Indian Sailor Missing in Strait of Hormuz / ହର୍ମୁଜ୍ ପ୍ରଣାଳୀରେ 'ତାରା ଗ୍ୟାସ' ଟ୍ୟାଙ୍କର ଉପରେ ମିସାଇଲ୍ ଆକ୍ରମଣ, ଜଣେ ଭାରତୀୟ ନାବିକ ନିଖୋଜ!

Key Points
ହର୍ମୁଜ୍ ପ୍ରଣାଳୀରେ ପାନାମା ପତାକା ଲାଗିଥିବା LPG ଟ୍ୟାଙ୍କର 'ତାରା ଗ୍ୟାସ' ଉପରେ ପୁଣି ମିସାଇଲ୍ ଆକ୍ରମଣ ହୋଇଛି। ଏହି ଘଟଣା ପରେ ୨୪ ଜଣ ଚାଳକ ଦଳ ସଦସ୍ୟ ସୁରକ୍ଷିତ ଥିବାବେଳେ ଜଣେ ଭାରତୀୟ ନାବିକ ନିଖୋଜ ଅଛନ୍ତି। ତାଙ୍କୁ ଖୋଜିବା ପାଇଁ ଉଦ୍ଧାରକାରୀ ଦଳ ଓ ଜାହାଜ ପରିଚାଳନା କମ୍ପାନୀ ସହ ଭାରତ ସରକାର ସମନ୍ୱୟ ରଖିଛନ୍ତି।
କେନ୍ଦ୍ରମନ୍ତ୍ରୀ ଦେଇଥିଲେ ସୂଚନା
କେନ୍ଦ୍ର ଜାହାଜ ଚଳାଚଳ ମନ୍ତ୍ରୀ ସର୍ବାନନ୍ଦ ସୋନୋୱାଲ ମଙ୍ଗଳବାର ସନ୍ଧ୍ୟାରେ ସୋସିଆଲ ମିଡି଼ଆ ପ୍ଲାଟଫର୍ମ "X" ରେ ଏକ ପୋଷ୍ଟ ସେୟାର କରିଥିଲେ। ଏହି ପୋଷ୍ଟ ସେୟାର କରି ସେ କହିଥିଲେ ଯେ ଏକ ଚିନ୍ତାଜନକ ଘଟଣାକ୍ରମରେ ପାନାମା-ପତାକା ରହିଥିବା ଏଲପିଜି ଟ୍ୟାଙ୍କର "ତାରା ଗ୍ୟାସ" ଉପରେ ପୁନର୍ବାର ଆକ୍ରମଣ କରାଯାଇଥିଲା। ଯାହା ଫଳରେ ଏହି ଜାହାଜର ସମଗ୍ର ଚାଳକ ଦଳ ସଦସ୍ୟଙ୍କୁ ଜାହାଜ ଛାଡିବାକୁ ପଡ଼ିଥିଲା। ଏହି ଆକ୍ରମଣରରେ ପ୍ରାୟ ୨୪ ଜଣ ଚାଳକ ଦଳ ସଦସ୍ୟ ସୁରକ୍ଷିତ ଅଛନ୍ତି। ଆକ୍ରମଣ ପରେ ଜଣେ ଭାରତୀୟ ନାବିକ ଏବେ ମଧ୍ୟ ନିଖୋଜ ଅଛନ୍ତି।"
⚠️ IMPORTANT UPDATE ⚠️ In a distressing development, the Panama-flagged LPG tanker TARA GAS was subjected to a subsequent attack, forcing the entire crew to abandon the vessel. While 24 crew members have been safely accounted for, one Indian seafarer remains missing. We are urgently coordinating with the ship management company and regional rescue authorities to locate our missing seafarer and ensure the immediate safety, welfare and logistical support of the rescued crew members.
— Sarbananda Sonowal (@sarbanandsonwal) November 17, 2026
ଏହା ସହ ପଢନ୍ତୁ: UAE ନିକଟରେ ତୈଳ ଟ୍ୟାଙ୍କର୍ ଉପରେ ଆକ୍ରମଣ, ସୁରକ୍ଷିତ ଅଛନ୍ତି ୧୯ ଭାରତୀୟ ନାବିକ
କେନ୍ଦ୍ରମନ୍ତ୍ରୀ ଆହୁରି କହିଛନ୍ତି, "ଆମେ ଆମର ନିଖୋଜ ନାବିକଙ୍କୁ ଖୋଜିବା ପାଇଁ ଜାହାଜ ପରିଚାଳନା କମ୍ପାନୀ ଏବଂ ଆଞ୍ଚଳିକ ଉଦ୍ଧାରକାରୀ ଦଳ ସହିତ ତୁରନ୍ତ ସମନ୍ୱୟ ସ୍ଥାପନ କରୁଛୁ। ଉଦ୍ଧାର କରାଯାଇଥିବା ଚାଳକ ଦଳ ସଦସ୍ୟଙ୍କ ସୁରକ୍ଷା, ନିରାପତ୍ତା ଏବଂ ସେମାନଙ୍କୁ ଆବଶ୍ୟକୀୟ ଆନୁଷଙ୍ଗୀକ ସହାୟତା ପ୍ରଜାନ କରିବାକୁ ସୁନିଶ୍ଚିତ କରିବା ପାଇଁ କାର୍ଯ୍ୟ କରୁଛୁ।"
ପୂର୍ବରୁ କୁହାଯାଇଥିଲା, "ସମସ୍ତ ଚାଳକ ଦଳ ସଦସ୍ୟ ସୁରକ୍ଷିତ ଅଛନ୍ତି"
ସକାଳେ କେନ୍ଦ୍ରମନ୍ତ୍ରୀ ସର୍ବାନନ୍ଦ ସୋନୋୱାଲ ସୋସିଆଲ ମିଡିଆ ମାଧ୍ୟମରେ ସୂଚନା ଦେଇଥିଲେ ଯେ ୨୪ ଜଣ ଭାରତୀୟ ନାଗରିକଙ୍କ ସମେତ ସମସ୍ତ ୨୫ ଜଣ ଚାଳକ ଦଳ ସଦସ୍ୟ ସୁରକ୍ଷିତ ଅଛନ୍ତି। ସେମାନଙ୍କ ମଧ୍ୟରୁ କେହି ଆହତ ହୋଇନାହାଁନ୍ତି। ସେ ଆହୁରି କହିଥିଲେ, "ଆମେ ପରିସ୍ଥିତି ଉପରେ ନିରନ୍ତର ନଜର ରଖୁଛୁ। ଆମେ ଆମର ନାବିକଙ୍କ ସୁରକ୍ଷା ଏବଂ ସୁସ୍ଥତା ସୁନିଶ୍ଚିତ କରିବା ପାଇଁ ଜାହାଜ ପରିଚାଳନା କରୁଥିବା କମ୍ପାନୀ ସହିତ ନିରନ୍ତର ଯୋଗାଯୋଗରେ ରହିଛୁ।"
📱 Get Argus News App
✨