Indian Railway bedroll linen set theft: ଭାରତୀୟ ରେଳବାଇ ପକ୍ଷରୁ ଯୋଗାଇ ଦିଆଯାଇଥିବା ବେଡ୍‌ରୋଲ୍‌ ସମ୍ପର୍କରେ ଏକ ଆଶ୍ଚର୍ଯ୍ୟଜନକ ଏବଂ ଚିନ୍ତାଜନକ ତଥ୍ୟ ସାମ୍ନାକୁ ଆସିଛି। ଏସି କୋଚ୍‌ରେ ଯାତ୍ରା କରୁଥିବା ଯାତ୍ରୀଙ୍କ ସୁବିଧା ପାଇଁ ରେଳବାଇ ପ୍ରତିଦିନ ଲକ୍ଷ ଲକ୍ଷ ବେଡ୍‌ରୋଲ୍‌ ବଣ୍ଟନ କରିଥାଏ। ହେଲେ ଏହା ମଧ୍ୟରୁ ଅନେକ ଚୋରି ହୋଇଯାଏ। ଏହି ବେଡ୍‌ରୋଲ୍‌ ମଧ୍ୟରେ ଚାଦର, କମ୍ବଳ, ତକିଆ, ଟାୱେଲ ଅନ୍ତର୍ଭୁକ୍ତ ରହିଛି। ଏହାକୁ ଚୋରି କରିନେବା ଦ୍ୱାରା ଏହାର କୋଷାଗାର ଏବଂ ବ୍ୟବସ୍ଥା ଉପରେ କିପରି ପ୍ରଭାବ ପକାଉଛି ତାହା ବ୍ୟାଖ୍ୟା କରିଛି ରେଳବାଇ।

ପ୍ରତିଦିନ ବଣ୍ଟାଯାଏ ୮ ଲକ୍ଷ ବେଡ୍‌ରୋଲ୍
ଏକ RTI ଉତ୍ତରରେ, ରେଳବାଇ କହିଛି ଯେ ପ୍ରତିଦିନ ଯାତ୍ରୀଙ୍କୁ ପ୍ରାୟ ୮ ଲକ୍ଷ ବେଡ୍‌ରୋଲ୍ ବଣ୍ଟନ କରାଯାଏ। ଏହାର ଏକ ସମ୍ପୂର୍ଣ୍ଣ ସେଟ୍ ମଧ୍ୟରେ ସାଧାରଣତଃ ଦୁଇଟି ବେଡ୍‌ସିଟ୍‌, ଗୋଟିଏ କମ୍ବଳ, ଗୋଟିଏ ତକିଆ, ଗୋଟିଏ ତକିଆ କଭର ଏବଂ ଗୋଟିଏ ମୁହଁ ପୋଛିବା ଟାୱେଲ୍ ଅନ୍ତର୍ଭୂକ୍ତ ରହିଥାଏ। ରେଳବାଇ ପ୍ରତିଦିନ ପ୍ରାୟ ୧୬ ଲକ୍ଷ ଚାଦର, ୮ ଲକ୍ଷ କମ୍ବଳ, ୮ ଲକ୍ଷ ତକିଆ, ୮ ତକିଆ କଭର, ୮ ଲକ୍ଷ ମୁହଁ ପୋଛିବା ଟାୱେଲ ଯୋଗାଇ ଦେଇଥାଏ। ଏତେ ବଡ଼ ବ୍ୟବସ୍ଥାକୁ ପ୍ରତିଦିନ ପରିଚାଳନା କରିବା ରେଲବାଇ ପାଇଁ ଏକ କଷ୍ଟକର କାର୍ଯ୍ୟ ହୋଇଥାଏ।

ଏହା ସହ ପଢନ୍ତୁ: ଟ୍ରେନ୍ ନାଁ ବିଳାସମୟ ହୋଟେଲ୍? ଚର୍ଚ୍ଚାରେ ନୂତନ ବନ୍ଦେ ଭାରତ ସ୍ଲିପର ଟ୍ରେନ୍

କାହାର ହୋଇଥାଏ ସବୁଠାରୁ ବେଶୀ ଚୋରି?
ରେଳବାଇ ତଥ୍ୟ ଅନୁଯାୟୀ, ମୁହଁ ପୋଛିବା ପାଇଁ ଦିଆ ଯାଉଥିବା ଟାୱେଲ ହେଉଛି ସବୁଠାରୁ ସାଧାରଣ ଜିନିଷ ଯାହା ବେଶୀ ଚୋରି ହୋଇଥାଏ। କାରଣ ଏହା ଆକାରରେ ଛୋଟ। ଯାତ୍ରୀ ପ୍ରାୟତଃ ଭୁଲବଶତଃ ଏହାକୁ ସେମାନଙ୍କ ବ୍ୟାଗ୍ ମଧ୍ୟରେ ଛାଡି ଦେଇଥାନ୍ତି, କିମ୍ବା ଯାତ୍ରା ସମୟରେ ଏହା ଏତେ ମଇଳା ହୋଇଯାଏ ଯେ ପରେ ସେଗୁଡ଼ିକ ବ୍ୟବହାରଯୋଗ୍ୟ ହୋଇପାରେ ନାହିଁ। ଏହା ପରେ, ବେଡସିଟ୍ ହେଉଛି ସବୁଠାରୁ ସାଧାରଣ ଜିନିଷ ଯାହା ଚୋରି ହୋଇଯାଏ। ହେଲେ ତଥାପି କିଛି ସମୟ ଧରି, ଥାର୍ଡ ଏସି କୋଚ୍ ରେ ଟାୱେଲ ଦେବା ବନ୍ଦ କରିବା କିମ୍ବା ଏହାକୁ କାଗଜ ଟାୱେଲ ସହିତ ବଦଳାଇବା ନେଇ ଆଲୋଚନା ହେଉଛି। ହେଲେ ତଥାପି, ରେଳବାଇ ଏହା ଉପରେ ନିଜର ମତ ସ୍ପଷ୍ଟ କରି କହିଛି ଯେ ବର୍ତ୍ତମାନ ଏପରି କୌଣସି ପ୍ରସ୍ତାବ ନାହିଁ।

