Rasik Dulari Postmortem Report / କେମିତି ହେଲା ପ୍ରେମାନନ୍ଦଙ୍କ ଶିଷ୍ୟର ମୃତ୍ୟୁ; ପୋଷ୍ଟମର୍ଟମ ରିପୋର୍ଟରୁ ଜଣାପଡ଼ିଲା

ଲକ୍ଷ୍ନୌ: କାହ୍ନା ନଗରୀ ବୃନ୍ଦାବନର ପ୍ରସିଦ୍ଧ ସନ୍ଥ ପ୍ରେମାନନ୍ଦଜୀ ମହାରାଜଙ୍କ ଶିଷ୍ୟ ରସିକ୍ ଦୁଲାରୀ ଓରଫ୍ ଦୀପକ ଲୋଧି ମୃତ୍ୟୁ ଘଟଣା । ଆସିଲା ଶବ ବ୍ୟବଚ୍ଛେଦ ରିପୋର୍ଟ । ଏଥିରେ ତାଙ୍କ ଶରୀରରେ ଲାଗିଥିବା ପ୍ରତିଟି ଆଘାତ ସମ୍ପର୍କରେ ଜଣାପଡ଼ିଛି । ୨୫ ବର୍ଷୀୟ ସାଧକ ଦୀପକଙ୍କ ପୋଷ୍ଟମର୍ଟମ ସେପ୍ଟେମ୍ବର ୨୬ ତାରିଖ ଅପରାହ୍ନ ୨ଟାରୁ ୨.୪୦ ମଧ୍ୟରେ ହୋଇଥିଲା । ତାଙ୍କର ମୃତ୍ୟୁର ଖୁଲାସା ଏହି ରିପୋର୍ଟରେ ହୋଇଯାଇଛି ।

• ଶରରୀରୁ ଅଲଗା ହୋଇଯାଇଥିଲା ପ୍ରାଇଭେଟ୍ ପାର୍ଟ

ଯେତେବେଳେ ରସିକ ଦୁଲାରୀଙ୍କ ମୃତଦେହକୁ ବ୍ୟବଚ୍ଛେଦ ପାଇଁ ନିଆଯାଇଥିଲା, ସେତେବେଳେ ତାଙ୍କ ଶରୀର ଦୁଇଟି ଭାଗରେ ବିଭକ୍ତ ହୋଇଥିଲା । କାରଣ ତାଙ୍କ ଗୁପ୍ତାଙ୍ଗ ଶରୀରରୁ ଅଲଗା ହୋଇଯାଇଥିଲା । ରସିକଙ୍କ ଶରୀରରେ ପାଞ୍ଚଟି ଆଘାତ ମିଳିଥିଲା, ଯେଉଁଥିରେ ତାଙ୍କ ମୁଣ୍ଡରେ ୧୪ଟି ସିଲେଇ ହୋଇଥିବା କ୍ଷତ, ବାମ ତଳ ଓଠରେ ଏକ କ୍ଷତ, ଥୋଡ଼ି ଫାଟିଯାଇଥିଲା, ତାଙ୍କ ଗୁପ୍ତାଙ୍ଗରେ ପାଞ୍ଚଟି ସିଲେଇ ହୋଇଥିବା କ୍ଷତ ଏବଂ ତାଙ୍କ ଗୋଡ଼ରୁ ପାଦ ପର୍ଯ୍ୟନ୍ତ କ୍ଷତ ଥିଲା । ସେହିପରି ତାଙ୍କ ଶରୀରର ଆଭ୍ୟନ୍ତରୀଣ କ୍ଷତ କହିବାକୁ ଗଲେ, ତାଙ୍କ ଖପୁରୀର ପଛ ଭାଗରେ ରକ୍ତ ଜମାଟ ବାନ୍ଧିଥିଲା । ତାଙ୍କ ମସ୍ତିଷ୍କ ସମ୍ପୂର୍ଣ୍ଣ ନୀଳ ପଡ଼ିଯାଇଥିଲା ।

