Andhra Pharma Plant Boiler Blast / ବଏଲର୍ ବିସ୍ଫୋରଣ ପରେ ଛାରଖାର ହୋଇଗଲା ଶ୍ରୀ ସିଟି ଫାର୍ମା ପ୍ଲାଣ୍ଟ; ୫ ମୃତ, ୧୦ ଗୁରୁତର ଆହତ

ଶୁକ୍ରବାର (୨ ଅକ୍ଟୋବର) ଆନ୍ଧ୍ର ପ୍ରଦେଶର ତିରୁପତି ଜିଲ୍ଲାର ସତ୍ୟବେଦୁ ମଣ୍ଡଳ ସ୍ଥିତ ଶ୍ରୀ ସିଟି ଶିଳ୍ପାଞ୍ଚଳରେ ଅବସ୍ଥିତ ଏକ ଘରୋଇ ଔଷଧ କାରାଖାନରେ ଘଟିଯାଇଛି ଏକ ବଡ଼ ଦୁର୍ଘଟଣା। ଏହି ଔଷଧ କାରଖାନାରେ ହୋଇଥିବା ବଏଲର ବିସ୍ଫୋରଣରେ ୫ ଜଣ ଶ୍ରମିକଙ୍କ ମୃତ୍ୟୁ ହୋଇଥିବା ବେଳେ ୧୦ ଜଣ ଗୁରୁତର ଆହତ ହୋଇଛନ୍ତି। ଖବର ପାଇ ପୋଲିସ, ଅଗ୍ନିଶମ ବାହିନୀ ଏବଂ ଜରୁରୀକାଳୀନ ସେବା ଦଳ ଘଟଣାସ୍ଥଳରେ ପହଞ୍ଚି ଆହତଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରିଛି। ଶିକ୍ଷା ଏବଂ ଆଇଟି ମନ୍ତ୍ରୀ ନାରା ଲୋକେଶ ଏହି ଘଟଣାରେ ଦୁଃଖ ପ୍ରକାଶ କରିଛନ୍ତି। ଦୁର୍ଘଟଣାରେ ଆହତ ହୋଇଥିବା ଲୋକଙ୍କୁ ସର୍ବୋତ୍ତମ ଚିକିତ୍ସା ସୁବିଧା ଯୋଗାଇ ଦେବାକୁ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି। ବିସ୍ଫୋରଣର କାରଣ ସମ୍ପର୍କରେ ତଦନ୍ତ ବର୍ତ୍ତମାନ ଚାଲିଛି।

ଫାର୍ମା ୟୁନିଟ୍ ଠାରେ ହୋଇଥିଲା ଦୁର୍ଘଟଣା
ପୋଲିସ କହିବା ଅନୁଯାୟୀ, ତିରୁପତି ଜିଲ୍ଲାର ସତ୍ୟବେଦୁ ମଣ୍ଡଳରେ ଅବସ୍ଥିତ ଶ୍ରୀ ସିଟି ସ୍ଥିତ ଏକ ଘରୋଇ ଫାର୍ମା ୟୁନିଟ୍ ଠାରେ ଏହି ଦୁର୍ଘଟଣା ଘଟିଛି। ବଏଲର୍ ରେ ହଠାତ୍ ବିସ୍ଫୋରଣ ହେବାରୁ କାରଖାନା ପରିସରରେ କାମ କରୁଥିବା ଶ୍ରମିକ ଫସି ଯାଇଥିଲେ। ପ୍ରାଥମିକ ସୂଚନା ଅନୁଯାୟୀ, ଘଟଣାସ୍ଥଳରେ ୫ ଜଣଙ୍କ ମୃତ୍ୟୁ ହୋଇଥିବା ବେଳେ ୧୦ ଜଣ ଗୁରୁତର ଆହତ ହୋଇଛନ୍ତି।

