PoK Protest / PoKରେ ବିକ୍ଷୋଭକାରୀଙ୍କ ଉପରେ ପାକ୍ ସେନାର ଗୁଳିମାଡ଼, ୩୦ରୁ ଅଧିକ ମୃତ

ନୂଆଦିଲ୍ଲୀ: ପାକ୍ ଅଧିକୃତ କାଶ୍ମୀର ଅର୍ଥାତ୍ PoKରେ ପାକିସ୍ତାନ ସେନାର ବର୍ବରତା । ବିକ୍ଷୋଭକାରୀଙ୍କ ଉପରେ ପାକିସ୍ତାନ ସେନା ଆଖିବୁଜା ଗୁଳିମାଡ଼ କରୁଛି । ଯେଉଁଥିରେ ୩୦ରୁ ଅଧିକ ଜଣଙ୍କ ମୃତ୍ୟୁ ହୋଇଥିବା ବେଳେ ୨୦୦ରୁ ଅଧିକ ଆହତ ହୋଇଛନ୍ତି ।

PoKରେ ଜମ୍ମୁ-କାଶ୍ମୀର ଯୁଗ୍ମ ଅୱାମୀ ଆକ୍ସନ୍ କମିଟି (JAAC) ପ୍ରତିବାଦ ଡାକରା ଦେଇଥିଲା । JAAC ହେଉଛି ପିଓକେର ନାଗରିକ ଅଧିକାର ସଂଗଠନ । ଯାହା ଅଞ୍ଚଳରେ ଶାସନ, ସବସିଜି ଓ ମୌଳିକ ଅଧିକାରକୁ ନେଇ ଦୀର୍ଘ ଦିନର ବିରୋଧ ପ୍ରଦର୍ଶନ କରି ଆସୁଛନ୍ତି ।

ଏଥିସହ ପଢ଼ନ୍ତୁ: ଭାରତର ପରମାଣୁ ନୀତିରେ ବଡ଼ ପରିବର୍ତ୍ତନ; ୧୨ ପରମାଣୁ ମିସାଇଲ୍ ମୁତୟନ ପରେ ପାକିସ୍ତାନ ଛାନିଆ 

ଏବେ ପାକିସ୍ତାନର ସେହୱାଜ ସରିଫ ସରକାର ଏହି ସଂଗଠନ JAACକୁ ଆତଙ୍କବାଦୀ ସଂଗଠନ ଘୋଷିତ କରିଛି । ପିଓକେର ଦୀର୍ଘ ମାସରୁ ଲୋକେ ସରକାରଙ୍କ ବିରୋଧରେ ବିରୋଧ ପ୍ରଦର୍ଶନ ସହ ଆନ୍ଦୋଳନ କରି ଆସୁଛନ୍ତି ।

କାହିଁକି ବିରୋଧ ପ୍ରଦର୍ଶନ ?

ଆନ୍ଦୋଳନର ମୁଖ୍ୟ କାରଣ ହେଉଛି- ପାକିସ୍ତାନ ସରକାର ଓ ପାକ୍ ରେଞ୍ଜର୍ସ ସେଠାକାର ଲୋକଙ୍କ ସହ କରୁଥିବା ଖରାପ ବ୍ୟବହାର । ସ୍ଥାନୀୟ ଲୋକଙ୍କ କହିବା ଅନୁସାରେ- ପାକିସ୍ତାନ ସେମାନଙ୍କ ପ୍ରାକୃତିକ ସମ୍ବଳର ବ୍ୟବହାର ତ କରୁଛି । କିନ୍ତୁ, ପ୍ରତିବଦଳରେ ସେମାନଙ୍କୁ କେବଳ ବିପର୍ଯ୍ୟୟର ସାମ୍ନା କରିବାକୁ ପଡ଼ୁଛି, ଭେଦଭାବର ଶିକାର ହେଉଛନ୍ତି ।

ଏହି ବିରୋଧର ମୁଖ୍ୟ କେନ୍ଦ୍ର ପାଲଟିଛି ରାୱଲକୋଟ । ଯେଉଁଠି JAAC ସହ ଜଡ଼ିତ କାର୍ଯ୍ୟକର୍ତ୍ତା ବିକ୍ଷୋଭ କରିବା ବେଳେ କାର୍ଯ୍ୟାନୁଷ୍ଠାନ ନେଇଛି ପାକ୍ ସେନା । ସରକାର JAAC ଉପରେ ପ୍ରତିବନ୍ଧକ ଲଗାଇଛନ୍ତି । ଜୁନ୍ ୫ରୁ ସମ୍ପୂର୍ଣ୍ଣ ପିଓକେରେ ଇଣ୍ଟରନେଟ୍ ସେବାକୁ ବନ୍ଦ କରି ଦିଆଯାଇଛି ।

ଏଥିସହ ପଢ଼ନ୍ତୁ: ନୂଆ ଯୁଗର ଯୁଦ୍ଧ ଲଢ଼ିବାକୁ ଭାରତ କେତେ ପ୍ରସ୍ତୁତ ? 

ନୂଆ ନୁହେଁ ଆନ୍ଦୋଳନ

PoKରେ JAAC ଏକ ପ୍ରମୁଖ ବିଦ୍ରୋହ ଆନ୍ଦୋଳନ । ଏହି ଆନ୍ଦୋଳନ ଜରିଆରେ ଲୋକେ ସବସିଡି ଯୁକ୍ତ ଗହମ ସହ ବିଦ୍ୟୁତ୍ ଭଳି ମୌଳିକ ଆବଶ୍ୟକତା ଦାବି କରିଥାନ୍ତି । ୨୦୨୩ରେ ମଧ୍ୟ ଏଭଳି ଆନ୍ଦୋଳନ ବେଳେ ପାକିସ୍ତାନର ସେନା ଓ ଅର୍ଦ୍ଧସୈନିକ ବଳ ବିକ୍ଷୋଭକାରୀଙ୍କ ଉପରେ ଲୁହ ବୁହା ଗ୍ଯାସ ପ୍ରୟୋଗ ସହ ଲାଠିମାଡ଼ ଓ ଗୁଳି ଚାଳନା କରିଥିଲେ ।

ଭାରତର ଆଭିମୁଖ୍ୟ

ପିଓକରେ ପ୍ରତିବାଦ ଓ ଆମେରିକା ସେନାର କାର୍ଯ୍ୟାନୁଷ୍ଠାନକୁ ନେଇ ଭାରତ ପ୍ରତିକ୍ରିୟା ରଖିଛି । ବିଦେଶ ମନ୍ତ୍ରଣାଳୟର ମୁଖପାତ୍ର ରଣଧିର ଜୟସୱାଲ କହିଛନ୍ତି, "ପାକିସ୍ତାନ ତାର ବିଫଳତାକୁ ଲୁଚାଇବା ଏବଂ ମାନବାଧିକାର ଉଲ୍ଲଂଘନରୁ ଧ୍ୟାନ ହଟାଇବାକୁ ହତାଶା-ପୂର୍ଣ୍ଣ ପ୍ରୟାସ କରୁଛି । ଅନ୍ତଃରାଷ୍ଟ୍ରୀୟ ସମୁଦାୟ ପାକିସ୍ତାନର ଏଭଳି କାର୍ଯ୍ୟ ପାଇଁ ଉତ୍ତରଦାୟୀ କରୁ ।"