Ethanol Challenge / ଇଥାନଲ ମିଶ୍ରିତ ପେଟ୍ରୋଲରେ ଖରାପ ହେବନି ଗାଡ଼ି; ନୀତିନ ଗଡ଼କରୀଙ୍କ ଖୋଲା ଚ୍ୟାଲେଞ୍ଜ

ନୂଆଦିଲ୍ଲୀ: କେନ୍ଦ୍ର ପରିବହନ ମନ୍ତ୍ରୀ ନୀତିନ ଗଡକରୀ ଇଥାନଲ ମିଶ୍ରଣ ନୀତିର ସମାଲୋଚକମାନଙ୍କୁ ଏକ ଖୋଲା ଚ୍ୟାଲେଞ୍ଜ ଦେଇଛନ୍ତି । ଇଥାନଲ୍ ମିଶ୍ରିତ ପେଟ୍ରୋଲ ଯାନବାହନକୁ କ୍ଷତି ପହଞ୍ଚାଉଥିବା ଦାବିକୁ କେନ୍ଦ୍ର ମନ୍ତ୍ରୀ ନୀତିନ୍ ଗଡକରୀ ଖାରଜ କରିଛନ୍ତି । ସେ ସମାଲୋଚକମାନଙ୍କୁ ଖୋଲାଖୋଲି ଚ୍ୟାଲେଞ୍ଜ କରି କହିଛନ୍ତି ଯେ ଏହି ପଦକ୍ଷେପ କୃଷିରେ ବିବିଧତା ଆଣିଛି ଏବଂ ଗ୍ରାମୀଣ ଅର୍ଥନୀତିରେ କୋଟି କୋଟି ଟଙ୍କାର ନିବେଶ ଆସିପାରିଛି ।

"ବିହାର ନିବେଶକ ସମ୍ମିଳନୀ 2026:ଭାରତର ଉଦୀୟମାନ ନିବେଶ ଗନ୍ତବ୍ୟସ୍ଥଳ"ର ଉଦଘାଟନୀ ଅଧିବେଶନରେ ନିଜ ଅଭିଭାଷଣ ରଖି ଗଡକରୀ କହିଛନ୍ତି ଯେ ୨୦୨୨ ମସିହା ସୁଦ୍ଧା ୪ କୋଟିରୁ ଅଧିକ ଚାରିଚକିଆ ଏବଂ ୨୦ କୋଟିରୁ ଅଧିକ ଦୁଇଚକିଆ ଯାନ କୌଣସି ସମସ୍ୟା ବିନା ଇଥାନଲ୍ ମିଶ୍ରିତ ପେଟ୍ରୋଲରେ ଚାଲିବ ।

• ନୀତିନ ଗଡକରୀଙ୍କ ଖୋଲା ଚ୍ୟାଲେଞ୍ଜ

ଗଡକରୀ କହିଛନ୍ତି, "ମୁଁ ସମସ୍ତଙ୍କୁ ଚ୍ୟାଲେଞ୍ଜ କରୁଛି ଯେ ଏହି କାରଣରୁ ସେମାନଙ୍କ ଗାଡ଼ି ଖରାପ ହୋଇଯାଇଛି ବୋଲି ଅଭିଯୋଗ କରିବାକୁ । ନିଶ୍ଚିତ ଭାବରେ ଯେଉଁମାନଙ୍କର ସ୍ୱାର୍ଥ ନିହିତ ଅଛି ସେମାନଙ୍କର କାହାଣୀ ଭିନ୍ନ ହୋଇପାରେ ।" ସେ ଆହୁରି କହିଛନ୍ତି ଯେ ପ୍ରମୁଖ ଗାଡି ନିର୍ମାତାମାନେ ୧୦୦% ଇଥାନଲ୍ ବ୍ୟବହାର କରି କରିଥିବା ପରୀକ୍ଷାରେ ମଧ୍ୟ କୌଣସି ଅଭିଯୋଗ ମିଳିନାହିଁ ।

