Videos
|
National

Lashkar Terrorist Encounter / ଦୀର୍ଘ ଦିନର ସର୍ଚ୍ଚ ଅପରେସନ୍‌ର ଅନ୍ତ, ଟଳିଲା ମୋଷ୍ଟ ୱାଣ୍ଟେଡ୍ ଆତଙ୍କବାଦୀ

Debashree Debasmita Sahoo
Browse all articles by Debashree Debasmita Sahoo
·45 mins ago·2 min read
ଦୀର୍ଘ ଦିନର ସର୍ଚ୍ଚ ଅପରେସନ୍‌ର ଅନ୍ତ, ଟଳିଲା ମୋଷ୍ଟ ୱାଣ୍ଟେଡ୍ ଆତଙ୍କବାଦୀ
Kulgam Terrorist Encounter

Key Points

ଜମ୍ମୁ-କାଶ୍ମୀରରେ ସେନାର ବଡ଼ ଅପରେସନ୍
ମାଟିରେ ମିଶିଲା ଲସ୍କର ନେଟୱର୍କର ମୁଖ୍ୟ
ସେନା ଏନକାଉଣ୍ଟରରେ ନିହତ ଲତିଫ ଭଟ୍‌
CRPF ଆକ୍ରମଣ ପଛର ଖଳନାୟକ ଥିଲା
ଶ୍ରୀନଗର: ଜମ୍ମୁ କାଶ୍ମୀରର କୁଲଗାମରେ ଏକ ବଡ଼ ଏନକାଉଣ୍ଟର ହୋଇଛି । ସୁରକ୍ଷା ବାହିନୀ ଲସ୍କର ଆତଙ୍କବାଦୀ କମାଣ୍ଡର ଲତିଫ ଭଟ୍‌କୁ ହତ୍ୟା କରିଛି । ଏହାସହିତ ତା'ର ଜଣେ ସହଯୋଗୀ ମଧ୍ୟ ନିହତ ହୋଇଛି । ଲତିଫ ଭଟ୍‌ ନିକଟରେ CRPF ଯବାନଙ୍କ ଉପରେ ଆକ୍ରମଣ ଏବଂ ଶ୍ରମିକଙ୍କୁ ଟାର୍ଗେଟ କରି ହତ୍ୟା କରିବା ପଛର ମାଷ୍ଟରମାଇଣ୍ଡ ଥିଲା । ତା'ର ମୃତ୍ୟୁ ସୁରକ୍ଷା ବାହିନୀ ପାଇଁ ଏକ ବଡ଼ ସଫଳତା । ଗତ କିଛି ଦିନ ଧରି ତା' ପାଇଁ ଏକ ସର୍ଚ୍ଚ ଅପରେସନ୍ ଜାରି ରହିଥିଲା । ଶେଷରେ ସେନାଙ୍କ ହାବୁଡ଼ରେ ପଡ଼ି ପ୍ରାଣ ହରାଇଛି କୁଖ୍ୟାତ ଆତଙ୍କବାଦୀ ।

  • ଲତିଫ ମୁଣ୍ଡ ଉପରେ ଥିଲା ୧୫ଲକ୍ଷ
ଅବଦୁଲ୍ ଲତିଫ ଭଟ୍ ଆତଙ୍କବାଦୀଙ୍କ ସହ ସମ୍ପର୍କରେ ଥିବା ନେଇ ଚର୍ଚ୍ଚାରେ ଥିଲା । ୨୨ ବର୍ଷ ବୟସର ଲତିଫ୍ ପୂର୍ବରୁ କାର୍ପେଣ୍ଟର ଭାବେ କାମ କରୁଥିଲା, କିନ୍ତୁ ପରବର୍ତ୍ତୀ ସମୟରେ ସେ ଆତଙ୍କବାଦୀ ସଂଗଠନରେ ସାମିଲ ହୋଇଥିଲା । କାଶ୍ମୀର ଘାଟିରେ ଲତିଫ୍ ଏକମାତ୍ର ସକ୍ରିୟ ଆତଙ୍କବାଦୀ ଥିଲା, ଯିଏକି ସ୍ଥାନୀୟ ବାସିନ୍ଦା ଥିଲା । ତା' ମୁଣ୍ଡ ଉପରେ ୧୫ ଲକ୍ଷ ଟଙ୍କା ଘୋଷଣା କରିଥିଲା ସେନା ।

  • କୁଲଗାମର ବାସିନ୍ଦା ଥିଲା ଲତିଫ୍
ସୁରକ୍ଷାକର୍ମୀଙ୍କ କହିବାନୁସାରେ, ଲତିଫ୍ ଭଟ୍ କୁଲଗାମ ଜିଲ୍ଲାର ଏକ ଗାଁର ବାସିନ୍ଦା ଥିଲା । ସେ ଦ୍ଵାଦଶ ଶ୍ରେଣୀ ପର୍ଯ୍ୟନ୍ତ ପାଠ ପଢିଥିବାବେଳେ ଉଚ୍ଚଶିକ୍ଷା ପାଇଁ ଏକ କଲେଜରେ ଆଡମିସନ ନେଇଥିଲା । ମାତ୍ର ପରବର୍ତ୍ତୀ ସମୟରେ ସେ ଅଧାରୁ ପାଠପଢା ଛାଡ଼ିଥିଲା । ଏହାପରେ ସେ ପରିବାର ପ୍ରତିପୋଷଣ ପାଇଁ କାର୍ପେଣ୍ଟର ବା ବଢେଇ କାମ କରୁଥିଲା । ୨୦୨୫ ନଭେମ୍ବର ୧୯ ତାରିଖରେ ଲତିଫ୍ ଘରୁ ନିଖୋଜ ହୋଇଯାଇଥିଲା । ଏହାପରେ ପରିବାର ପକ୍ଷରୁ ସେ ନିଖୋଜ ଥିବା ନେଇ ଥାନାରେ ରିପୋର୍ଟ କରିଥିଲେ । ପୋଲିସ ବହୁ ଖୋଜାଖୋଜି କରିବା ପରେ ମଧ୍ୟ ତାର ପତ୍ତା ମିଳିନଥିଲା । ପରବର୍ତ୍ତୀ ସମୟରେ ସେ ପାକିସ୍ତାନୀ ଆତଙ୍କବାଦୀ ସଂଗଠନ ଲସ୍କର-ଏ-ତୋଇବାରେ ସାମିଲ ହୋଇଥବା ନେଇ ଖବର ମିଳିଥିଲା ।

ପଢନ୍ତୁ ଏହି ଖବର:  ହାଇ ଆଲର୍ଟରେ ଜମ୍ମୁ କାଶ୍ମୀର; ଲାଲଚୌକରେ ଲାଗିଲା ମୋଷ୍ଟ ୱାଣ୍ଟେଡ୍ ଆତଙ୍କବାଦୀଙ୍କ ପୋଷ୍ଟର


  • ୧୧ ତାରିଖରେ ସେନା ଉପରକୁ ଗୁଳିମାଡ଼
ନଭେମ୍ବର ୧୧ ତାରିଖରେ ଦୁଇ ଜଣ ଆତଙ୍କବାଦୀ ଭାରି ଅସ୍ତ୍ରଶସ୍ତ୍ର ଧରି କୁଲଗାମ ମିର ବଜାର ନିକଟରେ ସିଆରପିଏଫ ଯବାନଙ୍କ ଉପରେ ଗୁଳିମାଡ଼ କରି ଘଞ୍ଚ ଜଙ୍ଗଲ ମଧ୍ୟରେ ଲୁଚି ଯାଇଥିଲେ । ଏହି ଗୁଳିକାଣ୍ଡରେ ୩ଜଣ ଯବାନ ଆହତ ହୋଇଥିଲେ । ଏହି ଘଟଣାର ୨୪ ଘଣ୍ଟା ନ ପୂରୁଣୁ ଆତଙ୍କବାଦୀମାନେ କିଶତ୍ଵାର ଜିଲ୍ଲାର ଦୁଇ ଜଣ ସ୍ପେଶାଲ୍ ପୋଲିସ ଅଫିସର (SPO) ବବି ଚାନ୍ଦ ଓ ୟଶପାଲ କୁମାରଙ୍କୁ ହତ୍ୟା କରିଥିଲେ । ଆତଙ୍କୀ ନିରୋଧୀ ଅପରେସନ ପାଇଁ ସେନାରେ ସାମିଲ ହେବା ଲାଗି ଏହି ଦୁଇ ଜଣ ପୋଲିସ ଅଫିସର ଯିବା ସମୟରେ ଆକ୍ରମଣ ହୋଇଥିଲା । ଏବେ ସେନା ଏହାର ଜବାବ ଦେଇଛି । ସେନା ଗୁଳିରେ ଟଳିଛନ୍ତି ଲତିଫ୍ ଭଟ୍ ସହ ଆଉ ଜଣେ ଆତଙ୍କବାଦୀ ।
Argus News App

📱 Get Argus News App

✨
📰 60 Word News🎬 Argus Podcast📺 Live TV and Breaking News🔔 Free Notification Alerts
Download Free: