IndiGo Free Flight Tickets / IndiGo ଦେଉଛି ୨୦ ହଜାର ମାଗଣା ଟିକେଟ୍, ଘରେ ବସି ଏମିତି ଏହି ଅଫରର ଲାଭ ଉଠାନ୍ତୁ...

ଆପଣ ମାଗଣାରେ ବିମାନ ଯାତ୍ରା କରିବାକୁ ଚାହୁଁଛନ୍ତି କି ? ଭାରତର ସବୁଠୁ ବଡ଼ ଏୟାରଲାଇନ୍ IndiGo ନିଜର ୨୦ ବର୍ଷ ପୂର୍ତ୍ତି ଅବସରରେ ଆଣିଛି ଧମାକାଦାର ଅଫର । ୨୦ ହଜାର ଯାତ୍ରୀଙ୍କୁ ମିଳିପାରେ ମାଗଣା ବିମାନ ଟିକେଟ୍‌ ପାଇବାର ସୁଯୋଗ । ତେବେ ଜାଣନ୍ତୁ କିଏ ପାଇବେ ଏହି ଫ୍ରି' ଟିକେଟ୍ ଏବଂ କିପରି ନେବେ ଏହି ଅଫରର ଫାଇଦା ?

ଭାରତର ସବୁଠୁ ବଡ଼ ବିମାନ କମ୍ପାନୀ IndiGo ନିଜର ୨୦ ବର୍ଷ ପୂର୍ତ୍ତି ଅବସରରେ ଯାତ୍ରୀମାନଙ୍କ ପାଇଁ ଆଣିଛି ଏକ ବଡ଼ ଉପହାର । ଏୟାରଲାଇନ୍ ପକ୍ଷରୁ ଆରମ୍ଭ ହୋଇଛି ଏକ ବିଶେଷ ଗିଭଅୱେ କ୍ୟାମ୍ପେନ୍, ଯେଉଁଥିରେ ୨୦,୦୦୦ ଯାତ୍ରୀଙ୍କୁ ମାଗଣା ବିମାନ ଯାତ୍ରାର ସୁଯୋଗ ମିଳିପାରେ ।

IndiGo ନିଜର ପ୍ରଥମ ବାଣିଜ୍ୟିକ ଉଡ଼ାଣ ୪ ଅଗଷ୍ଟ ୨୦୦୬ରେ ଆରମ୍ଭ କରିଥିଲା । ଗୁଆହାଟି ହୋଇ ଦିଲ୍ଲୀ ଓ ଇମ୍ଫାଲ୍‌ ମଧ୍ୟରେ ଚାଲିଥିବା ସେହି ପ୍ରଥମ ଫ୍ଲାଇଟ୍‌ରୁ ଆରମ୍ଭ ହୋଇଥିବା ଯାତ୍ରା ଆଜି ଭାରତର ସବୁଠୁ ବଡ଼ ଏୟାରଲାଇନ୍‌ରେ ପରିଣତ ହୋଇଛି ।

କମ୍ପାନୀ ଅନୁସାରେ, ଏହି ବିଶେଷ ଅଫର ଅଧୀନରେ ଯୋଗ୍ୟ ଯାତ୍ରୀମାନଙ୍କୁ ଭଡ଼ା ରିଫଣ୍ଡ ମାଧ୍ୟମରେ ମାଗଣା ଟିକେଟ୍‌ ମିଳିବ । ଏହି ଅଫର ୪ ଅଗଷ୍ଟରୁ ୬ ଅଗଷ୍ଟ ୨୦୨୬ ପର୍ଯ୍ୟନ୍ତ IndiGoର ଅଫିସିଆଲ୍ ୱେବସାଇଟ୍, ମୋବାଇଲ୍ ଆପ୍ ଓ AI ଭର୍ଚୁଆଲ୍ ଆସିଷ୍ଟାଣ୍ଟ 6Eskai ମାଧ୍ୟମରେ କରାଯାଇଥିବା ଘରୋଇ ଫ୍ଲାଇଟ୍ ବୁକିଂ ଉପରେ ଲାଗୁ ହେବ ।

ଅଧିକ ପଢ଼ନ୍ତୁ: କେବେ ବଜାରକୁ ଆସିବ ୧୦ ଓ ୨୦ ଟଙ୍କିଆ ପ୍ଲାଷ୍ଟିକ୍ ନୋଟ୍‌ ? RBI କଲା ବଡ଼ ଘୋଷଣା

ଏହି ଅଫରର ଫାଇଦା ନେବା ପାଇଁ ଯାତ୍ରୀଙ୍କୁ କିଛି ନିୟମ ପାଳନ କରିବାକୁ ପଡ଼ିବ । ୪ରୁ ୬ ଅଗଷ୍ଟ ମଧ୍ୟରେ ବୁକିଂ କରିଥିବା ଯାତ୍ରୀଙ୍କ ମଧ୍ୟରୁ ୨୦,୦୦୦ ଜଣଙ୍କୁ ଭାବେ ଚୟନ କରାଯିବ । ଚୟନ ହୋଇଥିବା ଯାତ୍ରୀଙ୍କୁ ଇମେଲ୍ ଓ WhatsApp ମାଧ୍ୟମରେ ଏକ ସହଜ ପ୍ରଶ୍ନର ଉତ୍ତର ଦେବାକୁ କୁହାଯିବ । ସଠିକ୍ ଉତ୍ତର ଦେଇଥିବା ଯାତ୍ରୀଙ୍କୁ ପ୍ରତି PNR ପାଇଁ ସର୍ବାଧିକ ୧୦,୦୦୦ ଟଙ୍କା ପର୍ଯ୍ୟନ୍ତ ଭଡ଼ା ଫେରସ୍ତ ମିଳିପାରିବ ।

ଏହି ଯୋଜନାରେ ଘରୋଇ ଇକୋନୋମି କ୍ଲାସ୍ ଏବଂ IndiGoStretch ବୁକିଂ ସାମିଲ ରହିଛି । ଏଥିରେ ୱାନ୍-ୱେ ଓ ରିଟର୍ନ୍ ଯାତ୍ରା ଉଭୟ ଅନ୍ତର୍ଭୁକ୍ତ । କମ୍ପାନୀ କହିଛି ଯେ, ସଫଳ ପ୍ରତିଯୋଗୀମାନଙ୍କୁ ୩ରୁ ୫ଟି କାର୍ଯ୍ୟଦିବସ ମଧ୍ୟରେ ରିଫଣ୍ଡ ମିଳିଯିବ ।

ଗତ ୨୦ ବର୍ଷରେ IndiGo ଭାରତୀୟ ବିମାନ ବଜାରରେ ନିଜର ଦୃଢ଼ ସ୍ଥାନ ସୃଷ୍ଟି କରିଛି । ବର୍ତ୍ତମାନ କମ୍ପାନୀ ପାଖରେ ୪୩୦ରୁ ଅଧିକ ବିମାନ ରହିଛି ଏବଂ ପ୍ରତିଦିନ ପ୍ରାୟ ୨,୨୦୦ଟି ଉଡ଼ାଣ ପରିଚାଳନା କରୁଛି । ଏହି ବିଶେଷ ଅଫର ମାଧ୍ୟମରେ IndiGo ନିଜର ୨୦ ବର୍ଷର ଯାତ୍ରାକୁ ଯାତ୍ରୀମାନଙ୍କ ସହ ଉତ୍ସବ ଭାବେ ପାଳନ କରୁଛି ।