ମୁମ୍ବାଇ: ରାତିରେ ବାପା ଘରକୁ ଫେରିଲେ, ପୁଅ ରାହା ଧରି କାନ୍ଦୁଥିଲା । ଆଉ ବାପା ପଚାରିଲେ, "ଧନ କାହିଁକି କାନ୍ଦୁଛୁ ।" ଆଉ ପୁଅ କହିଲା, "ବାପା, ତୁମେ କେବେ ସ୍କୁଲ୍ ଫି' ଦେବ ?"

ସ୍କୁଲ୍‌ରେ ଦଶମ ଶ୍ରେଣୀ ଛାତ୍ରଙ୍କୁ ଅପମାନ । ଫି' ବାନ୍ଧି ନଥିବାରୁ ପରୀକ୍ଷା ଦେବାକୁ ଚଟାଣରେ ବସାଇ ଦେଲେ କର୍ତ୍ତୃପକ୍ଷ । ଅମାନବିକତାର ଏଭଳି ଅଭିଯୋଗ ଆସିଛି, ମହାରାଷ୍ଟ୍ରର ଭିୱାଣ୍ଡିରୁ । ସ୍କୁଲ୍‌ରେ ଦଶମ ଶ୍ରେଣୀ ଛାତ୍ରଙ୍କୁ ଅପମାନ । ଫି' ବାନ୍ଧି ନଥିବାରୁ ପରୀକ୍ଷା ଦେବାକୁ ଚଟାଣରେ ବସାଇ ଦେଲେ କର୍ତ୍ତୃପକ୍ଷ । ଅମାନବିକତାର ଏଭଳି ଅଭିଯୋଗ ଆସିଛି, ମହାରାଷ୍ଟ୍ରର ଭିୱାଣ୍ଡିରୁ । ଯେଉଁଠି ବିଦ୍ୟାଳୟର ଦେୟ ଦାଖଲ କରି ନଥିବାରୁ ଦଶମ ଶ୍ରେଣୀ ଛାତ୍ରଙ୍କୁ ପ୍ରଥମ ସେମିଷ୍ଟାର ପରୀକ୍ଷା ଚଟାଣରେ ବସି ଦେବାକୁ ପଡ଼ିଛି ।

ଏଥିସହ ପଢ଼ନ୍ତୁ: ଘୋଷଣା ହେଲା ନୋବେଲ ଶାନ୍ତି ପୁରସ୍କାର, ଟ୍ରମ୍ପଙ୍କୁ ନୁହେଁ ଏହି ବ୍ୟକ୍ତି ହେଲେ ବିଜେତା

ଏଭଳି ଘଟଣା ଘଟିଛି ଭିୱାଣ୍ଡିର ସଲାହୁଦ୍ଦିନ ଆୟୁବି ମେମୋରିଆଲ୍ ଉର୍ଦ୍ଦୁ ହାଇସ୍କୁଲ୍‌ରେ । ଫୈଜ ଖାନଙ୍କ ପୁଅ ଫହଦଙ୍କୁ ପ୍ରଥମ ସେମିଷ୍ଟାରର ପ୍ରଥମ ପରୀକ୍ଷା ତଳେ ଚଟାଣରେ ବସି ଦେବାକୁ ପଡ଼ିଛି । ଶ୍ରେଣୀର ଛୁଆମାନଙ୍କ ଠାରୁ ସମ୍ପୂର୍ଣ୍ଣ ଭାବେ ଅଲଗା ବସି ପୁଅ ପରୀକ୍ଷା ଦେଇଥିବା ଅଭିଯୋଗ କରିଛନ୍ତି ଫୈଜ ଖାନ ।

ଅକ୍ଟୋବର ୩ର ଏହି ଘଟଣା ପରେ ୪ ତାରିଖରେ ସ୍କୁଲ୍‌କୁ ଯାଇ କର୍ତ୍ତୃପକ୍ଷଙ୍କୁ ଫୈଜ ବାବଦରେ ପଚାରିଥିଲେ । ସ୍କୁଲ୍‌କୁ ଯାଇ ଫୈଜ ଯାହା ଦେଖିଲେ ବର୍ଣ୍ଣନା କରିଛନ୍ତି । କହିଛନ୍ତି, "ସ୍କୁଲ୍‌ର ତୃତୀୟ ମହଲୋରେ ଫହଦ ତଳେ ବସିଥିଲା, ମୋତେ ଯିବାକୁ ଦିଆଗଲା ନାହିଁ । ମୁଁ ଯେଣେତେଣେ ପ୍ରକାରେ ଗଲି ଆଉ ଦେଖିଲି ପୁଅ ଚଟାଣରେ ଏକ ନ୍ୟୁଜ୍ ପେପର୍ ଉପରେ ବସିଛି । ଆଉ ଏନେଇ ମୁଁ ଯେତେବେଳେ ପରୀକ୍ଷା ନୀରିକ୍ଷକଙ୍କୁ ପଚାରିଲି ସେ କହିଲେ ପ୍ରିନ୍ସିପାଲଙ୍କ ସହ କଥା ହୁଅନ୍ତି । ମୁଁ ପୁଅକୁ ନେଇ ପଳାଇ ଆସିଲି ।"

ଏହା ପରେ ଫୈଜ ତାଙ୍କ ପୁଅକୁ ନେଇ ପୋଲିସ ଥାନାରେ ପହଞ୍ଚିବା ସହ ଏନେଇ ରିପୋର୍ଟ ଲେଖାଇ ଥିଲେ । ଫୈଜଙ୍କ ଏତଲା ଅନୁସାରେ, ପୋଲିସ ସ୍କୁଲ୍‌ର ପ୍ରିନ୍ସିପାଲ ଏବଂ ଶିକ୍ଷକଙ୍କ ବିରୋଧରେ ମାମଲା ରୁଜୁ କରିବା ସହ ପରୀକ୍ଷା ପେପର୍ ସାରିବା ଲାଗି ଫହଦକୁ ସ୍କୁଲ୍‌ ପଠାଇଥିଲା ପୋଲିସ ।

ଏଥିସହ ପଢ଼ନ୍ତୁ: ୬୦ କୋଟି ଠକେଇକୁ ନେଇ ମୁହଁ ଖୋଲିଲେ ଶିଳ୍ପା ସେଟ୍ଟୀଙ୍କ ସ୍ଵାମୀ

ପୁଅର ସ୍କୁଲ୍ ଫି' ନେଇ ଫୈଜ କହିଛନ୍ତି, "ପୁଅର ସ୍କୁଲ୍ ପି ହେଉଛି ୨୫୦୦ ଟଙ୍କା । ମୁଁ ୧୨୦୦ ଟଙ୍କା ଦେଇଥିଲି । ପୂର୍ବରୁ ୧୩୦୦ ଟଙ୍କା ପାଇଁ ସ୍କୁଲ୍ ଫହଦର ନବମ ଶ୍ରେଣୀ ଫଳାଫଳ ଅଟକାଇ ରଖିଛି ।"

ଫହଦଙ୍କ ପରିବାର ଲୋକ କହିଛନ୍ତି, ସ୍କୁଲ୍ କର୍ତ୍ତୃପକ୍ଷ ଏଭଳି କରି ପୁଅର ଆତ୍ମସମ୍ମାନ ଏବଂ ଛାତ୍ର ଅଧିକାରର ଉଲ୍ଲଂଘନ କରିଛନ୍ତି । ଯାହା ଫଳରେ ଫହଦ ଅପମାନିତ ହୋଇଛି । ତେବେ ଏନେଇ ସ୍କୁଲ୍ କର୍ତ୍ତୃପକ୍ଷ କୌଣସି ପ୍ରତିକ୍ରିୟା ଦେଇ ନାହାନ୍ତି ।