Videos
|
Viral-stories

Viral Story / ସହର ଛାଡ଼ି ହିମାଚଳ ପ୍ରଦେଶର ଗାଁକୁ ଯାଇଥିଲେ; ମନେ ପଡ଼ିଲା ସିଟିର କୋଳାହଳ, ବ୍ୟାଗ୍ ପ୍ୟାକ୍ କରି ପୁଣି ଫେରିଲେ

Debashree Debasmita Sahoo
Browse all articles by Debashree Debasmita Sahoo
·2 hours ago·2 min read
ସହର ଛାଡ଼ି ହିମାଚଳ ପ୍ରଦେଶର ଗାଁକୁ ଯାଇଥିଲେ; ମନେ ପଡ଼ିଲା ସିଟିର କୋଳାହଳ, ବ୍ୟାଗ୍ ପ୍ୟାକ୍ କରି ପୁଣି ଫେରିଲେ
Gurugram couple viral video

Key Points

କୋଳାହଳ ଜୀବନରୁ ଦୂରେଇ ଗାଁକୁ ଯାଇଥିଲେ
ମନେ ପଡ଼ିଲା ସହରର କୋଳାହଳ
ବ୍ୟାଗ ବସ୍ତାନି ଧରି ସହର ଫେରିଲେ
ଗୁରୁଗ୍ରାମ: ସହରର ବ୍ୟସ୍ତବହୁଳ ଜୀବନ, ଟ୍ରାଫିକ୍ ଓ ପ୍ରଦୂଷଣ ପାଇଁ ଗାଁକୁ ଚାଲିଯାଇଥିଲେ । ହେଲେ କିଛି ଦିନ ନ ବିତୁଣୁ ମନେ ପଡ଼ିଲା ସହରର କୋଳାହଳ । ଏହାପରେ ସିଧା ବ୍ୟାଗ୍ ବସ୍ତାନି ଧରି ସହରକୁ ଫେରିଲେ । ଡିଜିଟାଲ କଣ୍ଟେଣ୍ଟ କ୍ରିଏଟର ଦିବ୍ୟା ଭଟ୍ଟ ଓ ତାଙ୍କ ସ୍ଵାମୀଙ୍କ ଏକ ପୋଷ୍ଟ ଏବେ ସୋସିଆଲ ମିଡିଆରେ ଭାଇରାଲ ହେଉଛି । ସେ ଗାଁରେ କିଛି ଦିନ ରହିବା ପରେ ପୁଣିଥରେ କିପରି ସହରକୁ ଝୁରିଛନ୍ତି ଓ ସହରମୁହାଁ ହୋଇଛନ୍ତି, ତାହା ଏବେ ଚର୍ଚ୍ଚାର ବିଷୟ ପାଲଟିଛି ।

କଣ୍ଟେଣ୍ଟ କ୍ରିଏଟର ଦିବ୍ୟା ଭଟ୍ଟ ଓ ସ୍ଵାମୀ ସୌରଭ ଯାଦବ ସହରୀ ଜୀବନୀରୁ ବିରକ୍ତ ହୋଇ ହିମାଚଳ ପ୍ରଦେଶରେ ମନାଲି ନିକଟ ପାହାଡ଼ି ଗଜାନ ଗାଁକୁ ଚାଲିଯାଇଥିଲେ । ସେଠାରେ ରହିବେ ବୋଲି ନିଷ୍ପତ୍ତି ନେଇଥିଲେ । ଗତ କିଛି ବର୍ଷ ଧରି ସେଠାରେ ସେ ହୋମଷ୍ଟେ ଚଲାଉଥିଲେ । ଏହାସହିତ ୱାର୍କ ଫ୍ରମ୍ ହୋମ୍ ଏବଂ ପାହାଡି ଜୀବନ ସମ୍ପର୍କରେ ଭିଡିଓ କରି ଏହାର ଚାଲିଚଳନ ସମ୍ପର୍କରେ ଲୋକଙ୍କୁ କହୁଥିଲେ । ନିକଟରେ ଦିବ୍ୟା ଏକ ଭିଡିଓ ପୋଷ୍ଟ କରିଥିଲେ ଓ ସେ ସହରୀ ଜୀବନକୁ ମନେ ପକାଉଥିବା ସ୍ଵୀକାର କରିଥିଲେ ।

