Super El Nino Warning 2026 / ମାଡ଼ି ଆସୁଛି 'ସୁପର ଏଲ୍ ନିନୋ'; ଭାଙ୍ଗିବ ୧୦୦ ବର୍ଷର ରେକର୍ଡ଼

ମୌସୁମୀ ବର୍ଷାର ଶତ୍ରୁ କୁହାଯାଉଥିବା "ଏଲ୍ ନିନୋ" ଆହୁରି ଶକ୍ତିଶାଳୀ ହୋଇପାରେ। ଏପରି ପୂର୍ବାନୁମାନ କରିଛନ୍ତି ବୈଶ୍ୱିକ ପାଣିପାଗ ସଙ୍ଗଠନ। ଏନେଇ ବିଶ୍ୱର ବିଭିନ୍ନ ପାଣିପାଗ ସଂସ୍ଥା କହିଛନ୍ତି ଯେ ମୌସୁମୀ ବର୍ଷା ଦୁର୍ବଳ କରୁଥିବା "ଏଲ୍ ନିନୋ" ବିଗତ ୧୦୦ ବର୍ଷର ରେକର୍ଡ଼ ଭାଙ୍ଗିପାରେ। ସାଧାରଣତଃ ନଭେମ୍ବର ମାସରେ ଅଧିକ ସକ୍ରିୟ ହୋଇ ଉଠୁଥିବା "ଏଲ ନିନୋ", ଏବେ ଅଗଷ୍ଟ-ସେପ୍ଟେମ୍ବର ମାସରୁ ଅଧିକ ଶକ୍ତିଶାଳୀ ହେବାରେ ଲାଗିଲାଣି। ଯାହା ଭାରତ ଭଳି କୃଷି ପ୍ରଧାନ ଦେଶରେ ଫସଲ ପାଇଁ ଏକ ବଡ଼ ବିପଦ ସୃଷ୍ଟି କରିପାରେ। ବିଶ୍ୱ ପାଣିପାଗ ସଙ୍ଗଠନ, ପରେ ବ୍ରିଟେନ୍ ପାଣିପାଗ ବିଭାଗ ଚେତାବନୀ ଦେଇଛି ଯେ ପ୍ରଶାନ୍ତ ମହାସାଗରରେ ଏକ ଶକ୍ତିଶାଳୀ "ଏଲ୍ ନିନୋ" ସୃଷ୍ଟି ହେଉଛି। ଯାହା ଚଳିତ ଶତାବ୍ଦୀରେ ଜଳବାୟୁ ସହ ଜଡ଼ିତ ସବୁଠାରୁ ଗୁରୁତ୍ୱପୂର୍ଣ୍ଣ ଘଟଣାକ୍ରମ ହେବ। ଭାରତରେ ମୌସୁମୀ ଦୁର୍ବଳ ହୋଇଯିବା ମଧ୍ୟରେ, "ଏଲ୍ ନିନୋ" ଦ୍ୱାରା କୃଷି କାର୍ଯ୍ୟ ଏବଂ ଫସଲ ଉତ୍ପାଦନ ପାଇଁ ଭଲ ଖବର ନୁହେଁ। ଏହା ଦ୍ୱାରା ଫସଲ ଚକ୍ର ମଧ୍ୟ ପ୍ରଭାବିତ ହୋଇପାରେ।