• ଫୁସଫୁସ୍ ଫାଟିଯାଇଥିଲା

ସେହିପରି ରସିକ୍ ଦୁଲାରୀଙ୍କ ଛାତିରେ ଗଭୀର ଆଘାତ ଲାଗିଥିଲା । ତାଙ୍କ ଛାତିର ୫ ଓ ୮ ନମ୍ବର ପିଞ୍ଜରା ହାଡ଼ ଭାଙ୍ଗିଯାଇଥିଲା । ଏହାସହିତ ତାଙ୍କର ବାମପଟ ଫୁସଫୁସ୍ ଫାଟିଯାଇଥିଲା । ପୋଷ୍ଟମର୍ଟମ ବେଳେ ତାଙ୍କର ଦୁଇଟି ଫୁସଫୁସ୍ ନୀଳ ପଡ଼ିଯାଇଥିଲା । ଏପରିକି ଛାତିରେ ରକ୍ତ ଜମାଟ ବାନ୍ଧିଥିଲା । ଏହାସହିତ ତାଙ୍କର ଗୁପ୍ତାଙ୍ଗ ଶରୀରଠାରୁ ଅଲଗା ହୋଇଯାଇଥିଲା ।

ପଢନ୍ତୁ ଏହି ଖବର: ପ୍ରେମାନନ୍ଦ ମହାରାଜଙ୍କ ଶିଷ୍ୟ ମୃତ୍ୟୁ ଘଟଣା; ନୂଆ CCTV ଭିଡିଓ କହିଦେଲା ସତ

• କାହିଁକି ଘଟିଲା ମୃତ୍ୟୁ ?

ପୋଷ୍ଟମର୍ଟମ ରିପୋର୍ଟରେ ତାଙ୍କ ମୃତ୍ୟୁର ପ୍ରକୃତ କାରଣ ଜଣାପଡ଼ିଛି । ରିପୋର୍ଟ ଅନୁସାରେ ତାଙ୍କ ଶରୀରରେ ଗମ୍ଭୀର ଆଘାତ ଯୋଗୁଁ ଅତ୍ୟନ୍ତ ରକ୍ତସ୍ରାବ ବା ହାମରେଜ୍ ଶକ୍ ଯୋଗୁଁ ତାଙ୍କର ମୃତ୍ୟୁ ଘଟିଛି । ରସିକ୍‌ଙ୍କ ଶରୀରର ମୁଣ୍ଡ, ଛାତି ଓ ପ୍ରାଇଭେଟ୍ ପାର୍ଟରେ ସବୁଠୁ ଅଧିକ ଆଘାତ ଲାଗିଥିଲା । ୪ ମହଲାରୁ ଡେଇଁଥିବାରୁ ପିଞ୍ଜରା ହାଡ଼ ଭାଙ୍ଗି ଛାତିରେ ରକ୍ତଜମାଟ ବାନ୍ଧି ଯାଇଥିଲା ।

• ରସିକ୍ ଦୁଲାରୀ କିଏ ?

ମଧ୍ୟପ୍ରଦେଶ ଜବଲପୁରର ବାସିନ୍ଦା ଦୀପକ ଲୋଧି (ଯିଏ ପରବର୍ତ୍ତୀ ସମୟରେ ବୃନ୍ଦାବନରେ 'ରସିକ ଦୁଲାରୀ ଶରଣ' ନାମରେ ଜଣାଶୁଣା ଥିଲେ) ପିଲାଦିନରୁ ହିଁ ଆଧ୍ୟାତ୍ମିକତା ପ୍ରତି ଗଭୀର ଆକୃଷ୍ଟ ଥିଲେ । ନିଜର ଗ୍ରାଜୁଏସନ ବା ସ୍ନାତକ ପଢ଼ା ଶେଷ କରିବା ପରେ ସେ ଘର ସଂସାର ତ୍ୟାଗ କରି ପ୍ରଥମେ ନର୍ମଦା ପରିକ୍ରମାରେ ବାହାରିଥିଲେ । ଏହାପରେ ପ୍ରାୟ ଦୁଇ ବର୍ଷ ତଳେ ରାଧା ଅଷ୍ଟମୀ ଅବସରରେ ସେ ବୃନ୍ଦାବନ ଚାଲିଯାଇଥିଲେ ଏବଂ ସେଠାରେ ବିଶିଷ୍ଟ ସନ୍ଥ ପ୍ରେମାନନ୍ଦ ଜୀ ମହାରାଜଙ୍କଠାରୁ ଦୀକ୍ଷା ଗ୍ରହଣ କରି ଆଶ୍ରମରେ ସେବା କାର୍ଯ୍ୟରେ ନିଜକୁ ନିୟୋଜିତ କରିଥିଲେ । ସଂସାର ବନ୍ଧନରୁ ମୁକ୍ତ ହୋଇ ଭଗବତ ଭକ୍ତି ଓ ସାଧନାରେ ସମୟ ଅତିବାହିତ କରିବା ପାଇଁ ସେ ଘର ଛାଡ଼ିଥିଲେ ।