ନୂଆଦିଲ୍ଲୀ: ବୈଶ୍ଵିକ ଆହ୍ଵାନ ସତ୍ତ୍ଵେ ଭାରତର ବିକାଶ ଗତି ଅଭୂତପୂର୍ବ ରହିଛି । ଦୁନିଆର ବିକାଶକୁ ଭାରତ ଏକ ନୂଆ ମଡେଲ୍ ଦେଇଛି । ନ୍ୟୁଜିଲାଣ୍ଡ ଗସ୍ତରେ ଥିବା ପ୍ରଧାନମନ୍ତ୍ରୀ ମୋଦି ଶନିବାର ସମ୍ବୋଧନ ବେଳେ ଏକଥା କହିଛନ୍ତି ।

ବିଗତ ୪୦ ବର୍ଷରେ ପ୍ରଥମଥର ପାଇଁ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନ୍ୟୁଜିଲାଣ୍ଡ ଗସ୍ତ କରିଛନ୍ତି । ଏହି ଗସ୍ତ ସମୟରେ ପ୍ରଧାନମନ୍ତ୍ରୀ ମୋଦି ମଞ୍ଚଳରେ ଏକ ମଫଲର ଦେଖାଇଛନ୍ତି । ଆଉ କହିଛନ୍ତି, "ନେତା ହେବା ପୂର୍ବରୁ ମୁଁ ଯେବେ ୨୫ରୁ ୩୦ ବର୍ଷ ତଳେ ନ୍ୟୁଜିଲାଣ୍ଡ ଆସିଥିଲି, ସେତେବେଳେ ମୋତେ ଏଠି ୩ଟି ଉପହାର ମିଳିଥିଲା ।"

ଏଥିସହ ପଢ଼ନ୍ତୁ: ଆସିଲା ନୂଆ ଆଇନ୍; ଗୁଣ୍ଡାଗର୍ଦ୍ଦି, ହିଂସା କଲେ ଆଉ ମିଳିବନି ତ୍ରାହି 

ମୁଁ ସେ ସବୁ ଉପହାର ନେଇ ଭାରତ ଯାଇଥିଲି । ସେଥିରୁ ଗୋଟିଏ ହେଉଛି ଏହି ମଫଲର, ଅନ୍ୟଟି କ୍ୟାପ୍ ଓ ଗ୍ଲୋଭସ୍ । ସେତେବେଳେ ଶୀତ ଦିନ ଥିଲା । ଆଜିର କାର୍ଯ୍ୟକ୍ରମକୁ ମୁଁ ସେଥିରୁ ଗୋଟିଏ ନେଇ ଆସିଛି । ଏହି ମଫଲରକୁ ମୋତେ ୩୦ ବର୍ଷ ତଳେ ନ୍ୟୁଜିଲାଣ୍ଡର ଜଣେ ବନ୍ଧୁ ଉପହାର ଦେଇଥିଲେ । ଏହାକୁ ମୁଁ ଅନେକଥର ବ୍ୟବହାର କରିଛି, ଆଜି ବି ସାଇତି ରଖିଛି ବୋଲି ପ୍ରଧାନମନ୍ତ୍ରୀ କହିଛନ୍ତି ।

न्यूजीलैंड के सभी निवासियों के लिए मैं 140 करोड़ भारतीयों की शुभकामनाएं लेकर यहां आया हूं। pic.twitter.com/DNWYx95emz

— Narendra Modi (@narendramodi) July 11, 2026

ଅକଲାଣ୍ଡରେ ପ୍ରବାସୀ ଭାରତୀୟଙ୍କୁ "କିୟା ଓରା ମୋଦି" କାର୍ଯ୍ୟକ୍ରମରେ ସମ୍ବୋଧିତ କରିଛନ୍ତି ପ୍ରଧାନମନ୍ତ୍ରୀ । କହିଛନ୍ତି, "ଭାରତ-ନ୍ୟୁଜିଲାଣ୍ଡ ସମ୍ପର୍କ ସୁଖଦ ସ୍ମୃତି, ସ୍ଥାୟୀ ବନ୍ଧୁତା ଓ ପରସ୍ପର ପତି ପ୍ରତିବଦ୍ଧତା ଉପରେ ଆଧାରିତ ।" ଏହି ଅବସରରେ ନ୍ୟୁଜିଲାଣ୍ଡ ପ୍ରଧାନମନ୍ତ୍ରୀ କ୍ରିଷ୍ଟୋଫର ଲକ୍ସନ୍ ମଞ୍ଚରେ ଉପସ୍ଥିତ ଥିଲେ ।

ଲୋକଙ୍କ ତାଳିମାଡ଼ରେ ପ୍ରଧାନମନ୍ତ୍ରୀ ମୋଦି ଉତ୍ସାହିତ ହୋଇ କହିଛନ୍ତି, "ଆଜି ଭାରତ ଦୁନିଆର ସବୁଠୁ ଦ୍ରୁତଗତିରେ ବଢ଼ୁଥିବା ଅର୍ଥ ବ୍ୟବସ୍ଥା । ଭାରତ ଦୁନିଆକୁ ବିକାଶର ଏକ ନୂଆ ମଡେଲ୍ ଦେଇଛି । ଭାରତର ବିକାଶର ଗତି ଅଭୂତପୂର୍ବ ଅଟେ ।"

ଏଥିସହ ପଢ଼ନ୍ତୁ: ରାଜ୍ୟ ରାଜନୀତିରେ ନୂଆ ଟ୍ବିଷ୍ଟ,ବିଜେପି ରାଜ୍ୟ କାର୍ଯ୍ୟାଳୟରେ ବିଧାୟକ ସୌଭିକ ବିଶ୍ବାଳ 

ଆଜି ଭାରତ UPI ମାଧ୍ୟମରେ ପ୍ରତିମାସ ଲକ୍ଷ ଲକ୍ଷ ଡିଜିଟାଲ୍ ଦେଣନେଣ କରୁଛି । ଭାରତ ଡ୍ରୋନ୍ ଓ ଅନ୍ତରୀକ୍ଷ ଅର୍ଥ ବ୍ୟବସ୍ଥାରେ ନୂଆ ଶିଖର ଛୁଇଁଥିବା କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।

ନ୍ୟୁଜିଲାଣ୍ଡ-ଭାରତର ଭବିଷ୍ୟତ ଜଣେ ଅନ୍ୟ ଜଣଙ୍କ ଉପରେ ନିର୍ଭର କଲା ଭଳି । ଦୁଇ ଦେଶ ମଧ୍ୟରେ ବାଣିଜ୍ୟ ଚୁକ୍ତି ବିକଶିତ ରାଷ୍ଟ୍ର ଲାଗି ଭାରତର ଯାତ୍ରାକୁ ବଳ ଦେବ । ଏହାଦ୍ଵାରା ଭାରତ ଓ ନ୍ୟୁଜିଲାଣ୍ଡ ଉଭୟ ଦେଶରେ ବ୍ୟବସାୟୀଙ୍କ ଲାଗୁ ନୂଆ ସୁଯୋଗ ସୃଷ୍ଟି ହେବ ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି ।