Argus News - ବିବିଧତା ମଧ୍ୟରେ ଏକତାର ସୁନ୍ଦର ବାର୍ତ୍ତା; ଇଫତାର ପୂର୍ବରୁ ଗଣେଶଙ୍କୁ ସ୍ମରଣ କଲେ ରବିନ୍

ଆଜି ସାରା ଦେଶରେ ଅତି ଉତ୍ସାହର ସହ ମୁସଲିମ ଭାଇଭଉଣୀମାନେ ଇଦ୍ ପାଳନ କରୁଛନ୍ତି । ପୁରା ମାସ ରୋଜା ରଖିବା ପରେ ଜହ୍ନ ଦେଖି ମୁସଲିମ ଧର୍ମାବଲମ୍ବୀମାନେ ଇଦ ପାଳନ କରନ୍ତି । ଏହି ପର୍ବରେ ଘର ଛାଡ଼ି ବାହାରେ ରହୁଥିବା ଲୋକେ ଘରକୁ ଫେରନ୍ତି ଓ ଏକ ଆନନ୍ଦର ମାହୋଲ ଦେଖିବାକୁ ମିଳେ ଏବଂ ଭାଇଚାରର ବାର୍ତ୍ତା ଦେଇଥାଏ । ଏହାରି ମଧ୍ୟରେ ସୋସିଆଲ ମିଡିଆରେ ଏକ ଭିଡିଓ ବେଶ ଭାଇରାଲ ହେଉଛି । ଏହି ଭିଡିଓଟି କେରଳର ୧୩ ବର୍ଷର ପୁଅ ରବିନ ଜେନଙ୍କର ।

ଭିଡିଓରେ ଦେଖିବାକୁ ମିଳିଛି ଯେ ରୋଜା (ଇଫତାର) ଖୋଲିବା ପୂର୍ବରୁ ଟେବୁଲ ଉପରେ ବିଭିନ୍ନ ପ୍ରକାର ସୁସ୍ଵାଦୁ ଖାଦ୍ୟ ରଖାଯାଇଛି । ଯେଉଁଥିରେ ଫଳ, ସିଙ୍ଗଡ଼ା, କିଛି ଛଣା ହୋଇଥିବା ସ୍ନାକ୍ସ ଏବଂ ମିଠା । ଏହି ଭିଡିଓର ସବୁଠୁ ଖାସ କଥା ହେଉଛି ରୋଜା ଖୋଲିବା ପୂର୍ବରୁ ରବିନ ଭଗବାନ ଗଣେଶଙ୍କ ବନ୍ଦନା ଗାଉଥିବା ଦେଖିବାକୁ ମିଳିଛି । କିଛି ଲୋକ ଏହାକୁ ଦେଖି ଆଶ୍ଚର୍ଯ୍ୟଚକିତ ହୋଇଥିବାବେଳେ ରବିନଙ୍କୁ ପ୍ରଶଂସା ମଧ୍ୟ କରୁଛନ୍ତି ।

• ଅନଲାଇନରେ ଭିନ୍ନ ଭିନ୍ନ ପ୍ରତିକ୍ରିୟା

ସୋସିଆଲ ମିଡିଆରେ ଏହି ଭିଡିଓ ଖୁବ ଭାଇରାଲ ହେଉଛି । କିଛି ଲୋକ ଏହାକୁ ଭାଇଚାରା ଓ ସାମ୍ପ୍ରଦାୟିକ ସଦଭାବନାର ଏକ ସୁନ୍ଦର ଉଦାହରଣ ବୋଲି କହୁଛନ୍ତି । ଅନ୍ୟପଟେ କିଛି ଲୋକ ଏହା ଉପରେ ଭିନ୍ନ ଭିନ୍ନ ପ୍ରତିକ୍ରିୟା ଦେଉଛନ୍ତି । ମୋଟାମୋଟି ଭାବରେ କହିବାକୁ ଗଲେ, ଏହି ଭିଡିଓଟି ସମାଜକୁ ଏକତା ଓ ସମ୍ମାନର ବାର୍ତ୍ତା ପ୍ରଦାନ କରିଛି । ଧର୍ମକୁ ନେଇ ଅନେକ ସମୟରେ ବିବାଦ ଦେଖାଦେଉଥିବାବେଳେ ଏହି ଛୋଟ ପିଲାଟିର ଏହି ଭିଡିଓ ସମାଜକୁ ଏକ ବଳିଷ୍ଠ ବାର୍ତ୍ତା ଦେଇଛି ।

View this post on Instagram

A post shared by Shebin Agnel (@shebin_agnel)

ଭିଡିଓ ଭାଇରାଲ ହେବା ପରେ ନେଟିଜେନ୍ସ ପିଲାଟି ସହିତ ତାର ପରିବାରକୁ ମଧ୍ୟ ପ୍ରଶଂସା କରିଛନ୍ତି । କିଛି ୟୁଜର୍ସ ଏହାକୁ 'ସତ ସିକ୍ୟୁଲାରିଜମ' ବୋଲି କହିଛନ୍ତି । ଛୋଟ ବୟସରେ ପିଲାଟି ସମାଜକୁ ଏକ ଦୃଢ ବାର୍ତ୍ତା ଦେଇଛି ବୋଲି ଆଉ କିଛି ୟୁଜର କମେଣ୍ଟ କରିଛନ୍ତି । ଅନ୍ୟପଟେ ଆଉ କିଛି ୟୁଜର ଏହାକୁ 'ରିଅଲ କେରଲ ଷ୍ଟୋରୀ' ବୋଲି ମଧ୍ୟ କହୁଛନ୍ତି ।

ଏହି ଭିଡିଓରେ ଅନେକ ମାଲାୟାଲାମ ଫିଲ୍ମ ଓ ଟିଭି ତାରକା ମଧ୍ୟ ପ୍ରତିକ୍ରିୟା ପ୍ରକାଶ କରିଛନ୍ତି । ପିଲାଟିର ପ୍ରତିଭା ଓ ସୁନ୍ଦର ବାର୍ତ୍ତାକୁ ଖୋଲାଖୋଲି ପ୍ରଶଂସା କରିଛନ୍ତି । ଭାରତର ଅସଲ ଶକ୍ତି ତାର 'ବିବିଧତାରେ ଏକତା' ମଧ୍ୟରେ ଅଛି ବୋଲି ସେମାନେ କହିଛନ୍ତି ।

ଅଧିକ ଖବର ପଢନ୍ତୁ...