Videos
|
National

Father Dies Before Wedding / ନୂଆ ସଂସାର ଗଢିବା ପୂର୍ବରୁ ବାପଘରେ ଶୋକର ଛାୟା; ଚାଲିଗଲେ ବାପା, ମାସକ ଭିତରେ ବାପା-ମାଆ ଆରପାରିରେ

Debashree Debasmita Sahoo
Browse all articles by Debashree Debasmita Sahoo
·30 mins ago·2 min read
ନୂଆ ସଂସାର ଗଢିବା ପୂର୍ବରୁ ବାପଘରେ ଶୋକର ଛାୟା; ଚାଲିଗଲେ ବାପା, ମାସକ ଭିତରେ ବାପା-ମାଆ ଆରପାରିରେ
Father dies before daughter's wedding

Key Points

ଝିଅର ହାତଗଣ୍ଠି ପଡ଼ିବା ପୂର୍ବରୁ ବାପାଙ୍କ ମୃତ୍ୟୁ
ପୂର୍ବରୁ ମାଆ ବି ଆରପାରିକୁ ଚାଲିଯାଇଛନ୍ତି
ନୂଆବୋହୂ ସାଜିଥିବା ଝିଅ ଉପରେ ଦୁଃଖର ପାହାଡ଼
ପ୍ରୟାଗରାଜ (ଉତ୍ତର ପ୍ରଦେଶ): ନୂଆବୋହୂ ପରି ସଜେଇ ହୋଇଥିଲା ଝିଅଟି । ପରଘରକୁ ଯାଇ ନୂଆ ସଂସାର ଗଢିବା ନେଇ ଥିଲା ଅନେକ ସ୍ଵପ୍ନ । ଘରେ ବି ଧୁମଧାମରେ ବାହାଘର ହେଉଥିଲା । ଝିଅର ବାପା ବି ଅନେକ ସ୍ଵପ୍ନ ଦେଖିଥିଲେ । ହାତକୁ ଦିହାତ ହୋଇ ଝିଅ ଖୁସିରେ ରହିବ । ହେଲେ ବିଧିର ବିଧାନ ଥିଲା ଅଲଗା । ସବୁକିଛି ସ୍ଵପ୍ନ ନିମିଷକରେ ପାଣିଫୋଟକା ପରି ମିଳେଇଗଲା । ଏହି ପରିବାର ଉପରେ ଯେପରି ଲାଗିଯାଇଥିଲା କାହାର ଖରାପ ନଜର । ହଠାତ୍ ଝିଅର ବାହାଘର ପୂର୍ବରୁ ଚାଲିଗଲେ ଝିଅର ବାପା ।

ଉତ୍ତର ପ୍ରଦେଶ ପ୍ରୟାଗରାଜର ହାଣ୍ଡିଆ ଅଞ୍ଚଳରେ ଘଟିଛି ଏପରି ଦୁଃଖଦ ଘଟଣା । ଝିଅ ବାହାଘର ପୂର୍ବରୁ ସଡ଼କ ଦୁର୍ଘଟଣାରେ ବାପାର ମୃତ୍ୟୁ ଘଟିଛି । ଘରେ ଆସି ବରଯାତ୍ରୀ ପହଞ୍ଚିଥାଆନ୍ତା । ବାଜା, ବାଣରେ ଘର ଦୁଆର ଫାଟି ପଡ଼ିଥାନ୍ତା । ସମସ୍ତ ପ୍ରସ୍ତୁତି ମଧ୍ୟ ସରିଥିଲା । ଏହି ଖୁସିର ଦିନରେ ଝିଅର ପାଲିଙ୍କି ନୁହେଁ, ବରଂ ବାପାର ଉଠିଲା ଜୁଇ । ଯାହାକି ସାରା ଅଞ୍ଚଳକୁ ଦୁଃଖର ସାଗରରେ ବୁହାଇ ଦେଇଛି । ସବୁଠୁ ଦୁଃଖର ବିଷୟ ହେଉଛି ୨୦ ଦିନ ପୂର୍ବରୁ ଝିଅର ମାଆଙ୍କ ମୃତ୍ୟୁ ଘଟିଥିଲା ।

