ପଶ୍ଚିମବଙ୍ଗ ମଇଦାନରେ ହେଭିୱେଟଙ୍କ ମାରାଥନ ପ୍ରଚାର । ଆଜି ଥମିବ ନିର୍ବାଚନୀ ଉଷ୍ମତା । ଶେଷ ହେଉଛି ଦ୍ୱିତୀୟ ତଥା ଅନ୍ତିମ ପର୍ଯ୍ୟାୟ ପାଇଁ ହାଇଭୋଲଟେଜ୍ ପ୍ରଚାର । ହାତରେ ମାତ୍ର କିଛି ଘଣ୍ଟା ଥିବାରୁ ଭୋଟରଙ୍କୁ ଆକୃଷ୍ଟ କରିବା ପାଇଁ ପୁରା ଦମ୍ ଲଗାଇ ଦେଇଛନ୍ତି ବିଜେପିର ହେଭିୱେଟ୍ ନେତା ।

ପ୍ରଚାରର ଶେଷ ଦିନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପଶ୍ଚିମବଙ୍ଗର ବାରାକପୁରରେ ଏକ ବିଜୟ ସଂକଳ୍ପ ସଭାରେ ସାମିଲ ହୋଇଥିଲେ । ନିର୍ବାଚନ ରାଲିକୁ ସମ୍ବୋଧିତ କରି ପ୍ରଧାନମନ୍ତ୍ରୀ ମୋଦି କହିଥିଲେ, "ମୁଁ ୪ ମେ'ରେ ହିଁ ପଶ୍ଚିମବଙ୍ଗ ଫେରିବି, ଯେତେବେଳେ ବିଜେପି ସରକାରଙ୍କ ଶପଥ ଗ୍ରହଣ ଉତ୍ସବ ଅନୁଷ୍ଠିତ ହେବ ।" ମଞ୍ଚ ଉପରୁ ପ୍ରଧାନମନ୍ତ୍ରୀ କହିଥିଲେ, "ଏବେ ଦେଶର ଲୋକମାନେ ମୋର ପରିବାର । ମୋ ଘର ଛାଡିବା ପରଠାରୁ ମୁଁ ସେମାନଙ୍କ ସହିତ ଅଛି।"

ବାରାକପୁରରେ ଏକ ବିଶାଳ ରାଲିକୁ ସମ୍ବୋଧିତ କରି PM ମୋଦି କହିଥିଲେ, "ପଶ୍ଚିମବଙ୍ଗର ଲୋକମାନେ ସୁରକ୍ଷା, ସୁଯୋଗ ଏବଂ ସଚ୍ଚୋଟ ଶାସନ ଚାହାଁନ୍ତି, ଯାହା ଟିଏମସି ଯୋଗାଇବାରେ ସମ୍ପୂର୍ଣ୍ଣ ବିଫଳ ହୋଇଛି ।"

ଅଧିକ ପଢ଼ନ୍ତୁ: ପଶ୍ଚିମବଙ୍ଗରେ ମୋଦି-ଶାହଙ୍କ ମାରାଥନ ପ୍ରଚାର, TMC ଓ କଂଗ୍ରେସକୁ କଲେ କଡ଼ା ସମାଲୋଚନା

ପ୍ରଧାନମନ୍ତ୍ରୀ କହିଥିଲେ, "ବଙ୍ଗଳାର ପରିବେଶକୁ ଦେଖି ମୁଁ ଅନୁଭବ କରୁଛି ଯେ ମୁଁ ବିଜେପି ସରକାରଙ୍କ ଶପଥ ଗ୍ରହଣ ସମାରୋହ ସମୟରେ ପୁଣି ଫେରିବି ।" ସେ କହିଥିଲେ, "ଜମ୍ମୁ ଓ କାଶ୍ମୀରରେ ଧାରା ୩୭୦ର ଅଧିକାଂଶ ବ୍ୟବସ୍ଥାକୁ ବାତିଲ କରି, ବିଜେପି ଶ୍ୟାମା ପ୍ରସାଦ ମୁଖାର୍ଜୀଙ୍କ ଏକ ସଂକଳ୍ପ ପୂରଣ କରିଛି । ବଙ୍ଗଳାର ନୂତନ ବିଜେପି ସରକାର ଶ୍ୟାମା ପ୍ରସାଦ ମୁଖାର୍ଜୀଙ୍କ ରାଜ୍ୟର ସମୃଦ୍ଧିର ସ୍ୱପ୍ନ ପୂରଣ କରିବ ଏବଂ ଶରଣାର୍ଥୀ ସମସ୍ୟାର ସମାଧାନ କରିବ।"

Speaking at a huge rally in Barrackpore. People across West Bengal want security, opportunities and honest governance, which TMC has completely failed to deliver.@BJP4Bengal
https://t.co/yvD05mmyu0

— Narendra Modi (@narendramodi) April 27, 2026

'ଓଡିଶା ଏବଂ ବିହାର ପରେ, ବଙ୍ଗଳାରେ ପଦ୍ମ ଫୁଟିବ' - ପ୍ରଧାନମନ୍ତ୍ରୀ ମୋଦି

ସେ ଆହୁରି କହିଛନ୍ତି ଯେ ସେ ବଙ୍ଗଳାର ସେବା କରିବା, ଏହାର ସୁରକ୍ଷା ସୁନିଶ୍ଚିତ କରିବା ଏବଂ ରାଜ୍ୟକୁ ସୁରକ୍ଷା ଦେବା ପାଇଁ ନିଜକୁ ସମର୍ପିତ ବୋଲି ଭାବନ୍ତି। ପ୍ରଧାନମନ୍ତ୍ରୀ ମୋଦି ଦାବି କରିଥିଲେ ଯେ ଓଡ଼ିଶା ଏବଂ ବିହାର ପରେ, ଏଥର ପଶ୍ଚିମବଙ୍ଗରେ ପଦ୍ମ ଫୁଟିବ । ସେ କହିଥିଲେ ଯେ ଦେଶର ପ୍ରଗତି ପାଇଁ ପୂର୍ବ ଭାରତର ବିକାଶ ଅତ୍ୟାବଶ୍ୟକ । ବଙ୍ଗଳାର ବିକାଶ ପାଇଁ ଦୃଷ୍ଟିକୋଣର ଅଭାବ ପାଇଁ ଶାସକ ତୃଣମୂଳ କଂଗ୍ରେସ (TMC)କୁ ଟାର୍ଗେଟ କରିଛନ୍ତି ମୋଦି ।