ଅର୍ଗସ ବ୍ୟୁରୋ : ଆସନ୍ତାକାଲି ଦୁଲୁକିବ ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମ । ବିଶ୍ଵକପ୍ ଟ୍ରଫି ପାଇଁ ରବିବାର ହେବ ମହାମୁକାବିଲା । ଭାରତ ସହ ଲଢିବ ୫ ଥରର ବିଶ୍ଵବିଜେତା ଅଷ୍ଟ୍ରେଲିଆ । ୨୦ ବର୍ଷ ପରେ ବିଶ୍ଵକପ୍ ଫାଇନାଲରେ ମୁହାଁମୁହିଁ ହେବେ ଦୁଇ ଦଳ । ୨୦୦୩ରେ ହୋଇଥିବା ଟାଇଟଲ୍ ଲଢ଼େଇରେ ପରାସ୍ତ ହୋଇଥିଲା ଭାରତ ।

ଅଧିକ ପଢନ୍ତୁ : ୨୦୦୩ ବିଶ୍ବକପ ଫାଇନାଲର ପ୍ରତିଶୋଧ ନବ ରୋହିତ ବାହିନୀ

ଏଥର ପ୍ରତିଶୋଧ ନେବାର ସୁଯୋଗ ରହିଛି ରୋହିତ ବାହିନୀଙ୍କ ପାଖରେ । ଯାହାକୁ ସଵୁଠି ଦେଖିବାକୁ ମିଳିଛି ଉତ୍ସାହ । କେଉଁଠି ଭାରତୀୟ ଖେଳାଳିଙ୍କ ଫୋଟୋ ଧରି ଲୋକେ ପୂଜାର୍ଚ୍ଚନା କରୁଛନ୍ତି ତ ଆଉ କେଉଁଠି ଭାରତ ମାତା କି ଜୟ କି ନାରାରେ କମ୍ପୁଛି ପୂରା ପରିବେଶ । ସେପଟେ ବିଶ୍ୱକପ ଫାଇନାଲ ମ୍ୟାଚ ପାଇଁ ବଢିଲା ବିମାନ ଯାତ୍ରାର ଟିକେଟ୍ ।

ଯେଉଁ ୱାନ ୱେ ଟିକେଟ୍ ୫ ହଜାର ଟଙ୍କା ଥିଲା ତାହା ଏବେ ୩୦ ହଜାର ଟଙ୍କା ହୋଇଛି । ଗୁରୁବାର ସଂଧ୍ୟାରେ ବେଙ୍ଗାଲୁରୁରୁ ଅହମଦାବାଦ ଯିବା ଯେଉଁ ଟିକେଟର ଦାମ ୫ ହଜାର ୭୦୦ ଟଙ୍କା ଥିଲା, ତାହା ଏବେ ୩୩ ହଜାର ଟଙ୍କା ହୋଇଛି । ବିମାନବନ୍ଦରରେ ଫ୍ୟାନଙ୍କୁ ସ୍ଵାଗତ କରିବା ପାଇଁ ଅହମ୍ମଦାବାଦ ଏୟାରପୋର୍ଟରେ ବ୍ୟାପକ ବ୍ୟବସ୍ଥା କରାଯାଇଛି । ଅନ୍ୟପଟେ, ବିଭିନ୍ନ ଦୋକାନରେ ଏବେ ଠାରୁ ପ୍ରସ୍ତୁତ ହେଲାଣି ଭିକ୍ଟ୍ରି କେକ୍ । ଯାହାକୁ କିଣିବା ପାଇଁ ଲୋକଙ୍କ ମଧ୍ୟରେ ଭିଡ଼ ।

Argus News | argus news | Odisha Latest News, Breaking News, Trending News, Live TV