  • ଫେରିଆସିଲେ ଚଣ୍ଡିଗଡ଼
ଦିବ୍ୟା କହିଛନ୍ତି, "ଆମେ ଅନେକ ଦିନ ହେଲାଣି ସହର ଛାଡ଼ିଦେଇଥିଲୁ । ହେଲେ ଏବେ ପାହାଡ଼ ଭିତରେ ଆମେ ସହରର କୋଳାହାଳକୁ ମିସ୍ କରୁଛୁ । ଏଥିଲାଗି ଆମେ କିଛି ଦିନ ଛୁଟି ନେଇ ଚଣ୍ଡିଗଡ଼ ଫେରିବାକୁ ଚିନ୍ତା କରିଥିଲୁ । ଏହାପରେ ନିଜ ଜିନିଷପତ୍ର ଓ ପୋଷାକ ପ୍ୟାକ୍ କରି ସ୍ଲିପର କ୍ଲାସ୍ ବସ୍ ଧରି ଚଣ୍ଡିଗଡ଼ ଫେରୁଛୁ ।" ସହରରେ ପହଞ୍ଚିବା ପରେ ଦିବ୍ୟା ବେଶ ଖୁସିବ୍ୟକ୍ତ କରିଥିଲେ । ଏହାପରେ ସେ ସପିଂ, ଫିଲ୍ମ ଦେଖିଲେ, ପାହାଡ଼ି ଅଞ୍ଚଳରେ ମିଳୁନଥିବା ଖାଦ୍ୟ ଖାଇଥିଲେ । କିଛି ଦିନ ସହରରେ ପୁରୁଣା ଜୀବନକୁ ମନେ ପକାଇବା ସମୟ ବିତାଇଥିଲେ ।

ପଢନ୍ତୁ ଏହି ଖବର: ସାପଘେରା ଜଙ୍ଗଲରେ ୬ଦିନ; ଚିପ୍ସ ଖାଇ ବଞ୍ଚିଲେ ୧୭ବର୍ଷର ନାବାଳକ

Argus News App

📱 Get Argus News App

✨
📰 60 Word News🎬 Argus Podcast📺 Live TV and Breaking News🔔 Free Notification Alerts
Download Free:
  • ସୋସିଆଲ ମିଡିଆରେ ଭିଡିଓ ଭାଇରାଲ
ଇନଷ୍ଟାଗ୍ରାମରେ ନଭେମ୍ବର ୧୪ ତାରିଖରେ କରାଯାଇଥିବା ଦିବ୍ୟାଙ୍କ ଏକ ପୋଷ୍ଟକୁ ଇଣ୍ଟରନେଟ୍ ୟୁଜର ବେଶ ପସନ୍ଦ କରିଛନ୍ତି । ଏହି ଭିଡିଓରେ ଅନେକ ଭିନ୍ନ ଭିନ୍ନ କମେଣ୍ଟ ଦେଇଥିବା ଦେଖିବାକୁ ମିଳିଛି । କିଛି ଗାଁର ପରିବେଶକୁ ସର୍ବୋତ୍କୃଷ୍ଟ କହିଥିବାବେଳେ ଅନ୍ୟ କିଛି ୟୁଜର ସହରୀ ଜୀବନକୁ ପସନ୍ଦ କରିଛନ୍ତି । ଏଠାରେ କହିରୁଖୁଛୁ କି, ପୂର୍ବରୁ ଦିବ୍ୟା ଗୁରୁଗ୍ରାମ ଛାଡ଼ି ହିମାଚଳ ପ୍ରଦେଶର ଗାଁ ସିଫ୍ଟ ହେବା ସମୟରେ ଏହାର ଭିଡିଓ ସିରିଜ୍ ନିଜ ଆକାଉଣ୍ଟରେ ସେୟାର କରିଥିଲେ, ଯାହାକୁ ଲୋକେ ବେଶ ପସନ୍ଦ କରିଥିଲେ । ସେତେବେଳେ ମଧ୍ୟ ସେହି ଭିଡିଓଗୁଡ଼ିକ ବେଶ ଭାଇରାଲ ହୋଇଥିଲା । ଏହାପରେ ସେ ଧୀରେ ଧୀରେ ପାହାଡ଼ରେ ରହିବା ଖର୍ଚ୍ଚ ଓ ପାହାଡି ଲୋକଙ୍କ ଦୈନନ୍ଦିନ ଜୀବନଶୈଳୀ ଉପରେ ଭିଡିଓ ଅପଲୋଡ୍ କରୁଥିଲେ ।