PM Diwali Celebration / ଯବାନଙ୍କ ସହ ଦୀପାବଳି ପାଳିବାକୁ କାହିଁକି ବସ୍ତରକୁ ବାଛିଲେ ମୋଦି ?

ନୂଆଦିଲ୍ଲୀ: ପ୍ରଧାନମନ୍ତ୍ରୀ ମୋଦି ଆଜି ଛତିଶଗଡ଼ର ବସ୍ତରରେ ସୁରକ୍ଷା କର୍ମୀଙ୍କ ସହିତ ଦୀପାବଳି ପାଳନ କରିବେ । ଛତିଶଗଡ଼ର ବସ୍ତରରେ ମୁତୟନ ଥିବା ସୁରକ୍ଷା ଅଧିକାରୀମାନଙ୍କ ସହିତ ଦୀପାବଳି ପାଳନ କରିବେ ପ୍ରଧାନମନ୍ତ୍ରୀ । ବସ୍ତର ଏପରି ଏକ ଅଞ୍ଚଳ ଯାହା ପୂର୍ବରୁ ମାଓବାଦ ଦ୍ୱାରା ପ୍ରଭାବିତ ଥିଲା । ମୋଦିଙ୍କ ଏହି ଗସ୍ତ ଦର୍ଶାଉଛି ଯେ କିପରି ଏହି ଅଞ୍ଚଳରେ ପରିସ୍ଥିତି ବଦଳିଯାଇଛି ଏବଂ ବିକାଶ ଧାରା ତ୍ୱରାନ୍ୱିତ ହୋଇଛି ।

ସୋସିଆଲ ମିଡିଆରେ ପିଏମ ମୋଦି ପୋଷ୍ଟ କରି ଲେଖିଛନ୍ତି, "ଆମର ସାହସୀ ସୁରକ୍ଷା ବାହିନୀ ସହିତ ଦୀପାବଳି ପାଳନ କରିବା ପାଇଁ ବସ୍ତର ଅଭିମୁଖେ ଯାଉଛି । ଏହା ଏଭଳି ଏକ ଅଞ୍ଚଳ ଯେଉଁଠାରେ ଗୋଟିଏ ସମୟରେ ନକ୍ସଲବାଦର ପ୍ରଭାବ ଥିଲା ଏବଂ ବର୍ତ୍ତମାନ ସେଠାରେ ବିକାଶର ପରିବେଶ ସୃଷ୍ଟି ହୋଇଛି ।" ସେ ଆହୁରି ମଧ୍ୟ କହିଛନ୍ତି, "ମୁଁ ଆମର ସାହସୀ ସୁରକ୍ଷା କର୍ମୀମାନଙ୍କ ବଳିଦାନ, ନିଃସ୍ୱାର୍ଥପର ସେବା ଏବଂ ଦେଶ ପ୍ରତି ସେମାନଙ୍କର ଅଟଳ ନିଷ୍ଠାକୁ ସମ୍ମାନ ଜଣାଇବାକୁ ଯାଉଛି ।"

Heading to Bastar to celebrate Diwali with our brave security forces. This is an area where Naxalism once held sway and now, development is flourishing. I am going to salute our brave security personnel for their sacrifices, selfless service and unwavering devotion to the nation. दीपावली के पावन अवसर पर बस्तर जा रहा हूं। कल तक जहां नक्सलियों का कहर था वहां आज विकास की बहार है। वीर जवानों, उनके बलिदान, त्याग और तपस्या को नमन करने जा रहा हूं।

— Narendra Modi (@narendramodi) November 8, 2026

• ୧୦ବର୍ଷ ଧରି ଯବାନଙ୍କ ସହ ଦୀପାବଳି ପାଳୁଛନ୍ତି ପ୍ରଧାନମନ୍ତ୍ରୀ

ଗତ ଏକ ଦଶନ୍ଧିରୁ ଅଧିକ ସମୟ ପ୍ରତିବର୍ଷ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶର ସଶସ୍ତ୍ର ବାହିନୀ ସହିତ ଦୀପାବଳି ପାଳନ କରି ଏହାକୁ ଏକ ଜାତୀୟ ପରମ୍ପରାରେ ପରିଣତ କରିଛନ୍ତି । ୨୦୧୪ ମସିହାରେ ପ୍ରଧାନମନ୍ତ୍ରୀ ଭାବରେ ତାଙ୍କର ପ୍ରଥମ ଦୀପାବଳି ବିଶ୍ୱର ସର୍ବୋଚ୍ଚ ଯୁଦ୍ଧକ୍ଷେତ୍ର ସିଆଚେନ୍ ଗ୍ଲେସିୟର୍ଠାରେ ଯବାନଙ୍କ ସହ ପାଳନ କରିଥିଲେ । ଏହାପରେ ୨୦୧୫ରେ ପଞ୍ଜାବ ସୀମା, ୨୦୧୬ରେ ହିମାଚଳ ପ୍ରଦେଶର ଚୀନ୍ ସୀମା ନିକଟବର୍ତ୍ତୀ ସୁମଡୋହ ଉଚ୍ଚତୁଙ୍ଗ ପୋଷ୍ଟ ଏବଂ ୨୦୧୭ରେ ଉତ୍ତର କାଶ୍ମୀରର ଗୁରେଜ ସେକ୍ଟରର ଦୁର୍ଗମ ଅଞ୍ଚଳରେ ପାଳନ କରିଥିଲେ ଦୀପାବଳି ।

