ଫୁସୁକି ଗଲା ବିହାର ନିର୍ବାଚନ ସମୟରେ ରାହୁଲଙ୍କ ହାଇଡ୍ରୋଜେନ୍ ବୋମା । କଂଗ୍ରେସ ଯୁବରାଜଙ୍କ ଭୋଟ୍ ଚୋରି ଅଭିଯୋଗର ଜବାବ ରଖିଲେ କେନ୍ଦ୍ର ଶିକ୍ଷାମନ୍ତ୍ରୀ । ଧର୍ମେନ୍ଦ୍ର କହିଲେ, ରାହୁଲ ଗାନ୍ଧି ମିଥ୍ୟା ତଥ୍ୟର ସୌଦାଗର, ହୋଇଯାଇଛନ୍ତି ମାନସିକ ଦେବାଳିଆ । ୧୦ ବର୍ଷ ତଳର ଫଟୋ ବ୍ୟବହାରକୁ ପାଗଳାମୀ କହିଲେ ବ୍ରାଜିଲର ମଡେଲ୍ ଲାରିସା ।

ରାହୁଲ ଗାନ୍ଧିଙ୍କ ମିଛ ନାଟକର ପର୍ଦ୍ଦାଫାସ । ୩ ଦିନ ପୂର୍ବରୁ ସାମ୍ବାଦିକ ସମ୍ମିଳନୀ କରି ବିହାର ନିର୍ବାଚନରେ ରାହୁଲ କହିଥିବା ହାଇଡ୍ରୋଜେନ୍ ବୋମା ଫୁସ୍ ହୋଇଯାଇଛି । ପ୍ରସଙ୍ଗରେ ଆଜି କଂଗ୍ରେସ ଯୁବରାଜଙ୍କ ଉପରେ ବର୍ଷିଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ । ରାହୁଲଙ୍କୁ କଡ଼ା ସମାଲୋଚନା କରି ଧର୍ମେନ୍ଦ୍ର ପ୍ରଧାନ କହିଛନ୍ତି ମିଛ ପ୍ରଚାର ପାଇଁ ନୂଆ ଷ୍ଟାର୍ଟ ଅପ୍ କରି ମିଥ୍ୟା ତଥ୍ୟର ସୌଦାଗର ବନିଛନ୍ତି ରାହୁଲ ଗାନ୍ଧି । ସେ ମାନସିକ ଭାବେ ଦେବାଳିଆ ହୋଇଯାଇଛନ୍ତି, କ'ଣ କହୁଛନ୍ତି ଜାଣି ପାରୁନାହାନ୍ତି । ଅଭିଯୋଗ କରିବାକୁ ରାହୁଲ ଏକାଧିକ ଥର ନିର୍ବାଚନ କମିଶନଙ୍କଠାରୁ ସମୟ ମାଗିଛନ୍ତି କିନ୍ତୁ ଉପସ୍ଥିତ ହୋଇ ନାହାନ୍ତି ।

ଅଧିକ ପଢ଼ନ୍ତୁ: ସୁପ୍ରିମକୋର୍ଟରେ ଗଲେ ଶାମିଙ୍କ ପତ୍ନୀ, ୪ ଲକ୍ଷ ନୁହେଁ...ଭରଣପୋଷଣ ପାଇଁ ଦାବି କଲେ ୧୦ ଲକ୍ଷ

ତିନି ଦିନ ପୂର୍ବରୁ ଭୋଟର ତାଲିକାରେ ଯେଉଁ ମଡେଲଙ୍କ ନାଁ ଓ ଫଟୋକୁ ନେଇ ରାହୁଲ ପ୍ରଶ୍ନ କରିଥିଲେ ତା'ର ବି ପର୍ଦ୍ଦାଫାସ୍ ହୋଇଛି । ରାହୁଲଙ୍କ ମିଛର ପୋଲ୍ ଖୋଲି ଦେଇଛନ୍ତି ନିଜେ ବ୍ରାଜିଲ ମଡେଲ ଲାରିସା । ପାଲଟା ଆକ୍ରମଣ କରିଛନ୍ତି, ତାଙ୍କର ୧୦ ବର୍ଷ ତଳର ଫଟୋକୁ ବ୍ୟବହାର କରି ଲୋକଙ୍କୁ ଠକିବାକୁ ପ୍ରୟାସ କରାଯାଉଛି । ଭାରତରେ ନିର୍ବାଚନ ସମ୍ପର୍କରେ ତାଙ୍କୁ ବିଶେଷ ଜଣା ନାହିଁ । ହରିୟାଣାର ଜଣେ ଭୋଟର ଭାବେ ତାଙ୍କୁ ଚିତ୍ରଣ କରିବାକୁ ହାସ୍ୟାସ୍ପଦ ଓ ପାଗଳାମୀ ବୋଲି କହିଛନ୍ତି ଲାରିସା । ରାହୁଲ ଗାନ୍ଧି ଭୋଟ୍ ଚୋରି ଅଭିଯୋଗ ଆଣି ବ୍ରାଜିଲ ମଡେଲଙ୍କ ନାଁ ୧୦ଟି ବୁଥର ଭୋଟର ଲିଷ୍ଟରେ ଥିବା ଦର୍ଶାଇଥିଲେ ।

ବ୍ରାଜିଲ ମଡେଲ ଲାରିସାଙ୍କ ଫଟୋ ଦେଖାଇ ସେ ହରିୟାଣାର ମୁରଥାଲର ବାସିନ୍ଦା ଗୁନିଆ ବୋଲି ଦର୍ଶାଇଥିଲେ ରାହୁଲ ଗାନ୍ଧି । ଅନୁସନ୍ଧାନରୁ ଜଣାପଡ଼ିଛି ୪ ବର୍ଷ ପୂର୍ବରୁ ଗୁନିଆ ନାମକ ବ୍ୟକ୍ତିଙ୍କର ମୃତ୍ୟୁ ହୋଇଯାଇଛି । ତା ପରେ ତାଙ୍କ ନାଁ ଭୋଟର ତାଲିକାରୁ କଟାଯାଇନାହିଁ । ଶତାଧିକ ଭୋଟରଙ୍କ ସମାନ ଠିକଣାକୁ ନେଇ ବି ପ୍ରଶ୍ନ ଉଠାଇଥିଲେ ରାହୁଲ । ଗତ ମାସରେ ନିର୍ବାଚନ କମିଶନ ବିହାରରେ SIR ଅଭିଯୋଗ ଉପରେ ଜବାବ ଦେବା ସହ ରାହୁଲ ଗାନ୍ଧିଙ୍କୁ ଅଭିଯୋଗ ପ୍ରମାଣିତ କରିବାକୁ ଗୋଟିଏ ସପ୍ତାହ ସମୟ ଦେଇଥିଲେ । କିନ୍ତୁ ମିଛ ଧରାପଡ଼ିବା ପରେ ଚୁପ୍ ହୋଇଯାଇଥିଲେ ରାହୁଲ ।