Shocking Incident / 'ମୋ ଅନ୍ତିମ ସଂସ୍କାର କରିବାକୁ ଯାଉଛି..' ଏମିତି ଲେଖି ଜୁଇରେ ଶୋଇ ଲଗାଇ ଦେଲେ ନିଆଁ

ନୂଆଦିଲ୍ଲୀ: ଜନ୍ମ ଅଛି ତ ମୃତ୍ୟୁ ସୁନିଶ୍ଚିତ । ହେଲେ କିଏ କେବେ କ'ଣ ନିଜକୁ ମୁଖାଗ୍ନି ଦେଇପାରେ ? କେବେ କିଏ କ'ଣ ନିଜ ଚିତାକୁ ନିଜେ ଜଳାଇପାରେ ? ଆଜିକାଲି ହୁଏତ ଆତ୍ମହତ୍ୟାରେ ଏହା ସମ୍ଭବ ହୋଇପାରେ । କିନ୍ତୁ ବାସ୍ତବ ଦୁନିଆରେ ଏଭଳି କରିଛନ୍ତି ଜଣେ ଧର୍ମପରାୟଣ ବ୍ୟକ୍ତି ।

ଭୋର୍ ପ୍ରାୟ ସକାଳ ୪ଟା ୧୫ । ନିଜକୁ ମୁଖାଗ୍ନି ଦେବା ପାଇଁ ୫୮ ବର୍ଷୀୟ ବ୍ୟକ୍ତି ଗାଧୋଇ ଘରୁ ବାହାରିଥିଲେ । ସାଙ୍ଗରେ ଅନ୍ତିମ ସଂସ୍କାର ପାଇଁ କାଠ, ତେଲ, ପେଟ୍ରୋଲ୍, ଡିଜେଲ୍ ଓ ଘିଅ ନେଇଥିଲେ । ଘରେ ଛାଡ଼ି ଯାଇଥିଲେ ଚିଠି ସହ କିଛି ଟଙ୍କା ।

ଏଥିସହ ପଢ଼ନ୍ତୁ: ଟିକାରୁ ମିଳିଲା ପୋଲିଓ ଭୂତାଣୁ; ଏବେ ଲକ୍ଷାଧିକ ଛୁଆଙ୍କ ସ୍ଵାସ୍ଥ୍ୟ ପରୀକ୍ଷା କରିବ ୧୬୦ଟି ଟିମ୍ 

ଏଭଳି ଆଶ୍ଚର୍ଯ୍ୟ କଲା ଭଳି ଘଟଣା ଦେଖିବାକୁ ମିଳିଛି ପଞ୍ଜାବର ସଙ୍ଗଋର ଡିଲ୍ଲାରେ । ଚୀମାର ଧାନ ମଣ୍ଡିରେ ବୃଦ୍ଧ ବ୍ୟକ୍ତି ଜଣଙ୍କ ନିଜର ଅନ୍ତିମ ସଂସ୍କାର କରିଛନ୍ତି । ତାହା ବି ମାଲ୍ ପରିବହନ ପାଇଁ ଉଦ୍ଦିଷ୍ଟ ନିଜ ଗାଡ଼ିରେ ।

ମୃତକ ନାୟବ ସିଂହ, ବୟସ ୫୮ ବର୍ଷ । ନାୟବ ସିଂ ଗୁରୁଦ୍ଵାର ଚୀମା ସାହିବ ନିକଟରେ ରହୁଥିଲେ । ସ୍ଥାନୀୟ ଡିଏସ୍‌ପି ହରବିନ୍ଦର ସିଂହ ଖୈରାଙ୍କ ଅନୁସାରେ, ନାୟବ ସିଂହ ଜଣେ ଧାର୍ମିକ ବ୍ୟକ୍ତି ଥିଲେ । ନିଃସ୍ଵାର୍ଥପର ଭାବେ ସେବା କରୁଥିଲେ ।

ଲୋକଙ୍କ ସେବା ପାଇଁ ସେ ଏକ ମାଲ୍ ପରିବହନ ଗାଡ଼ି ରଖିଥିଲେ । ନିଜକୁ ନିଜେ ଜାଳିବାର ଠିକ୍ ଦିନକ ପୂର୍ବରୁ ନାୟବ ସିଂ ଉକ୍ତ ଗାଡ଼ିରେ ଅନ୍ତିମ ସଂସ୍କାରରେ ବ୍ୟବହୃତ ସାମଗ୍ରୀ ଲୋଡ୍ କରି ଦେଇଥିଲେ ।

ଘଟଣା ଦିନ ନାୟବ ସିଂହ ଘରୁ ଭୋର୍ ୪ଟା ୧୫ରେ ସାଇକେଲ୍ ନେଇ ବାହାରି ଯାଇଥିଲେ । ସାଇକେଲ୍‌କୁ ଚୀମା ବସ୍ ଷ୍ଟାଣ୍ଡରେ ରଖି ମାଲ୍ ପରିବହନ ଗାଡ଼ି ଧରି ପହଞ୍ଚିଥିଲେ ମଣ୍ଡିରେ । ଆଉ ୪ଟା ୫୦ରେ ପୋଲିସକୁ ଖବର ଆସିଥିଲା ମଣ୍ଡିରେ ଏକ ଗାଡ଼ିରେ ନିଆଁ ଲାଗିଛି ।

ଏଥିସହ ପଢ଼ନ୍ତୁ: ସୁପର୍ ଗର୍ଲ ଚାରୁ ପାଣ୍ଡେ; SSCରୁ ନେଇ ବ୍ୟାଙ୍କ, ରେଲୱେ ନିଯୁକ୍ତି ପରୀକ୍ଷା… ସବୁଠି ସଫଳ 

ପୋଲିସ ପହଞ୍ଚିବା ବେଳକୁ ନାୟବ ସିଂହଙ୍କ ମୃତ୍ୟୁ ହୋଇ ସାରିଥିଲା । ଯାଞ୍ଚ ବେଳେ ପୋଲିସ ନାୟବ ସିଂହଙ୍କ ଘରୁ ଏକ ଚିଠି ପାଇଛି । ଯେଉଁଥିରେ ନାୟବ ସିଂହ ନିଜ ଅନ୍ତିମ ସଂସ୍କାର ସହ ସମ୍ପର୍କୀୟଙ୍କ ଆର୍ଥିକ ହିସାବର ଚିଠା କଥା ଲେଖିଛନ୍ତି ।

ତେବେ ପରିବାର ଲୋକଙ୍କ ଅନୁସାରେ, ନାୟବ ସିଂ କୌଣସି କଥାକୁ ନେଇ ଚିନ୍ତିତ ନଥିଲେ । ଘଟଣା ସମୟରେ ସେ ଘରେ ଏକା ଥିଲେ । ତେବେ କାହିଁକି ସେ ଚରମ ପଦକ୍ଷେପ ନଲେ ତାହା ପୋଲିସ ତଦନ୍ତ ପରେ ହିଁ ସ୍ପଷ୍ଟ ହୋଇ ପାରିବ ।