ସେହିପରି ୨୦୧୮ରେ ସେ ଉତ୍ତରାଖଣ୍ଡର ହାର୍ସିଲ (୨୦୧୮), ଜମ୍ମୁ ଏବଂ କାଶ୍ମୀରର ରାଜୌରୀ (୨୦୧୯), ରାଜସ୍ଥାନର ଐତିହାସିକ ମରୁଭୂମି ପୋଷ୍ଟ ଲୋଙ୍ଗେୱାଲା (୨୦୨୦), ଜମ୍ମୁ ଏବଂ କାଶ୍ମୀରର ନୌଶେରା (୨୦୨୧), ଲାଦାଖର କାର୍ଗିଲ (୨୦୨୨), ହିମାଚଳ ପ୍ରଦେଶର ଲେପଚା (୨୦୨୩) ଏବଂ ଗୁଜୁରାଟର ସିର କ୍ରିକ୍ (୨୦୨୪) ଠାରେ ମଧ୍ୟ ପ୍ରତିରକ୍ଷା ବାହିନୀ ସହିତ ଦୀପାବଳି ପାଳନ କରିଛନ୍ତି ।

• ଗତବର୍ଷ INS ବିକ୍ରାନ୍ତରେ ପାଳିଥିଲେ ଦୀପାବଳି

୨୦୨୫ ମସିହାରେ ପ୍ରଧାନମନ୍ତ୍ରୀ ଗୋଆ-କାରୱାର ଉପକୂଳରେ ଅବସ୍ଥିତ ଦେଶର ସ୍ୱଦେଶୀ ବିମାନବାହୀ ପୋତ 'ଆଇଏନ୍ଏସ୍ ବିକ୍ରାନ୍ତ' ଉପରେ ଦୀପାବଳି ପାଳନ କରିଥିଲେ । ଭାରତୀୟ ନୌସେନା ସହିତ ଦୀପାବଳି ପାଳନ କରିବାର ଏହା ଥିଲା ତାଙ୍କର ପ୍ରଥମ ଅବସର । ୨୦୨୨ ସେପ୍ଟେମ୍ବର ୨ ତାରିଖରେ କୋଚି ସିପିୟାର୍ଡ ଲିମିଟେଡ୍ ଦେଶର ପ୍ରଥମ ସ୍ୱଦେଶୀ ବିମାନବାହୀ ପୋତ 'ଆଇଏନ୍ଏସ୍ ବିକ୍ରାନ୍ତ'କୁ ଦେଶକୁ ସମର୍ପଣ କରିଥିଲେ ।

ପଢନ୍ତୁ ଏହି ଖବର: ସବୁଜ ଦୀପାବଳି ପାଳନ ଲାଗି ସବୁଠି ପ୍ରସ୍ତୁତି; ପିତୃପୁରୁଷଙ୍କୁ ମନେପକାଇ ଜଳି ଉଠିବ କାଉଁରିଆ

ଏହା ପୂର୍ବ ବର୍ଷଗୁଡ଼ିକରେ ପ୍ରଧାନମନ୍ତ୍ରୀ ଦେଶର ସବୁଠାରୁ ସମ୍ବେଦନଶୀଳ ସୀମାବର୍ତ୍ତୀ ଅଞ୍ଚଳଗୁଡ଼ିକୁ ପରିଦର୍ଶନ କରିଛନ୍ତି; ଯେପରିକି ୨୦୧୫ରେ ପଞ୍ଜାବ ସୀମା, ୨୦୧୬ରେ ହିମାଚଳ ପ୍ରଦେଶର ଚୀନ୍ ସୀମା ନିକଟବର୍ତ୍ତୀ ସୁମଡୋହ ଉଚ୍ଚତୁଙ୍ଗ ପୋଷ୍ଟ ଏବଂ ୨୦୧୭ରେ ଉତ୍ତର କାଶ୍ମୀରର ଗୁରେଜ ସେକ୍ଟରର ଦୁର୍ଗମ ଅଞ୍ଚଳ। ସେ ଉତ୍ତରାଖଣ୍ଡର ହାର୍ସିଲ (୨୦୧୮), ଜମ୍ମୁ ଏବଂ କାଶ୍ମୀରର ରାଜୌରୀ (୨୦୧୯), ରାଜସ୍ଥାନର ଐତିହାସିକ ମରୁଭୂମି ପୋଷ୍ଟ ଲୋଙ୍ଗେୱାଲା (୨୦୨୦), ଜମ୍ମୁ ଏବଂ କାଶ୍ମୀରର ନୌଶେରା (୨୦୨୧), ଲାଦାଖର କାର୍ଗିଲ (୨୦୨୨), ହିମାଚଳ ପ୍ରଦେଶର ଲେପଚା (୨୦୨୩) ଏବଂ ଗୁଜୁରାଟର ସିର କ୍ରିକ୍ (୨୦୨୪)ଠାରେ ମଧ୍ୟ ପ୍ରତିରକ୍ଷା ବାହିନୀ ସହିତ ଦୀପାବଳି ପାଳନ କରିଛନ୍ତି ।