"ଏଲ୍ ନିନୋ" ଭାଙ୍ଗିପାରେ ୧୦୦ ବର୍ଷର ରେକର୍ଡ଼
ବ୍ରିଟେନ୍ ପାଣିପାଗ କାର୍ଯ୍ୟାଳୟ କହିଛି ଯେ "ଏଲ୍ ନିନୋ" ଯୋଗୁଁ ପ୍ରଶାନ୍ତ ମହାସାଗରର ତାପମାତ୍ରା ୩.୯ ଡିଗ୍ରୀ ପର୍ଯ୍ୟନ୍ତ ବଢିପାରେ। ପାଣିପାଗ କାର୍ଯ୍ୟାଳୟର ଜଣେ ଅଧିକାରୀ ଆଡାମ ସ୍କାଫେନ୍ କହିଛନ୍ତି ଯେ ପ୍ରଶାନ୍ତ ମହାସାଗର ପୃଷ୍ଠ ଭାଗର ତାପମାତ୍ରାରେ ୨ ଡିଗ୍ରୀ ବୃଦ୍ଧିକୁ ମଧ୍ୟ ଏକ ଗୁରୁତ୍ୱପୂର୍ଣ୍ଣ ଘଟଣା ଭାବରେ ବିବେଚନା କରାଯାଏ। ଗତ ୨୦୧୫-୧୬ ବର୍ଷରେ, "ଏଲ୍ ନିନୋ" ଯୋଗୁଁ ସମୁଦ୍ରର ପୃଷ୍ଠ ଭାଗର ତାପମାତ୍ରା ୩ ଡିଗ୍ରୀ ପର୍ଯ୍ୟନ୍ତ ବୃଦ୍ଧି ପାଇଥିଲା। ତାପମାତ୍ରାରେ ୪ ଡିଗ୍ରୀ ବୃଦ୍ଧି ଜଳବାୟୁ ପରିବର୍ତ୍ତନ ଦୃଷ୍ଟିକୋଣରୁ ଏକ ବଡ଼ ପରିବର୍ତ୍ତନ ପ୍ରମାଣିତ ହୋଇପାରେ। ପ୍ରଶାନ୍ତ ମହାସାଗରର ପୃଷ୍ଠ ଭାଗର ତାପମାତ୍ରା ବର୍ତ୍ତମାନ ୩୦ ବର୍ଷର ହାରାହାରି ତାପମାତ୍ରା ଅପେକ୍ଷା ୨.୬ ଡିଗ୍ରୀ ବୃଦ୍ଧି ପାଇଛି।

ସବୁଠାରୁ ଗରମ ବର୍ଷ ହେବ ୨୦୨୭
ବିବିସି ରିପୋର୍ଟ ଅନୁଯାୟୀ, "ଏଲ୍ ନିନୋ" ଯୋଗୁଁ ୨୦୨୭ ସବୁଠାରୁ ଗରମ ବର୍ଷ ହୋଇପାରେ। ଏହାର ପ୍ରଭାବ ଆସନ୍ତା ବର୍ଷ ବିଶ୍ୱର ପ୍ରମୁଖ ସହରରେ ଅତ୍ୟଧିକ ତାପମାତ୍ରା ରୂପରେ ଅନୁଭୂତ ହୋଇପାରେ। ବ୍ରିଟିଶ ପାଣିପାଗ ବିଜ୍ଞାନୀ ନିକ୍ ଡନଷ୍ଟୋନ୍ କହିଛନ୍ତି ଯେ ଚଳିତ ବର୍ଷର "ସୁପର ଏଲ୍ ନିନୋ" ସମସ୍ତ ଗରମ ରେକର୍ଡ ଭାଙ୍ଗିପାରେ। ଏହା ୨୦୨୪ ପାଇଁ ଧାର୍ଯ୍ୟ ୧.୫ ଡିଗ୍ରୀ ସେଲସିୟସ୍ ଲକ୍ଷ୍ୟ ଠାରୁ ଯଥେଷ୍ଟ ଅଧିକ।

ଏହା ସହ ପଢନ୍ତୁ: ସାରା ଦେଶରେ ଛାଇ ରହିଛି ମେଘ ବାଦଲ; ହେଲେ ତଥାପି କାହିଁକି ଘାରିଛି 'ଗଡଜିଲା ଏଲ୍ ନିନୋ' ଭୟ?

ଭାରତ ଉପରେ ପ୍ରଭାବ
ଭାରତରେ ମୌସୁମୀ ଉପରେ "ଏଲ୍ ନିନୋ" ପ୍ରଭାବ ଅନୁଭୂତ ହେବା ଆରମ୍ଭ ହୋଇଯାଇଛି। ଅଗଷ୍ଟ ଆସିବା ସହିତ ମୌସୁମୀ କାର୍ଯ୍ୟକଳାପ ଧିର ହେବାକୁ ଲାଗିଛି। ଯଦିଓ ଆକାଶରେ ମେଘ ବାଦଲ ରହିଛି, ହେଲେ ଯେପରି ବର୍ଷା ହେବା କଥା ତାହା ହେଉନାହିଁ। ମୌସୁମୀ ଟ୍ରଫ୍ (), କିମ୍ବା ଇଣ୍ଡିଆନ୍ ଓସାନ୍ ଡାଇପୋଲ୍ (), ଯାହା ଉପରମୁଣ୍ଡରୁ ବର୍ଷା ଆଣେ, ତାହା ମଧ୍ୟ ସକ୍ରିୟ ହେବାରେ ବିଫଳ ହେଉଛି। ଭାରତୀୟ ପାଣିପାଗ ବିଭାଗ ମୌସୁମୀ ଋତୁର ୪ ମାସରେ ବର୍ଷା ସ୍ୱାଭାବିକ ଠାର ମାତ୍ର ୯୦% ହେବା ନେଇ ପୂର୍ବାନୁମାନ କରିଛି। ଯାହା ବିଗତ ୧୧ ବର୍ଷ ମଧ୍ୟରେ ସର୍ବନିମ୍ନ। ଘରୋଇ ପାଣିପାଗ ସଂସ୍ଥା ସ୍କାଏମେଟ୍ ୱେଦର ଏହି ବୃଷ୍ଟିପାତ ପରିମାଣକୁ ୮୫ ପ୍ରତିଶତକୁ ହ୍ରାସ କରିଛି।