ଜାରି ରହିଛି ରିଲିଫ ଏବଂ ଉଦ୍ଧାର କାର୍ଯ୍ୟ
ବଏଲର୍ ବିସ୍ଫୋରଣ ହେବା ସମ୍ପର୍କରେ ଖବର ମିଳିବା ମାତ୍ରେ ପୋଲିସ ଏବଂ ଜରୁରୀକାଳୀନ ସେବା ଦଳ ଘଟଣାସ୍ଥଳରେ ପହଞ୍ଚିଥିଲେ। ଉଦ୍ଧାରକାରୀ ଦଳ ତୁରନ୍ତ ଆହତଙ୍କୁ ବାହାର କରି ନିକଟସ୍ଥ ଚିକିତ୍ସାଳୟରେ ଭର୍ତ୍ତି କରିଛନ୍ତି। ଅଧିକାରୀ ଘଟଣାସ୍ଥଳରେ ପହଞ୍ଚିବା ପରେ ସମଗ୍ର କାରଖାନା ପରିସରରେ ଯାଞ୍ଚ କରୁଛନ୍ତି।

ଏହା ସହ ପଢନ୍ତୁ: ମାଙ୍ଗାଲୁରୁ ବିମାନବନ୍ଦର ନିକଟରେ ଶକ୍ତିଶାଳୀ ବିସ୍ଫୋରଣ; ଏମଆରପିଏଲ୍ ବିଶୋଧନଗାରରେ ଲାଗିଲା ନିଆଁ

ଦୁର୍ଘଟଣାର କାରଣ କ'ଣ? ଜାରି ରହିଛି ତଦନ୍ତ
ବର୍ତ୍ତମାନ ଫାର୍ମା ପ୍ଲାଣ୍ଟ ବଏଲର ବିସ୍ଫୋରଣ ହେବା ପଛରେ ରହିଥିବା କାରଣ ଅସ୍ପଷ୍ଟ ରହିଛି। ପୋଲିସ ଏବଂ ସମ୍ପୃକ୍ତ ବିଭାଗୀୟ ଅଧିକାରୀ ବୈଷୟିକ ଦିଗ ସମ୍ପର୍କରେ ତଦନ୍ତ କରୁଛନ୍ତି। ଏହି ଦୁର୍ଘଟଣା କୌଣସି ବୈଷୟିକ ତ୍ରୁଟି, ସୁରକ୍ଷା ମାନଦଣ୍ଡରେ ତ୍ରୁଟି କିମ୍ବା ଅନ୍ୟ କୌଣସି କାରଣରୁ ଘଟିଛି ନା ନାହିଁ ତାହା ନିର୍ଣ୍ଣୟ କରିବାକୁ ପ୍ରୟାସ କରାଯାଉଛି।

ମନ୍ତ୍ରୀ ନାରା ଲୋକେଶ ଦୁଃଖ ପ୍ରକାଶ କରିଛନ୍ତି
ଆନ୍ଧ୍ର ପ୍ରଦେଶ ଶିକ୍ଷା ଏବଂ ଆଇଟି ମନ୍ତ୍ରୀ ନାରା ଲୋକେଶ ଏହି ଘଟଣାରେ ଗଭୀର ଶୋକ ପ୍ରକାଶ କରିଛନ୍ତି। ସେ ମୃତକଙ୍କ ପରିବାର ପ୍ରତି ସମବେଦନା ପ୍ରକାଶ କରିଛନ୍ତି ଏବଂ ଦିବଂଗତ ଆତ୍ମାର ଶାନ୍ତି ପାଇଁ ପ୍ରାର୍ଥନା କରିଛନ୍ତି। ସେ ଆହତ ଶ୍ରମିକଙ୍କୁ ସର୍ବୋତ୍ତମ ଚିକିତ୍ସା ସେବା ଯୋଗାଇ ଦେବାକୁ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି।ଟ

ସହଯୋଗର ପ୍ରତିଶୃତି ଦେଇଛନ୍ତି ଆନ୍ଧ୍ର ସରକାର
ମନ୍ତ୍ରୀ ନାରା ଲୋକେଶ କହିଛନ୍ତି ଯେ ରାଜ୍ୟ ସରକାର ଏହି ଦୁଃଖଦ ଘଟଣାରେ ପ୍ରଭାବିତ ପରିବାର ସହିତ ଠିଆ ହୋଇଛନ୍ତି। ସେ ଆଶ୍ୱାସନା ଦେଇଛନ୍ତି ଯେ ମୃତକଙ୍କ ପରିବାର ଏବଂ ଆହତଙ୍କ ପରିବାରକୁ ଆବଶ୍ୟକୀୟ ସହାୟତା ଯୋଗାଇ ଦିଆଯିବ। ପ୍ରଶାସନ ଏହି ମାମଲା ଉପରେ ସତର୍କ ନଜର ରଖିଛି।