Nashik Simhastha Kumbh Mela / ନାସିକ ସିଂହସ୍ଥ ମହାକୁମ୍ଭ ଶଙ୍ଖନାଦ; 'ଭକ୍ତି ସଙ୍ଗମ' ଉଦଘାଟନ କରିବେ ମୁଖ୍ୟମନ୍ତ୍ରୀ

Nashik Simhastha Kumbh Mela 2027: ଆସନ୍ତାବର୍ଷ ମହାରାଷ୍ଟ୍ରର ନାସିକ ଜିଲ୍ଲାରେ ଆୟୋଜିତ ହେଉଛି ସିଂହସ୍ଥ ମହାକୁମ୍ଭ। ହେଲେ ଏହା ପୂର୍ବରୁ ଏଠାରେ ଏକ ୩ ଦିନିଆ "ସିଂହସ୍ଥ ମହାକୁମ୍ଭ ଭକ୍ତି ସଙ୍ଗମ" କାର୍ଯ୍ୟକ୍ରମ ଆୟୋଜିତ ହେଉଛି। ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ ଏହାକୁ ଉଦଘାଟନ କରିବେ। କୁମ୍ଭମେଳା ମନ୍ତ୍ରୀ ଗିରିଶ ମହାଜନ, ମନ୍ତ୍ରୀ ଛଗନ ଭୁଜବଳ ଏବଂ ବିଭିନ୍ନ ଆଖଡ଼ା ସହ ଜଡ଼ିତ ସାଧୁ ସନ୍ଥ ଏବଂ ମହନ୍ତ ମଧ୍ୟ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିବେ।

ଆଗାମୀ ସିଂହସ୍ଥ କୁମ୍ଭମେଳାକୁ ସ୍ୱାଗତ କରିବା ପାଇଁ ଏହି କାର୍ଯ୍ୟକ୍ରମ ଆୟୋଜନ କରାଯାଉଛି। କୁମ୍ଭମେଳା ପୂର୍ବରୁ ନାସିକ ସହ ଦେଶବ୍ୟାପୀ ଭକ୍ତି ଏବଂ ଆଧ୍ୟାତ୍ମିକତାର ପରିବେଶ ସୃଷ୍ଟି କରିବା ହେଉଛି ଏହାର ଉଦ୍ଦେଶ୍ୟ। ଯାହାକୁ ଏକ ବିଶେଷ ପ୍ରାକ୍ କୁମ୍ଭ କାର୍ଯ୍ୟକ୍ରମ ଭାବରେ ଦେଖାଯାଉଛି।

ଆୟୋଜିତ ହେବ ୩ ଦିନିଆ ଭଜନ, କୀର୍ତ୍ତନ ଏବଂ ପ୍ରବଚନ କାର୍ଯ୍ୟକ୍ରମ
ଏହି ୩ ଦିନିଆ କାର୍ଯ୍ୟକ୍ରମରେ ଦେଶ ସାରା ଭକ୍ତି ଏବଂ ସାଂସ୍କୃତିକ ପରମ୍ପରା ପ୍ରଦର୍ଶିତ ହେବ। ଭକ୍ତ ଭଜନ, କୀର୍ତ୍ତନ, ଅଭଙ୍ଗ ଏବଂ ଶାସ୍ତ୍ରୀୟ ସଙ୍ଗୀତର ମଜା ନେବେ। ଧର୍ମ ଏବଂ ଆଧ୍ୟାତ୍ମିକତା ସମ୍ବନ୍ଧୀୟ ବିଷୟ ବସ୍ତୁ ଉପରେ ସାଧୁ ସନ୍ଥ ଏବଂ ମହନ୍ତ ମଧ୍ୟ ସେମାନଙ୍କର ମତାମତ ବାଣ୍ଟିବେ।

ଏହା ସହ ପଢନ୍ତୁ: ମହାକାଶରୁ ନଜର ଆସିଲା ମହାକୁମ୍ଭ ମେଳାର ଭବ୍ୟ ଦୃଶ୍ୟ; ନାସା ମହାକାଶଚାରୀ ମଧ୍ୟ ହୋଇଉଠିଲେ ପ୍ରଶଂସକ

ମୈଥିଳୀ ଠାକୁର ଏବଂ ରାହୁଲ ଦେଶପାଣ୍ଡେ କରିବେ ପରିବେଷଣ
ଏହି କାର୍ଯ୍ୟକ୍ରମର ଗୁରୁତ୍ୱପୂର୍ଣ୍ଣ ଆକର୍ଷଣ ମଧ୍ୟରେ ପ୍ରସିଦ୍ଧ ଗାୟିକା ମୈଥିଳୀ ଠାକୁରଙ୍କ ଦ୍ୱାରା ଭଜନ, ରାହୁଲ ଦେଶପାଣ୍ଡେଙ୍କ ଦ୍ୱାରା "ଅଭଙ୍ଗୱାରୀ" ଏବଂ ଡକ୍ଟର ଚାରୁଦତ୍ତ ଆଫଲେଙ୍କ ଦ୍ୱାରା କୀର୍ତ୍ତନ କରାଯିବାର କାର୍ଯ୍ୟକ୍ରମ ଅନ୍ତର୍ଭୂକ୍ତ ରହିଛି। ଆୟୋଜକ ବହୁ ସଂଖ୍ୟକ ଭକ୍ତ ଯୋଗଦେବା ନେଇ ଆଶା ରଖିଛନ୍ତି।

ଗୋଟିଏ ମଞ୍ଚରେ ଏକାଠି ହେବ ସମଗ୍ର ଦେଶର ସଂସ୍କୃତି
ଏହି କାର୍ଯ୍ୟକ୍ରମ କେବଳ ମହାରାଷ୍ଟ୍ର ନୁହେଁ ବରଂ ଦେଶର ବିଭିନ୍ନ ଅଂଶର ଧାର୍ମିକ ଏବଂ ସାଂସ୍କୃତିକ ପରମ୍ପରାକୁ ପ୍ରଦର୍ଶିତ କରିବ। କୁମ୍ଭମେଳା ପୂର୍ବରୁ ଆୟୋଜିତ ଏହି କାର୍ଯ୍ୟକ୍ରମ, ଭକ୍ତଙ୍କ ପାଇଁ ଭକ୍ତି, ସଙ୍ଗୀତ ଏବଂ ସଂସ୍କୃତିର ଏକ ପ୍ରମୁଖ ଉତ୍ସବ ହେବ ବୋଲି ଆଶା କରାଯାଉଛି।