନ୍ତି। ସୁପ୍ରିମକୋର୍ଟ ହିନ୍ଦୀ ଭାଷା ରେ ଏକ ନୂତନ ସାର୍ବଜନୀନ ସୂଚନା ସେବା ଆରମ୍ଭ କରିବାର ଘୋଷଣା କରିଛନ୍ତି। ବର୍ତ୍ତମାନ ସମସ୍ତ ଗୁରୁତ୍ୱପୂର୍ଣ୍ଣ କୋର୍ଟ ନିଷ୍ପତ୍ତିର ସାରାଂଶ ସରଳ ହିନ୍ଦୀ ଭାଷାରେ ପ୍ରଦାନ କରିବାକୁ ନିଷ୍ପତ୍ତି ନିଆଯାଇଛି। ଏହି ନିଷ୍ପତ୍ତିର ଅଡି଼ଓ ଏବଂ ଭିଡି଼ଓ ବୁଲେଟିନ୍ ମଧ୍ୟ ହିନ୍ଦୀ ଭାଷାରେ ଉପଲବ୍ଧ ହେବ। ଏହି ସେବା ଅଧିନରେ ମନୋନୀତ ଗୁରୁତ୍ୱପୂର୍ଣ୍ଣ ସୁପ୍ରିମକୋର୍ଟ ନିଷ୍ପତ୍ତି ଏବଂ ଆଦେଶର ସାରାଂଶ ସରଳ ହିନ୍ଦୀ ଭାଷାରେ ଉପଲବ୍ଧ ହେବ।

ଏହା ସହିତ ପ୍ରତିଦିନ ୧୫ ମିନିଟ୍ ରୁ ୩୦ ମିନିଟ୍ ଅବଧି ବିଶିଷ୍ଟ ହିନ୍ଦୀ ଅଡି଼ଓ ଏବଂ ଭିଡି଼ଓ ବୁଲେଟିନ୍ ମଧ୍ୟ ଉପଲବ୍ଧ ହେବ। ଏହି ବୁଲେଟିନ୍ ସୁପ୍ରିମକୋର୍ଟଙ୍କ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଏବଂ ପ୍ରାସଙ୍ଗିକ ସରକାରୀ ରାୟର ଲିଙ୍କ୍ ବିଷୟରେ ସୂଚନା ପ୍ରଦାନ କରିବ। ସୁପ୍ରିମକୋର୍ଟଙ୍କ ଅନୁଯାୟୀ ସାଧାରଣ ନାଗରିକ, ମୋକଦ୍ଦମା ଦାଏକ କରିଥିବା ବ୍ୟକ୍ତି ଏବଂ ବିଶେଷକରି ଦିବ୍ୟାଙ୍ଗ ବ୍ୟକ୍ତିଙ୍କ ସୁବିଧା ପାଇଁ ଏହି ପଦକ୍ଷେପ ନିଆଯାଉଛି। ଏହାର ଉଦ୍ଦେଶ୍ୟ ହେଉଛି ଲୋକଙ୍କୁ ଗୁରୁତ୍ୱପୂର୍ଣ୍ଣ କୋର୍ଟ ନିଷ୍ପତ୍ତି, ସେମାନଙ୍କର ପ୍ରଭାବ ଏବଂ ପରବର୍ତ୍ତୀ ପ୍ରକ୍ରିୟାକୁ ନିଜ ଭାଷାରେ ସହଜରେ ବୁଝିବାରେ ସାହାଯ୍ୟ କରିବା।

ଏହା ସହ ପଢନ୍ତୁ: ମନଇଚ୍ଛା ବଢିବ ନାହିଁ ବିମାନ ଟିକେଟ ମୂଲ୍ୟ; ବିମାନ ଭଡ଼ା ଉପରେ ନୂତନ ଯୋଡନା ପ୍ରଣୟନ କରୁଛନ୍ତି ସରକାର

ସୁପ୍ରିମକୋର୍ଟ କହିଛନ୍ତି ଯେ ଏହି ସେବା ପ୍ରଥମେ ହିନ୍ଦୀ ଭାଷାରେ ଆରମ୍ଭ କରାଯିବ। ଏହା ପରେ ପର୍ଯ୍ୟାୟକ୍ରମେ ଏହାକୁ ଅନ୍ୟ ଭାରତୀୟ ଭାଷାରେ ଉପଲବ୍ଧ କରାଇବା ପାଇଁ କାର୍ଯ୍ୟ କରାଯିବ। ଏହା ବିଭିନ୍ନ ଭାଷାଭିତ୍ତିକ ଅଞ୍ଚଳର ନାଗରିକଙ୍କୁ ସେମାନଙ୍କ ଭାଷାରେ ସୁପ୍ରିମକୋର୍ଟର ଗୁରୁତ୍ୱପୂର୍ଣ୍ଣ ନିଷ୍ପତ୍ତି ବିଷୟରେ ସଂକ୍ଷିପ୍ତ ଏବଂ ସହଜ ସୂଚନା ପାଇବାକୁ ସକ୍ଷମ କରିବ। ଆବଶ୍ୟକୀୟ ବ୍ୟବସ୍ଥା ସମାପ୍ତ ହେବ ଏବଂ ଏହା ପରେ ଏହି ସେବା ହିନ୍ଦୀ ଭାଷାରେ ଆରମ୍ଭ ହେବ। ଏହା ଉଲ୍ଲେଖନୀୟ ଯେ ସୁପ୍ରିମକୋର୍ଟର ନିଷ୍ପତ୍ତିର ଅନୁବାଦ ମଧ୍ୟ ଏକ ପ୍ରମୁଖ ସମସ୍ୟା ହୋଇରହିଛି। ଭୁଲ ଅନୁବାଦ ପ୍ରାୟତଃ ଗଣମାଧ୍ୟମ ଏବଂ ସାମାଜିକ ଗଣମାଧ୍ୟମରେ ଭ୍ରାମକ ସୂଚନା ପ୍ରସାରଣର କାରଣ ହୋଇଥାଏ। ଏବେ ଯଦି ନିଷ୍ପତ୍ତିର ସାରାଂଶକୁ ସୁପ୍ରିମକୋର୍ଟ ସ୍ତରରେ ଅନୁବାଦ ଏବଂ ଉପସ୍ଥାପନ କରାଯାଏ, ତାହେଲେ ଏହା ଭୁଲ ସୂଚନା ପ୍ରସାରଣକୁ ରୋକିବାରେ ସାହାଯ୍ୟ କରିବ।