  • କଣ ପୂରା ଘଟଣା ?
ହାଣ୍ଡିଆ ଥାନା ଅଧୀନସ୍ଥ ବିଝବନିୟାପୁର ଗାଁର ଅଧିବାସୀ ୪୨ ବର୍ଷୀୟ ରାମନରେଶ ୟାଦବ ଟ୍ରକ୍ ତଳେ ଆସି ଅକାଳରେ ଜୀବନ ହାରିଛନ୍ତି । ଯେତେବେଳେ ଏହି ଖବର ଘରେ ପହଞ୍ଚିଥିଲା, ସେତେବେଳେ ହଠାତ୍ ଖୁସିର ମୁହୂର୍ତ୍ତଗୁଡ଼ିକ ଦୁଃଖରେ ପରିଣତ ହୋଇଥିଲା । ଯେଉଁଠି ବାଜା, ମହୁରୀ ବାଜିଥାନ୍ତା, ସେଠି ଶୁଭିଥିଲା ଆର୍ତ୍ତ ଚିତ୍କାର । ଝିଅଟି କନିଆଁ ସାଜିବା ପୂର୍ବରୁ, ତା ମୁଣ୍ଡ ଉପରୁ ହଟିଗଲା ବାପାର ହାତ । ଦୁର୍ଘଟଣାରେ ମୃତ୍ୟୁ ଘଟିଥିବା ବ୍ୟକ୍ତି ହେଉଛନ୍ତି ରାମନରେଶ ଯାଦବ । ସେ ଝିଅ ପୁନମର ବିବାହ କରିଥାନ୍ତେ ।

  • ୨୦ଦିନ ପୂର୍ବରୁ ମାଆକୁ ହରାଇଥିଲେ ପୁନମ
ରାମନରେଶ ଯାଦବଙ୍କ ପରିବାର ଉପରେ ମାସକ ଭିତରେ ଦୁଃଖର ପାହାଡ଼ ଭାଙ୍ଗିପଡ଼ିଛି । ପ୍ରାୟ ୨୦ ଦିନ ପୂର୍ବରୁ ରୋଗାଗ୍ରସ୍ତ କାରଣରୁ ରାମନରେଶଙ୍କ ପତ୍ନୀ ତଥା ପୁନମଙ୍କ ମାଆଙ୍କ ମୃତ୍ୟୁ ଘଟିଥିଲା । ଘରେ ପୂର୍ବରୁ ଏକ ଶୂନ୍ୟସ୍ଥାନ ସୃଷ୍ଟି ହୋଇସାରିଥିଲା, କିନ୍ତୁ ପୁନମଙ୍କ ବାହାଘର ପାଇଁ ସମସ୍ତେ ନିଜକୁ ବ୍ୟସ୍ତ କରି ଦୁଃଖଠୁ ଦୂରଉଥିଲେ । ଗୋଟିଏ ଦିନ ପୂର୍ବରୁ ରାମନରେଶଙ୍କ ସାନଭାଇର ମଧ୍ୟ ମୃତ୍ୟୁ ଘଟିଥିଲା । ଏହାପରେ ବି ଝିଅର ବିବାହ କାମ ଜାରି ଥିଲା । କିନ୍ତୁ ଏଇଠି ସରିନଥିଲା ପୁନମଙ୍କ ଦୁଃଖର କାହାଣୀ । ବାହାଘର ଦିନ ହିଁ ବାପା ରାମନରେଶଙ୍କ ମୃତ୍ୟୁ ଘଟିଛି ।

Argus News App

📱 Get Argus News App

✨
📰 60 Word News🎬 Argus Podcast📺 Live TV and Breaking News🔔 Free Notification Alerts
Download Free:
ପଢନ୍ତୁ ଏହି ଖବର: ସହର ଛାଡ଼ି ହିମାଚଳ ପ୍ରଦେଶର ଗାଁକୁ ଯାଇଥିଲେ; ମନେ ପଡ଼ିଲା ସିଟିର କୋଳାହଳ, ବ୍ୟାଗ୍ ପ୍ୟାକ୍ କରି ପୁଣି ଫେରିଲେ

  • ଆର୍ଥିକ ସହାୟତା ଦାବି
ଏହି ଦୁଃଖଦ ଘଟଣା ପରେ ଗାଁଲୋକେ ଏକାଠି ହୋଇଛନ୍ତି । ଏହି ପୀଡ଼ିତ ପରିବାରର ଆର୍ଥିକ ସ୍ଥିତି ଓ ଲଗାତାର ମୃତ୍ୟୁ ଘଟଣାକୁ ନେଇ ସେମାନେ ପ୍ରଶାସନ ନିକଟରେ ପରିବାରକୁ ଆର୍ଥିକ ସହାୟତା ଯୋଗାଇଦେବା ଲାଗି ଦାବି କରିଛନ୍ତି । ଏହି ପରିବାରର ଘରର ମୁଖିଆ ଚାଲିଯାଇଛନ୍ତି । ସେପଟେ ବିବାହ ପାଇଁ ଧାର କରଜ ମଧ୍ୟ ହୋଇଛି । ଏଣୁ ପ୍ରଶାସନ ତତ୍କାଳ ସହାୟତା ଯୋଗାଇଦେଉ ବୋଲି ଗ୍ରାମବାସୀ ଦାବି କରିଛନ୍ତି ।