Maharashtra Analogue Paneer Ban / 'ଆନାଲଗ୍' ପନୀର ଉପରେ ବର୍ଷେ ପାଇଁ ଲାଗିଲା ରୋକ; ହୋଟେଲ-ରେସ୍ତୁରାଁ ଲାଗି ଜାରି ହେଲା ଚେତାବନୀ

Maharashtra Analogue Paneer 1 Year Ban: ଏଣିକି ମହାରାଷ୍ଟ୍ରରେ ଆଉ ନକଲି ପନୀର ପରିବେଷଣ କରିପାରିବେ ନାହିଁ ହୋଟେଲ-ରେସ୍ତୁରାଁ। ସରକାର ଏହାକୁ ନେଇ କଠୋର ପଦକ୍ଷେପ ନେଉଛନ୍ତି। ଗୁରୁତର ସ୍ୱାସ୍ଥ୍ୟ ଜନିତ ସମସ୍ୟା ଯୋଗୁଁ, ନକଲି "ଆନାଲଗ୍" ପନୀର ଉପରେ ବର୍ଷେ ପାଇଁ ପ୍ରତିବନ୍ଧକ ଲଗାଯାଇଛି। ୩୫ ପ୍ରତିଶତରୁ ଅଧିକ ପନୀର ନମୁନା ପରୀକ୍ଷାରେ ବିଫଳ ହେବା ପରେ ଶେଷରେ ଖାଦ୍ୟ ସୁରକ୍ଷା ବିଭାଗ ସତର୍କ ହୋଇଉଠିଛି। ଏହା ପରେ ମହାରାଷ୍ଟର ଖାଦ୍ୟ ଏବଂ ଔଷଧ ବିଭାଗ (Food and Drug Administration) ବ୍ୟାପକ ଅପମିଶ୍ରଣକୁ ରୋକିବା ପାଇଁ "ଆନାଲଗ୍" ପନୀର ଉପରେ ପ୍ରତିବନ୍ଧକ ଲଗାଇଛି।

ନକଲି "ଆନାଲଗ୍" ପନୀର ଉତ୍ପାଦନ ଏବଂ ବିକ୍ରୟ ଉପରେ ବର୍ଷେ ପାଇଁ ଲାଗିଲା ପ୍ରତିବନ୍ଧକ
"ଆନାଲଗ୍ ଡାଏରୀ ସବଷ୍ଟିଚ୍ୟୁଟ" (Analog Dairy Substitute) ଅର୍ଥାତ ଦୁଗ୍ଧ ଉତ୍ପାଦର ବିକଳ୍ପ ଉପରେ ବର୍ଷେ ପାଇଁ ନିଷେଧାଦେଶ ଜାରି କରାଯାଇଛି। ସିନ୍ଥେଟିକ୍ କିମ୍ବା "ଆନାଲଗ୍" ପନୀର ଉତ୍ପାଦନ, ଯୋଗାଣ ଏବଂ ବିକ୍ରୟକୁ ଏବେ ୧ ବର୍ଷ ପାଇଁ ନିଷେଧ କରାଯାଇଛି। ମହାରାଷ୍ଟ୍ରର FDA କମିଶନର, ତୁକାରାମ ମୁଣ୍ଡେ, ଗମ୍ଭୀର ଜନସ୍ୱାସ୍ଥ୍ୟ ଚିନ୍ତାକୁ ଦର୍ଶାଇ କରି ଗତ ଜୁଲାଇ ତାରିଖରେ ଏହି ନିର୍ଦ୍ଦେଶନାମା ଜାରି କରିଥିଲେ। ସେହି ଚିନ୍ତା ଜନକ ଲ୍ୟାବ୍ ରିପୋର୍ଟ ଆସିବା ପରେ ଏପରି କଠୋର ପଦକ୍ଷେପ ନିଆଯାଇଛି। ଯେଉଁଥିରେ ଜଣାପଡ଼ିଛି ଯେ ରାଜ୍ୟରେ ସାମ୍ପ୍ରତିକ ୩୫ ପ୍ରତିଶତରୁ ଅଧିକ ପନିପରିବା ଚର୍ବି ସହିତ ମିଶ୍ରଣ (Vegetable Fat Adulteration) ଯୋଗୁଁ ପନୀର ନମୁନା ଗୁଣବତ୍ତା ପରୀକ୍ଷାରେ (Paneer Sample Quality Testing) ବିଫଳ ହୋଇଛି।

ଏହା ସହ ପଢନ୍ତୁ: ୧୦୦ ବଦଳରେ ଥିଲା ୭୨% ଅଟା; ବଡ଼ ବିସ୍କୁଟ କମ୍ପାନୀ ପାଇଲା ନୋଟିସ୍

ହୋଟେଲ, ରେସ୍ତୁରାଁ, କ୍ୟାଟରର୍ସ, କ୍ଲାଉଡ୍ କିଚେନ୍ ପାଇଁ ଚେତାବନୀ ଜାରି
ସମସ୍ତ ହୋଟେଲ, ରେସ୍ତୁରାଁ, କ୍ୟାଟରର୍ସ, କ୍ଲାଉଡ୍ କିଚେନ୍ ପାଇଁ ଏହି ନକଲି ଦୁଗ୍ଧ ଉତ୍ପାଦ ବିକଳ୍ପର ବ୍ୟବହାର, ଉତ୍ପାଦନ, ପରିବେଷଣ କିମ୍ବା ସଂରକ୍ଷଣ କରିବା ଉପରେ କଠୋର ନିଷେଧଦେଶ ଜାରି କରାଯାଇଛି। ଏନେି ହୋଇଥିବା ତଦନ୍ତରୁ ଜଣାପଡ଼ିଛି ଯେ ଗ୍ରାହକଙ୍କ ସହ ବ୍ୟାପକ ଠକେଇ କରାଯାଇଛି। କୌଣସି ମେନୁ ସୂଚନା ବିନା ରେସ୍ତୁରାଁ ଗୁପ୍ତ ଭାବରେ ପ୍ରକୃତ ଦୁଗ୍ଧ ପନୀର ପାଇଁ ଶସ୍ତା ନକଲି ବିକଳ୍ପ ବ୍ୟବହାର କରୁଛନ୍ତି।

ପ୍ରକୃତ ପନୀର ଲେବଲିଂ ସୁଦୃଢ଼ ​​କରାଯିବ
ପ୍ରକୃତ ପନୀର ନିର୍ମାତାଙ୍କୁ ଏବେ FSSAI (Food Safety and Standards Authority of India) ର ପ୍ୟାକେଜିଂ ଏବଂ ଲେବଲିଂ ନିୟମାବଳୀକୁ (FSSAI Packaging & Labeling Regulations) କଠୋର ଭାବରେ ପାଳନ କରିବାକୁ ପଡିବ। ସେମାନଙ୍କୁ ସେମାନଙ୍କର ଦୁଗ୍ଧରେ ରହିଥିବା ଫ୍ୟାଟ୍ (Milk Fat) ପରିମାଣ ଉପରେ ଆଧାର କରି ଉତ୍ପାଦକୁ ସ୍ପଷ୍ଟ ଭାବରେ ବର୍ଗୀକରଣ କରିବାକୁ ହେବ। ଏହି ନିୟମ ଉଲ୍ଲଂଘନ କରୁଥିବା ଯେକୌଣସି ଖାଦ୍ୟ ବ୍ୟବସାୟୀ ଗମ୍ଭୀର ପରିଣାମର ସାମ୍ନା କରିବେ। ଖାଦ୍ୟ ସୁରକ୍ଷା ଆଇନ ଅନୁଯାୟୀ, ସେମାନଙ୍କ ପାଖରେ ଗଚ୍ଛିତ ରହିଥିବା ପରିମାଣ ତୁରନ୍ତ ଜବତ କରି ଏହାକୁ ନଷ୍ଟ କରାଯିବା ସହ ସେମାନଙ୍କ ଠାରୁ ଭାରୀ ଜରିମାନା ଆଦାୟ କରାଯିବ।

ଏହା ସହ ପଢନ୍ତୁ: ମୁମ୍ବାଇରେ ୨୬ ଦୋକାନ ଉପରେ ୧.୫୧ ଲକ୍ଷର ଜରିମାନା ଲଗାଇଲା ଏଫଡ଼ିଏ; ଜାଣନ୍ତୁ କାହିଁକି

"ଆନାଲଗ୍" ପନୀର କ’ଣ?
ଆମେ ପ୍ରାୟତଃ ନକଲି ପନୀର ବିଷୟରେ ଶୁଣିଛେ। ହେଲେ ବର୍ତ୍ତମାନ ଏକ ନିର୍ଦ୍ଦିଷ୍ଟ ପ୍ରକାରର ପନୀର ଆଜିକାଲି ଘୂରି ବୁଲୁଛି। ଯାହାକୁ "ଆନାଲଗ୍" ପନୀର କୁହାଯାଏ। ଆଶ୍ଚର୍ଯ୍ୟର କଥା, ଏହାର ବିକ୍ରୟ ଉପରେ କୌଣସି ନିୟନ୍ତ୍ରଣ ନାହିଁ। ଏହା ଦେଖିବାକୁ ଠିକ୍ ପନୀର ଭଳି ହୋଇଥାଏ। ଏହାକୁ "ପନୀର" ଭାବରେ ବଜାରରେ ବିକ୍ରି କରାଯାଉଛି। ଏହି ପନୀରକୁ ପ୍ରକୃତ ପନୀରର ଅବିକଳ ନକଲ କହିଲେ ଭୁଲ ହେବ ନାହିଁ। ଏହାର ସ୍ୱାଦ ପ୍ରକୃତ ପନୀର ସହିତ ବହୁତ ସମାନ। ହେଲେ ଏହାକୁ ଭେଜିଟେବୁଲ ଅଏଲ (Vegetable Oil), ଅନ୍ୟାନ୍ୟ ଚର୍ବି (Fat) ଏବଂ ସୋୟା (Soya) ସହିତ ତିଆରି ହୋଇଥାଏ। ଏଥିରେ କୌଣସି ଦୁଗ୍ଧଜାତ ଦ୍ରବ୍ୟ (Dairy Products) ବ୍ୟବହାର କରାଯାଏ ନାହିଁ। ଆଜିକାଲି ଅଧିକାଂଶ ସ୍ଥାନରେ ଏହି ଶସ୍ତା ପନୀରକୁ ବିଭିନ୍ନ ପ୍ରକାରର ପନୀର ଆଇଟମ୍ ଲାଗି ବ୍ୟବହାର କରାଯାଉଛି।