Nagaland heavy rain disaster 2026: ନାଗାଲାଣ୍ଡର ମୋନ୍ ଜିଲ୍ଲାର ତିଜିତ୍ ଠାରେ ହୋଇଥିବା ପ୍ରବଳ ବର୍ଷା ଯୋଗୁଁ ବନ୍ୟା ଭଳି ପରିସ୍ଥିତି ସୃଷ୍ଟି ହେଉଛିଛି। ନିରନ୍ତର ବର୍ଷା ଯୋଗୁଁ ଶନିବାର ସକାଳେ ଏଠାରେ ହଠାତ୍ ବନ୍ୟା ମାଡ଼ି ଆସିଥିଲା। ଅନେକ ଅଞ୍ଚଳରେ ପାଣି ପଶିଯିବା ପରେ ସାଧାରଣ ଜୀବନଯାତ୍ରାକୁ ବ୍ୟାହତ ହୋଇଥିଲା। ଦିନ ଗଡ଼ିବା ସହିତ, ବନ୍ୟା ଏବଂ ଜଳବନ୍ଦୀ ସମସ୍ୟା ଯୋଗୁଁ ଅନେକ ଅଞ୍ଚଳରେ ଘରେ ପାଣି ପଶିଯାଇଛି। ମୋନ୍-ତିଜିତ୍ ରାଜପଥ (NH-712) ମଧ୍ୟ ଆଂଶିକ ଭାବରେ ବୁଡ଼ିଯାଇଥିଲା। ଯାହା ଫଳରେ ଯୋଗାଯୋଗ ବିଚ୍ଛିନ୍ନ ହୋଇଗଲା। ଚିକିତ୍ସା ଏବଂ ଶିଳ୍ପ କ୍ଷେତ୍ର ସର୍ବାଧିକ ପ୍ରଭାବିତ ହୋଇଥିଲେ। ବନ୍ୟା ଜଳ ବୃଦ୍ଧି ପାଇବା ଯୋଗୁଁ ଅନେକ ଲୋକ ଫସି ଯାଇଥିଲେ।

ଭୂସ୍ଖଳନ ଯୋଗୁଁ ସୃଷ୍ଟି ହୋଇଥିଲା ତାଣ୍ଡବ
ସ୍ଥାନୀୟ ପ୍ରଶାସନ ଲଙ୍ଗଲାମ୍-ଓଟିଂ ରାସ୍ତାରେ ଭୂସ୍ଖଳନ ହୋଇଥିବାର ସୂଚନା ଦେଇଛନ୍ତି। ପ୍ରଭାବିତ ଅଞ୍ଚଳରେ ଯୋଗାଯୋଗ ବିଚ୍ଛିନ୍ନ ହୋଇ ଯାଇଛି। ଭୂସ୍ଖଳନରେ ୮ ଜଣଙ୍କ ମୃତ୍ୟୁ ହୋଇଥିବାର ଆଶଙ୍କା କରାଯାଉଛି। ଏପର୍ଯ୍ୟନ୍ତ ୪ ଜଣଙ୍କ ମୃତଦେହ ଉଦ୍ଧାର କରାଯାଇ ସାରିଛି। SDRF, ଆସାମ ରାଇଫଲ୍ସ ଏବଂ ପୋଲିସ ଅନୁସନ୍ଧାନ ଏବଂ ଉଦ୍ଧାର କାର୍ଯ୍ୟରେ ସାମିଲ ହୋଇଛି। ନାଗାଲାଣ୍ଡ ପୋଲିସ ସୂତ୍ର ଅନୁଯାୟୀ ରାଜ୍ୟରେ ବହୁତ ବଡ଼ ଧରଣର ଭୂସ୍ଖଳନ ହୋଇଛି। ପ୍ରଭାବିତ ଅଞ୍ଚଳରେ ପାଣି ପ୍ରବାହ ଉଦ୍ଧାର କାର୍ଯ୍ୟରେ ବାଧା ସୃଷ୍ଟି କରିଛି। ଏପର୍ଯ୍ୟନ୍ତ, ମୃତାହତ ଏବଂ କ୍ଷୟକ୍ଷତି ସମ୍ପର୍କରେ କୌଣସି ସ୍ପଷ୍ଟ ସୂଚନା ମିଳିନାହିଁ।

ଏହା ସହ ପଢନ୍ତୁ: ବାଦଲ ଫଟା ପରେ ଭାସିଗଲା ପୋଲ; ଫସି ରହିଛନ୍ତି ଲୋକେ

ଉଦ୍ଧାର କାର୍ଯ୍ୟରେ ନିୟୋଜିତ ହୋଇଛି ବିଭିନ୍ନ ବିଭାଗୀୟ ଦଳ
ଜିଲ୍ଲା ପ୍ରଶାସନ ଅନୁଯାୟୀ, ADC କାର୍ଯ୍ୟାଳୟରେ ଏକ ସମନ୍ୱିତ କମାଣ୍ଡ ପୋଷ୍ଟ ସ୍ଥାପନ କରାଯାଇଛି ଏବଂ ପ୍ରବଳ ଜଳ ପ୍ରବାହ ସତ୍ତ୍ୱେ ଲୋକଙ୍କୁ ସ୍ଥାନାନ୍ତର କରିବା ପାଇଁ ପ୍ରୟାସ କରାଯାଇଛି। ପ୍ରଭାବିତ ଅଞ୍ଚଳରେ ଏକ ବିଶାଳ ଉଦ୍ଧାର ଅଭିଯାନ କାର୍ଯ୍ୟକାରୀ ହୋଇଛି। ଉଦ୍ଧାର କାର୍ଯ୍ୟ ପାଇଁ ପୋଲିସ, ବିଭିନ୍ନ ବିଭାଗର କର୍ମଚାରୀ, Community First Responder ଏବଂ ନାଗରିକ ସମାଜ ସଙ୍ଗଠନକୁ ଘଟଣାସ୍ଥଳରେ ନିୟୋଜିତ କରାଯାଇଛି। ପ୍ରାୟ ୫୦୦ ଘର ପ୍ରଭାବିତ ହୋଇଥିବାର କୁହାଯାଉଛି।

ପ୍ରଶାସନ କହିଛି ଯେ ପରିସ୍ଥିତି ଉପରେ ସତର୍କ ନଜର ରଖାଯାଇଛି। ସମ୍ବେଦନଶୀଳ ଅଞ୍ଚଳର ବାସିନ୍ଦାଙ୍କୁ ସତର୍କ ରହିବା ଏବଂ ଉଦ୍ଧାର ଏବଂ ରିଲିଫ ପ୍ରୟାସରେ ସହଯୋଗ କରିବାକୁ ଅନୁରୋଧ କରାଯାଇଛି। ପାଗ ଅନିଶ୍ଚିତ ହେବା ଯୋଗୁଁ ସରକାରୀ କର୍ତ୍ତୃପକ୍ଷ ସ୍ଥାନୀୟ ବାସିନ୍ଦାଙ୍କୁ ବିପଦପୂର୍ଣ୍ଣ ସ୍ଥାନରୁ ଦୂରେଇ ରହିବାକୁ ଅନୁରୋଧ କରିଛନ୍ତି।