ଫସଲ ଉପରେ ପ୍ରଭାବ
କୃଷି ମନ୍ତ୍ରଣାଳୟ ମଧ୍ୟ ସ୍ୱୀକାର କରିଛି ଯେ କମ ବର୍ଷା କର୍ଣ୍ଣାଟକ ସମେତ କିଛି ରାଜ୍ୟରେ ଧାନ ସମେତ ଅନେକ ଫସଲକୁ ପ୍ରଭାବିତ କରିଛି। ଜଳଭଣ୍ଡାରରେ ଜଳ ଅଭାବ ସହିତ କମିଯାଇଥିବା ବର୍ଷା, ଆସନ୍ତା ବର୍ଷ ଆରମ୍ଭରେ ଗହମ ଏବଂ ସୋରିଷ ପରି ରବି ଫସଲକୁ ପ୍ରଭାବିତ କରିପାରେ। ଆଖୁ ଫସଲ ମଧ୍ୟ ପ୍ରଭାବିତ ହୋଇପାରେ। କମ୍ ଆଖୁ ଉତ୍ପାଦନ ପୂର୍ବରୁ ଚିନି ମୂଲ୍ୟକୁ ଆକାଶଛୁଆଁ କରିସାରିଛି।

ଏହା ସହ ପଢନ୍ତୁ: ଚର୍ଚ୍ଚାରେ ୨୦୨୬ ମେ; ଭାଙ୍ଗିଲା ପୁରୁଣା ରେକର୍ଡ

କେଉଁଠି ମରୁଡ଼ି ଆଉ କେଉଁଠି ବନ୍ୟା ଆସିବା ନେଇ ଜାରି ହୋଇଛି ସତର୍କତା
"ଏଲ ନିନୋ" ପ୍ରଭାବ ଯୋଗୁଁ ବିଗତ କିଛି ଦଶନ୍ଧି ଧରି ବିଶ୍ୱ ତାପନ ଏବଂ ଜଳବାୟୁ ପରିବର୍ତ୍ତନର ପ୍ରଭାବ ଅନୁଭୂତ ହେଉଛି। ବିଶ୍ୱର ପ୍ରମୁଖ ପାଣିପାଗ ବିଜ୍ଞାନୀ ସତର୍କ କରାଇ ଦେଉଛନ୍ତି ଯେ ପାଗ ପରିବର୍ତ୍ତନ କ୍ରମଶଃ ଗୁରୁତର ହେଉଛି। କିଛି ଅଞ୍ଚଳରେ ବର୍ଷା ଅଭାବରୁ ମରୁଡ଼ି ହେଉଛି, ଯେତେବେଳେ ଅନ୍ୟ ଅଞ୍ଚଳରେ ଅତ୍ୟଧିକ ବର୍ଷା ଯୋଗୁଁ ଭୟଙ୍କର ବନ୍ୟା ହେଉଛି। ଭାରତରେ ମୌସୁମୀ ବର୍ଷା ପରିମାଣ ହ୍ରାସ ପାଇଛି ହେଲେ ଏହାର ତୀବ୍ରତା ବୃଦ୍ଧି ପାଇଛି। କେତେବେଳେ ମୌସୁମୀ ଋତୁରେ ୧୫ ଦିନ ପର୍ଯ୍ୟନ୍ତ ବର୍ଷା ହେଉ ନାହିଁ। ଆଉ କେତେବେଳେ ଗୋଟିଏ ଦିନ ପ୍ରବଳ ବର୍ଷା ହେବା ଯୋଗୁଁ ଗାଁ ଗଣ୍ଡା ସହର ବଜାରରେ ବନ୍ୟା ଭଳି ପରିସ୍ଥିତି ହେଉଛି।