କର୍ଣ୍ଣାଟକରେ କଂଗ୍ରେସ କଳିରେ ପୂର୍ଣ୍ଣଚ୍ଛେଦ୍ ଟାଣିବ କି ବ୍ରେକଫାଷ୍ଟ ମିଟିଂ ? ମୁଖ୍ୟମନ୍ତ୍ରୀ ପରିବର୍ତ୍ତନକୁ ନେଇ କର୍ଣ୍ଣାଟକ କଂଗ୍ରେସରେ ଦେଖାଦେଇଥିବା ରାଜନୈତିକ କଳି ଦିଲ୍ଲୀ ପର୍ଯ୍ୟନ୍ତ ପହଞ୍ଚିସାରିଛି। ତେବେ ଏହା ଭିତରେ ମୁଖ୍ୟମନ୍ତ୍ରୀ ସିଦ୍ଦରମୈୟା ଓ ଉପ ମୁଖ୍ୟମନ୍ତ୍ରୀ ଡିକେ ଶିବକୁମାରଙ୍କୁ ବ୍ରେକଫାଷ୍ଟ ପାଇଁ ନିମନ୍ତ୍ରଣ କରିଥିଲେ । ଆଜି ଉଭୟ ନେତାଙ୍କ ବ୍ରେକଫାଷ୍ଟ ମିଟିଂରେ ବିଭିନ୍ନ ପ୍ରସଙ୍ଗକୁ ନେଇ ଆଲୋଚନା ହୋଇଥିବା କୁହାଯାଉଛି ।

ତେବେ ଏହି ବ୍ରେକଫାଷ୍ଟ ମିଟିଂ ପର ଦୁଇ ଜଣ ଏକ ସାମ୍ବାଦିକ ସମ୍ମିଳନୀ କରିଥିଲେ । ଏଥିରେ କର୍ଣ୍ଣାଟକ ମୁଖ୍ୟମନ୍ତ୍ରୀ ସିଦ୍ଧରମୈୟା କହିଥିଲେ ଯେ ସେମାନଙ୍କ ମଧ୍ୟରେ କୌଣସି ମତଭେଦ ନାହିଁ ଏବଂ ଭବିଷ୍ୟତରେ ମଧ୍ୟ କୌଣସି ମତଭେଦ ହେବ ନାହିଁ ।

ମୁଖ୍ୟମନ୍ତ୍ରୀ ସିଦ୍ଧରମୈୟା କହିଛନ୍ତି ''ଆମ ଏଜେଣ୍ଡାରେ ୨୦୨୮ ନିର୍ବାଚନ ଅଛି । ଲୋକାଲ ବଡି ନିର୍ବାଚନ ମଧ୍ୟ ଆମ ପାଇଁ ଗୁରୁତ୍ବପୂର୍ଣ୍ଣ । ଆମେ ସେଗୁଡ଼ିକ ଉପରେ ଆଲୋଚନା କରିଥିଲୁ । ୨୦୨୮ ନିର୍ବାଚନରେ ​​କଂଗ୍ରେସକୁ ପୁଣିଥରେ କ୍ଷମତାକୁ ଆଣିବା ବିଷୟରେ ମଧ୍ୟ ଆମେ ଆଲୋଚନା କରିଥିଲୁ । ଆମେ ଏକାଠି ମିଶି ନିର୍ବାଚନ ଲଢ଼ିବୁ ବୋଲି ଆଲୋଚନା କରିଥିଲୁ । ଆମ ମଧ୍ୟରେ କୌଣସି ମତଭେଦ ନାହିଁ ଏବଂ ଭବିଷ୍ୟତରେ ମଧ୍ୟ କୌଣସି ମତଭେଦ ରହିବ ନାହିଁ ।"

ଅଧିକ ପଢ଼ନ୍ତୁ: ବିମାନ ଯାତ୍ରୀଙ୍କ ପାଇଁ ବଡ଼ ଖବର: ଆପଣଙ୍କ ଫ୍ଲାଇଟ ହୋଇପାରେ ବାତିଲ କିମ୍ବା ବିଳମ୍ବ !

