Russian Paraglider Rescue / ମଣ୍ଡିରେ ଟଳିଲା ବଡ଼ ଦୁର୍ଘଟଣା; ଅଳ୍ପକେ ବର୍ତ୍ତିଲେ ଋଷୀୟ ପାରାଗ୍ଲାଇଡ଼ର

ମଙ୍ଗଳବାର (ନଭେମ୍ବର ୯) ହିମାଚଳ ପ୍ରଦେଶର ମଣ୍ଡି ଜିଲ୍ଲାରେ ଏକ ବଡ଼ ପାରାଗ୍ଲାଇଡିଂ ଦୁର୍ଘଟଣାକୁ ଏଡାଇ ଦିଆଯାଇଛି। ଟାଣ୍ଡୁ ନିକଟରେ ଜଣେ ପାରାଗ୍ଲାଇଡର ପାଇଲଟ୍‌ ଙ୍କ ପାରାଚ୍ୟୁଟ୍ ୩୩ କେଭି ବିଦ୍ୟୁତ୍ ତାରରେ ଫସି ଯାଇଥିଲା। ଯାହା ଫଳରେ ସେ ବହୁ ଉଚ୍ଚତାରେ ଝୁଲି ରହିଥିଲେ। ତାଙ୍କୁ ଏପରି ଫସି ରହିଥିବାର ଦେଖି ଘଟଣାସ୍ଥଳରେ ଆତଙ୍କ ଖେଳି ଯାଇଥିଲା। ଏହି ଘଟଣା ସମ୍ପର୍କରେ ଖବର ପାଇବା ପରେ ପୋଲିସ ଏବଂ ସମ୍ପୃକ୍ତ ବିଭାଗ ଘଟଣାସ୍ଥଳରେ ପହଞ୍ଚିଥିଲେ। ଏହା ପରେ ରାଷ୍ଟ୍ରୀୟ ରାଜମାର୍ଗ ପ୍ରାଧିକରଣ (NHAI), ଗାଭର କମ୍ପାନୀ, ରାଜ୍ୟ ବିପର୍ଯ୍ୟୟ ପ୍ରଶମନ ବାହିନୀ (SDRF) ଏବଂ ଜାତୀୟ ବିପର୍ଯ୍ୟୟ ପ୍ରଶମନ ବାହିନୀ (NDRF) ମିଳିତ ଦଳ ପକ୍ଷରୁ ତାଙ୍କୁ ଉଦ୍ଧାର କରିବା କାର୍ଯ୍ୟ ଆରମ୍ଭ କରିଥିଲେ। ପ୍ରାୟ ୪ ଘଣ୍ଟାର ପ୍ରୟାସ ପରେ ପାଇଲଟ୍‌ ଙ୍କୁ ସୁରକ୍ଷିତ ଭାବରେ ତଳକୁ ଅଣାଯାଇଥିଲା।

ରିପୋର୍ଟ ଅନୁଯାୟୀ ମଙ୍ଗଳବାର ଟାଣ୍ଡୁ ନିକଟରେ ପାରାଗ୍ଲାଇଡିଂ କରୁଥିବା ସମୟରେ, ଜଣେ ଋଷୀୟ ପାଇଲଟ୍‌ ଙ୍କ ପାରାଚ୍ୟୁଟ୍ ହଠାତ୍ ୩୩ କେଭି ବିଦ୍ୟୁତ୍ ତାରରେ ଫସି ଯାଇଥିଲା। ଯାହା ଫଳରେ ସେ ବହୁ ଉଚ୍ଚତାରେ ଝୁଲି ରହିଥିଲେ। ଖବର ପାଇବା ମାତ୍ରେ ପୋଲିସ ଏବଂ ସମ୍ପୃକ୍ତ ବିଭାଗକୁ ଘଟଣା ବିଷୟରେ ସୂଚନା ଦିଆଯାଇଥିଲା। ପାରାଚ୍ୟୁଟ୍ ଉଚ୍ଚ କ୍ଷମତାସମ୍ପନ୍ନ ବିଦ୍ୟୁତ୍ ତାରରେ ଫସି ରହିବାରୁ ତା‌ଙ୍କୁ ତଳକୁ ଆଣିବା ଉଦ୍ଧାରକାରୀ ଦଳ ପାଇଁ ଚ୍ୟାଲେଞ୍ଜିଂ ରହିଥିଲା।

