ଦେଶବ୍ୟାପୀ ଚାଲିଥିବା ରାଜନୈତିକ ଉଷ୍ମତା ମଧ୍ୟରେ ଇଣ୍ଡି ମେଣ୍ଟ ମଧ୍ୟରେ ଫାଟ ଏବେ ସ୍ପଷ୍ଟ ଭାବେ ଦେଖିବାକୁ ମିଳିଛି । ତାମିଲନାଡ଼ୁରେ କ୍ଷମତାରୁ ଯିବା ପୂର୍ବରୁ DMK ଏହାର ପୂର୍ବତନ ସହଯୋଗୀ ଏବଂ ଲୋକସଭାରେ ବିରୋଧୀ ଦଳ ନେତା ରାହୁଲ ଗାନ୍ଧୀଙ୍କୁ କଟାକ୍ଷ କରିଛି ।

ଲୋକସଭାରେ ବିରୋଧୀ ଦଳ ନେତା ରାହୁଲ ଗାନ୍ଧିଙ୍କୁ ଡିଏମକେର ଟାର୍ଗେଟ୍ । ରାହୁଲଙ୍କ କାର୍ଯ୍ୟକଳାପ ବିରୋଧୀ ଏକତାକୁ ଦୁର୍ବଳ କରିଛି । ବିରୋଧୀ ଦଳ ମଧ୍ୟରେ ବିଭାଜନ ସୃଷ୍ଟି କରୁଛନ୍ତି ରାହୁଲ । ତାଙ୍କ କାର୍ଯ୍ୟକଳାପ ଦ୍ବାରା ତାମିଲନାଡୁ ଓ ଇଣ୍ଡି ମେଣ୍ଟରେ ଏକତା ଦୁର୍ବଳ ହେଉଛି । ଡିଏମକେ ଏହାର ଆଇଟି ୱିଙ୍ଗ ଏବଂ ଏହାର ସରକାରୀ ଖବରକାଗଜ "ମୁରାସୋଲି" ମାଧ୍ୟମରେ ରାହୁଲ ଗାନ୍ଧୀଙ୍କୁ ଏଭଳି ଟାର୍ଗେଟ କରିଛି ।

ଡିଏମକେ ତା'ର IT ୱିଙ୍ଗ ସୋସିଆଲ ମିଡିଆରେ କଠୋର ଶବ୍ଦରେ ଲେଖିଛି, "ଯେତେବେଳେ କଂଗ୍ରେସ ଏହାର ରାଜନୈତିକ ଅସ୍ତିତ୍ବ ପାଇଁ ଲଢ଼ୁଥିଲା, ତେବେ ଆମେ ସେମାନଙ୍କୁ ସହଯୋଗ କରୁଥିଲୁ । କିନ୍ତୁ ଯେତେବେଳେ ସେମାନେ ଏକ ନୂତନ ଏବଂ ଚକଚକିଆ ଖେଳଣା (ନୂଆ ସାଥୀ) ଦେଖିଲେ, ସେମାନେ ତୁରନ୍ତ ପକ୍ଷ ବଦଳାଇ ଦେଲେ । "

ଅଧିକ ପଢ଼ନ୍ତୁ: NCPI ଦଳ ଭିତରେ ମହାଭାରତ; ଅଜଣା ରାଜନୈତିକ ଦଳରେ ମିଶ୍ରଣ ୨୦ TMC ସାଂସଦଙ୍କୁ ପଡ଼ିବ କି ଭାରି ?

ମୁରାସୋଲିଙ୍କ ଅଭିଯୋଗ: ରାହୁଲ ଗାନ୍ଧୀ ନିଜେ ବିଭାଜନର କାରଣ

ଏହା ବ୍ୟତୀତ ସୋମବାର ଦିନ ଡିଏମକେର ମୁଖପତ୍ର "ମୁରାସୋଲି"ରେ ପ୍ରକାଶିତ ଏକ ସମ୍ପାଦକୀୟରେ ରାହୁଲ ଗାନ୍ଧୀଙ୍କ ରାଜନୈତିକ ବୁଝାମଣା ଉପରେ ଗମ୍ଭୀର ପ୍ରଶ୍ନ ଉଠିଥିଲା । ସମ୍ବାଦପତ୍ରଟି ଲେଖିଥିଲା ​​ଯେ ରାହୁଲ ଗାନ୍ଧୀ ଅନ୍ୟମାନଙ୍କୁ ବିରୋଧୀ ଏକତା ଉପଦେଶ ଦିଅନ୍ତି, କିନ୍ତୁ ସେ ନିଜେ ବିଭିନ୍ନ ରାଜ୍ୟରେ ଏହି ଏକତାକୁ ଦୁର୍ବଳ କରୁଛନ୍ତି ।

କେରଳର ଉଦାହରଣ ଦେଇ ସମ୍ପାଦକୀୟରେ କୁହାଯାଇଛି ଯେ ନିର୍ବାଚନ ସମୟରେ ରାହୁଲ ଗାନ୍ଧୀ କେରଳ ମୁଖ୍ୟମନ୍ତ୍ରୀ ପିନାରାଇ ବିଜୟନଙ୍କ ଗିରଫଦାରୀ ଦାବି କରିଥିଲେ । ଏହି କାରଣରୁ ବାମପନ୍ଥୀ ନେତାମାନେ ଏବେ ବି ତାଙ୍କ ଉପରେ ନାରାଜ ଅଛନ୍ତି ।

ସୂଚନା ଅନୁସାରେ, ୨୦୨୬ ବିଧାନସଭା ନିର୍ବାଚନରେ DMK ନେତୃତ୍ୱାଧୀନ ମେଣ୍ଟରେ ରହି କଂଗ୍ରେସ ୫ଟି ଆସନ ଜିତିଥିଲା । କିନ୍ତୁ ପରେ ସେହି ମେଣ୍ଟ ଛାଡ଼ି ଅଭିନେତା ବିଜୟଙ୍କ ନେତୃତ୍ୱାଧୀନ ଟିଭିକେ ସରକାରରେ ସହଯୋଗୀ ଭାବେ ସାମିଲ ହୋଇଗଲା ।