ପ୍ରଥମ ଥର ପାଇଁ ବଡ଼ ପରଦାରେ ଧମାକା କରିବେ ଜୁନିଅର ଏନଟିଆର ଏବଂ ହ୍ରିତିକ ରୋଶନ
ଅର୍ଗସ ବ୍ୟୁରୋ : ୱାର-୨ ଫିଲ୍ମକୁ ନେଇ ପ୍ରଶଂସକ ବେଶ୍ ଉତ୍ସାହିତ ଅଛନ୍ତି । ଏହାର କାରଣ ହେଉଛି ଏଥିରେ ହ୍ରିତିକ୍ଙ୍କ ସହ ଜୁନିୟର ଏନଟିଆର୍ ମଧ୍ୟ ନଜର ଆସିବେ । ପ୍ରଥମ ଥର ପାଇଁ ଉଭୟଙ୍କୁ ପରଦାରେ ଏକାଠି ଦେଖିବାକୁ ମିଳିବ । ନିକଟରେ ଶୁଟିଂ ସେଟ୍ରୁ ସେମାନଙ୍କର କିଛି ଫଟୋ ସାମ୍ନାକୁ ଆସିଛି । ଏହାକୁ ଦେଖି ପ୍ରଶଂସକଙ୍କ ଉତ୍ସାହ ଦୁଇଗୁଣିତ ହେଇଛି ।
ଅଭିନେତା ହ୍ରିତିକ ରୋଶନ ଏବଂ ଜୁନିଅର ଏନଟିଆର କିଛି ଦିନ ହେଲା 'ୱାର ୨' ପାଇଁ ମୁମ୍ୱାଇରେ ସୁଟିଂ କରୁଛନ୍ତି । ବର୍ତ୍ତମାନ ସେଟରୁ ଅଭିନେତା ହ୍ରିତିକ ରୋଶନ ଏବଂ ଜୁନିଅର ଏନଟିଆରଙ୍କ କିଛି ଫଟୋ ଲିକ୍ ହୋଇଥିବା ବେଳେ ସୋସିଆଲ ମିଡିଆରେ ଭାଇରଲା ହେଉଛି ।
ଅଧିକ ପଢନ୍ତୁ ମନୋରଞ୍ଜନ ଖବର
ଭାଇରାଲ ଫଟୋରେ ହ୍ରିତିକ୍ ରୋଶନଙ୍କୁ ଷ୍ଟାଇଲିସ୍ ଆକ୍ସନ ଲୁକରେ ଦେଖିବାକୁ ମିଳିଥିବା ବେଳେ ଜୁନିଅର ଏନଟିଆର ବ୍ଲାକ୍ ଆଉଟଫିଟରେ କାଜୁଆଲ୍ ଲୁକରେ ନଜର ଆସିଛନ୍ତି । ତେବେ ହ୍ରିତିକ ଏବଂ ଜୁନିଅର ଏନଟିଆରଙ୍କ ସୋସିଆଲ ମିଡିଆରେ ଫଟୋ ଭାଇରାଲ ପରେ ପ୍ରଶଂସକଙ୍କ ମଧ୍ୟରେ ଫିଲ୍ମକୁ ନେଇ ଉତ୍ସାହ ବଢାଇ ଦେଇଛି ।
📱 Get Argus News App
✨'ୱାର ୨' ହେଉଛି ୟଶ ରାଜ ଫିଲ୍ମସ ସ୍ପାଏ ୟୁନିଭର୍ସର ୬ଷ୍ଠ ଫିଲ୍ମ । 'ୱାର ୨', ଆୟାନ୍ ମୁଖାର୍ଜୀଙ୍କ ନିର୍ଦ୍ଦେଶିତ ଏବଂ YRF ଦ୍ୱାରା ନିର୍ମିତ । ଏହି ଫିଲ୍ମ ୨୦୨୫ ମସିହା ସ୍ୱାଧୀନତା ଦିବସ ଅବସରରେ ଅର୍ଥାତ୍ ୧୪ ଅଗଷ୍ଟ ୨୦୨୫ରେ ରିଲିଜ ହେବ ବୋଲି ଜଣାଯାଇଛି ।