ଚୋରି ରୋକିବା ପାଇଁ କ'ଣ ରହିଛି ରେଳବାଇର ନିୟମ?
ଲଗେଜ ସୁରକ୍ଷା ଏବଂ ଦାୟିତ୍ୱ ପାଇଁ ରେଳବାଇ ଏକ ବ୍ୟାପକ ପ୍ରକ୍ରିୟା ସ୍ଥାପନ କରିଛି। ଯାତ୍ରୀ ଓହ୍ଲାଇବା ପରେ, ଲିନେନ୍ ପରିଚାରିକା (Indian Railway Linen Attendant) ସମସ୍ତ ବେଡରୋଲ୍ (Indian Railway Bedroll for Passenger) ସଂଗ୍ରହ କରନ୍ତି। ବେଡରୋଲ୍ ବଣ୍ଟନ ଏବଂ ସଂଗ୍ରହ ପାଇଁ ଚୁକ୍ତିବଦ୍ଧ ଏଜେନ୍ସି ଏହାର ସମ୍ପୂର୍ଣ୍ଣ ହିସାବ ରଖିବା ପାଇଁ ଦାୟୀ ରହିଥାଏ। ଯଦି ଯାଞ୍ଚ ସମୟରେ ବେଡରୋଲ୍ ସହ ଜଡ଼ିତ କୌଣସି ଜିନିଷ ହଜିଯାଏ କିମ୍ବା ଚୋରି ହୋଇଯାଏ, ତାହେଲେ ଏଜେନ୍ସି ବିଲ୍ରୁ ଏହାର ସମ୍ପୂର୍ଣ୍ଣ ମୂଲ୍ୟ କାଟି ନିଆଯାଏ। ଯେତେବେଳେ ବେଡରୋଲ୍ ଚୋରି ହୁଏ କିମ୍ବା ହଜିଯାଏ, ରେଳବାଇକୁ ନୂତନ ଏବଂ ଅତିରିକ୍ତ ଲିନେନ୍ ସେଟ୍ (Linen Set) ବ୍ୟବସ୍ଥା କରିବାକୁ ହୋଇଥାଏ। ଏହା ରେଳବାଇ ଉପରେ ଏକ ଅନାବଶ୍ୟକ ଆର୍ଥିକ ବୋଝ ପକାଇଥାଏ ଏବଂ ସାମଗ୍ରିକ କାର୍ଯ୍ୟକ୍ଷମ ସନ୍ତୁଳନକୁ ବାଧା ଦେଇଥାଏ।

ଏହା ସହ ପଢନ୍ତୁ: ଚଳନ୍ତା ଗାଡ଼ିରେ ବିଳାସମୟ ହୋଟେଲ; ଭାଇରାଲ ଭିଡ଼ିଓ ଦେଖି ତାଜୁବ ହୋଇଯିବେ ଆପଣ


ରେଳବାଇର କେଉଁ ଡିଭିଜନ/ଜୋନ୍ ଠାରେ ହେଉଛି ସବୁଠାରୁ ବେଶୀ ଚୋରି?
ରେଳବାଇ ଦ୍ୱାରା ସେୟାର କରାଯାଇଥିବା ତଥ୍ୟ ଅନୁଯାୟୀ, ଦେଶର ୭ ଭିନ୍ନ ଭିନ୍ନ ଜୋନ ଠାରେ ବିସ୍ତାରିତ ୧୦ ଡିଭିଜନ ଠାରେ ସମସ୍ତ ଲିନେନ୍ ଚୋରିର ପ୍ରାୟ ୬୭% ରେକର୍ଡ କରାଯାଇଛି। ଏହି ପ୍ରମୁଖ ଡିଭିଜନ ମଧ୍ୟରେ ରାଜସ୍ଥାନର (ବିକାନେର, ଯୋଧପୁର, ଜୟପୁର), ବିହାର (ସୋନପୁର, ଦାନାପୁର, ରାଞ୍ଚି), ଦିଲ୍ଲୀ, ମୁମ୍ବାଇ, ଅହମ୍ମଦାବାଦ ଏବଂ ବିଳାସପୁର ରହିଛି। ଗତ ୨୦୨୨ ପର ଠାରୁ, ଚୋରି ମାମଲା ବୃଦ୍ଧି ପାଇଛି। ବିକାନେର ଡିଭିଜନ ଠାରେ ସର୍ବାଧିକ ଚୋରି ହୋଇଛି। ଏଠାରେ ବେଡରୋଲ୍ ଲିନେନ୍ ଚୋରି ୨.୯୯ ଲକ୍ଷରୁ ବୃଦ୍ଧି ପାଇ ୧୨.୩୪ ଲକ୍ଷ ହୋଇଛି। ଏହା ପରେ ବିହାରର ସୋନପୁର ଡିଭିଜନ ରହିଛି। ଯେଉଁଠାରେ ଚୋରି ୩୬,୪୪୮ ରୁ ବୃଦ୍ଧି ପାଇ ୩.୦୧ ଲକ୍ଷ ହୋଇଛି। ହେଲେ ଦିଲ୍ଲୀରେ ଚୋରି ହ୍ରାସ ପାଇଛି।