ଏହା ସହ ପଢନ୍ତୁ: ପାରାଗ୍ଲାଇଡିଂ କରିବା ସମୟରେ ଅଘଟଣ; ବୁଲଗେରିଆ ପାଇଲଟ୍ ମୃତ, ଅନ୍ୟ ଜଣେ ଆହତ

ପରିସ୍ଥିତିକୁ ସମ୍ଭାଳିଥିଲେ NHAI, SDRF, NDRF ଟିମ୍
ଖବର ପାଇବା ପରେ, NHAI, ଗାୱାର କମ୍ପାନୀ, ଉଭୟ SDRF ଏବଂ NDRF ବାହିନୀ ଦଳ ଘଟଣାସ୍ଥଳରେ ପହଞ୍ଚିଲେ। ସମସ୍ତ ଦଳ ପରସ୍ପର ସମନ୍ୱୟ ରକ୍ଷା କରି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ। ଉଦ୍ଧାର କାର୍ଯ୍ୟ ସମୟରେ ଆଉ କୌଣସି ଦୁର୍ଘଟଣା ଯେପରି ନଘଟେ ତାହା ସୁନିଶ୍ଚିତ କରି ବିଦ୍ୟୁତ୍ ତାର ମଧ୍ୟରେ ଫସି ରହିଥିବା ଋଷୀୟ ପାଇଲଟ୍‌ଙ୍କୁ ସୁରକ୍ଷିତ ଭାବରେ ଉଦ୍ଧାର କରିବା ଉପରେ ଧ୍ୟାନ ଦିଆଯାଇଥିଲା।

ଏକ ବଡ଼ କ୍ରେନ୍ ସାହାୟତାରେ କରାଗଲା ଉଦ୍ଧାର
ପାଇଲଟ୍‌ ଙ୍କୁ ସୁରକ୍ଷିତ ଭାବରେ ତଳକୁ ଆଣିବା ପାଇଁ ଗାୱାର କମ୍ପାନୀ ଦ୍ୱାରା ବ୍ୟବହୃତ ବଡ଼ କ୍ରେନ୍ ବ୍ୟବହାର କରାଯାଇଥିଲା। ଏନେଇ କମ୍ପାନୀ ପକ୍ଷରୁ କୁହାଯାଇଛ ଯେ ଉଦ୍ଧାର କାର୍ଯ୍ୟରେ କ୍ରେନ୍ ନିୟୋଜିତ କରାଯାଇଥିଲା। ଏହି କାର୍ଯ୍ୟ ଅତ୍ୟନ୍ତ ସତର୍କତା ଏବଂ ଅନ୍ୟ ଉଦ୍ଧାର ଦଳ ସହିତ ସମନ୍ୱୟ ସହିତ କରାଯାଇଥିଲା। ଚ୍ୟାଲେଞ୍ଜିଂ ପରିସ୍ଥିତି ସତ୍ତ୍ୱେ ସମସ୍ତ ଦଳର ମିଳିତ ପ୍ରୟାସ କ୍ରମେ ପାଇଲଟ୍‌ଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଥିଲା।

ଏହା ସହ ପଢନ୍ତୁ: ପାରା ଗ୍ଲାଇଡ଼ିଂ ସମୟରେ ଫସିଲେ ୨ ବିଦେଶୀ ପାଇଲଟ; ସେନା ହେଲିକ୍ୟାପ୍ଟର ସହାୟତାରେ କରାଗଲା ଉଦ୍ଧାର

୪ ଘଣ୍ଟାର ପ୍ରୟାସ ପରେ ସୁରକ୍ଷିତ ଭାବରେ ଉଦ୍ଧାର ହେଲ ପାଇଲଟ୍
ପ୍ରାୟ ୪ ଘଣ୍ଟା ଧରି ଉଦ୍ଧାର କାର୍ଯ୍ୟ ଜାରି ରହିବା ପରେ ଶେଷରେ ପାଇଲଟ୍‌ଙ୍କୁ ସୁରକ୍ଷିତ ଭାବରେ ତଳକୁ ଅଣାଯାଇଥିଲା। ପୋଲିସ, NHAI, ଗାୱାର କମ୍ପାନୀ, SDRF ଏବଂ NDRF ମିଳିତ ଦଳ ଏହି କାର୍ଯ୍ୟରେ ଏକାଠି କାମ କରିଥିଲେ। ସେମାନଙ୍କ ମିଳିତ ପ୍ରୟାସ ଦ୍ୱାରା ପାଇଲଟ୍ ଙ୍କ ଜୀବନ ରକ୍ଷା ପାଇଥିଲା। ଯାହା ଫଳରେ ଏକ ବଡ଼ ଦୁର୍ଘଟଣାକୁ ଏଡାଇ ଦିଆଗଲା।