ସିଦ୍ଧରମୈୟା ଆହୁରି କହିଛନ୍ତି, "ଆମେ ନିଷ୍ପତ୍ତି ନେଇଛୁ ଯେ ହାଇକମାଣ୍ଡ ଯାହା କହିବେ ତାହା ଆମେ ଗ୍ରହଣ କରିବୁ। କାଲିଠାରୁ କୌଣସି ଦ୍ୱନ୍ଦ୍ୱ ରହିବ ନାହିଁ । ଏବେ ମଧ୍ୟ କୌଣସି ଦ୍ୱନ୍ଦ୍ୱ ନାହିଁ । କିଛି ଗଣମାଧ୍ୟମ ରିପୋର୍ଟର ଦ୍ୱନ୍ଦ୍ୱ ସୃଷ୍ଟି କରିଛନ୍ତି।"

କିଛି ବିଧାୟକ ମନ୍ତ୍ରୀ ହେବାକୁ ଚାହାଁନ୍ତି

ମୁଖ୍ୟମନ୍ତ୍ରୀ ସିଦ୍ଧରମୈୟା କହିଛନ୍ତି ଯେ ମୋ ପାଖରେ ଯେତିକି ଖବର ଅଛି କିଛି ବିଧାୟକ ମନ୍ତ୍ରୀ ହେବାକୁ ଚାହୁଁଛନ୍ତି, ତେଣୁ ସେମାନେ ହାଇକମାଣ୍ଡଙ୍କୁ ଭେଟିବାକୁ ଯାଇଥିବେ । ଏହାର ଅର୍ଥ ନୁହେଁ ଯେ ସେମାନେ ନେତୃତ୍ୱ ବିରୋଧରେ ଅଛନ୍ତି। ସେମାନଙ୍କ ମଧ୍ୟରୁ କେତେକ ତାଙ୍କ ସହିତ କଥା ହୋଇ ଦିଲ୍ଲୀ କାହିଁକି ଯାଇଥିଲେ ତାହା ମଧ୍ୟ କହିଛନ୍ତି । ହାଇକମାଣ୍ଡ ଯାହା କହିବେ, ଆମେ ତାହା ଗ୍ରହଣ କରିବୁ ।

ସେପଟେ କର୍ଣ୍ଣାଟକର ଉପ-ମୁଖ୍ୟମନ୍ତ୍ରୀ ଡିକେ ଶିବକୁମାର କହିଛନ୍ତି, "ଆପଣମାନଙ୍କ ସମସ୍ତଙ୍କ ସମର୍ଥନରେ ଆମେ କଂଗ୍ରେସ ସରକାରକୁ କ୍ଷମତାକୁ ଆଣିଛୁ । ଆମେ ପ୍ରତିଶ୍ରୁତି ଅନୁଯାୟୀ କାମ କରୁଛୁ। ରାଜ୍ୟର ଲୋକମାନେ ସେମାନଙ୍କର ପୂର୍ଣ୍ଣ ସମର୍ଥନ ଦେଉଛନ୍ତି । ଆମକୁ ସେମାନଙ୍କ ଇଚ୍ଛା ପୂରଣ କରିବାକୁ ପଡିବ। ଆମେ ସେହି ଦିଗରେ କାମ କରୁଛୁ।" ମୁଖ୍ୟମନ୍ତ୍ରୀ ଯାହା କହିବେ, ଆମେ ତାହା ଗ୍ରହଣ କରିବୁ । ମୁଖ୍ୟମନ୍ତ୍ରୀ ଯାହା କହିବେ, ମୁଁ ତାଙ୍କ ସହିତ ଅଛି ବୋଲି ଡିକେ ଶିବକୁମାର କହିଛନ୍ତି ।