ଏହି ନୀତିର ବିରୋଧ ସମ୍ପର୍କରେ ମନ୍ତ୍ରୀ କହିଛନ୍ତି ଯେ ଏହି ବିରୋଧ ପାରମ୍ପରିକ ଇନ୍ଧନ ଆମଦାନୀ ସହିତ ଜଡିତ ବ୍ୟବସାୟିକ ସ୍ୱାର୍ଥ ଦ୍ୱାରା ପରିଚାଳିତ । ସେ କହିଛନ୍ତି, "ଅବଶ୍ୟ ଆମେ ୨୨ ଲକ୍ଷ କୋଟି ଟଙ୍କାର (ପାରମ୍ପରିକ ଇନ୍ଧନ) ଆମଦାନୀ କରୁଛୁ ଏବଂ ଯେଉଁମାନେ ଭାବୁଛନ୍ତି ଯେ ସେମାନଙ୍କର ବ୍ୟବସାୟ ପ୍ରଭାବିତ ହେବ, ସେମାନଙ୍କୁ ଖରାପ ଲାଗିବା ସ୍ଵାଭାବିକ କଥା । କିନ୍ତୁ ମୁଁ ଆପଣଙ୍କୁ କହିବାକୁ ଚାହୁଁଛି, ମୁଁ ଏହି ବିଭାଗର ମନ୍ତ୍ରୀ । ସମସ୍ତ ପ୍ରମୁଖ ଅଟୋମୋବାଇଲ୍ ବ୍ରାଣ୍ଡ୍ ୧୦୦% ଇଥାନଲ୍ ଉପରେ ସେମାନଙ୍କର ଗାଡ଼ିଗୁଡ଼ିକର ପରୀକ୍ଷା କରିଛନ୍ତି । କୌଣସି ଅଭିଯୋଗ ମିଳିନାହିଁ ।"

• ନୀତି କାହିଁକି ପରିବର୍ତ୍ତନ କରାଗଲା?

ପାରମ୍ପରିକ ଫସଲ ଉତ୍ପାଦନ ପ୍ରକ୍ରିୟାକୁ ଆଗକୁ ନେଇ ଦେଶର କୃଷି ଭିତ୍ତିଭୂମିକୁ ବିସ୍ତାର କରିବା ପାଇଁ ଏହି ନୀତିଗତ ପରିବର୍ତ୍ତନ କରାଯାଇଛି ବୋଲି ଗଡକରୀ କହିଛନ୍ତି । ସେ ଆହୁରି କହିଛନ୍ତି, "ଆମକୁ ବୁଝିବାକୁ ପଡିବ ଯେ ପେଟ୍ରୋଲ ସହିତ ଇଥାନଲ ମିଶ୍ରଣ କରିବାର ନିଷ୍ପତ୍ତି କୃଷିକୁ କ୍ଷେତ୍ରକୁ ସୁଦୃଢ କରିବାକୁ ନିଆଯାଇଥିଲା । ଆମର ଚାଷୀମାନେ ଆଉ କେବଳ 'ଅନ୍ନଦାତା' ହେବେ ନାହିଁ, ବରଂ 'ଉର୍ଜାଦାତା' (ଶକ୍ତି ଉତ୍ପାଦକ) ମଧ୍ୟ ହୋଇଯିବେ ।"

ପଢନ୍ତୁ ଏହି ଖବର: ରୋଷେଇ ଘରେ ଏଣ୍ଟ୍ରି କରିବ ଇଥାନଲ ! LPG ସିଲିଣ୍ଡରର ବିକଳ୍ପ ଆଣୁଛନ୍ତି ସରକାର ?

ମନ୍ତ୍ରୀ କହିଛନ୍ତି ଯେ ମକାରୁ ଇଥାନଲ ଉତ୍ପାଦନ ବୃଦ୍ଧି କରିବା ଫଳରେ ବିହାର ଏବଂ ଉତ୍ତର ପ୍ରଦେଶର ଚାଷୀଙ୍କ ପାଇଁ ୪୫,୦୦୦ କୋଟି ଟଙ୍କା ପର୍ଯ୍ୟନ୍ତ ଅତିରିକ୍ତ ଆୟ ସୃଷ୍ଟି ହୋଇଛି । ଧାନ ନଡ଼ାରୁ ବିମାନ ଇନ୍ଧନ ତିଆରି କରିବା ଭଳି ପ୍ରମୁଖ ଉଦ୍ଭାବନକୁ ଇଙ୍ଗିତ କରି ସେ ପଚାରିଲେ, "ଯେଉଁମାନଙ୍କଠାରୁ ଆମେ ଆମଦାନୀ କରୁ (ଇନ୍ଧନ) ସେମାନଙ୍କ ସ୍ୱାର୍ଥକୁ ପ୍ରାଥମିକତା ଦେବା କ'ଣ ଭଲ ନୁହେଁ ?"