West Bengal CM Suvendu Adhikari / ଖରାପ ପାଗ ଯୋଗୁଁ ମୁଖ୍ୟମନ୍ତ୍ରୀଙ୍କ ହେଲିକ୍ୟାପ୍ଟରର ଜରୁରୀକାଳୀନ ଅବତରଣ

CM Suvendu Adhikari's helicopter emergency landing: ମଙ୍ଗଳବାର (ଅଗଷ୍ଟ ୧୧) ଖରାପ ପାଗ ଯୋଗୁଁ ରାଜ୍ୟର ପୂର୍ବ ମେଦିନୀପୁର ଜିଲ୍ଲାର କୋଲାଘାଟ ଠାରେ ଜରୁରୀକାଳୀନ ଅବତରଣ କରିଛି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ଶୁଭେନ୍ଦୁ ଅଧିକାରୀଙ୍କ ହେଲିକ୍ୟାପ୍ଟର। ଏନେଇ ସ୍ଥାନୀୟ ଅଧିକାରୀଙ୍କ କହିବା ଅନୁଯାୟୀ, ମୁଖ୍ୟମନ୍ତ୍ରୀଙ୍କ ବିଭିନ୍ନ ଜିଲ୍ଲାରେ କାର୍ଯ୍ୟକ୍ରମ ସ୍ଥିର ହୋଇଥିଲା। କୋଲାଘାଟ ଠାରେ ଅବତରଣ କରିବା ପରେ, ମୁଖ୍ୟମନ୍ତ୍ରୀ ପଶ୍ଚିମ ମେଦିନୀପୁର ଜିଲ୍ଲାର କେଶପୁର ଅଭିମୁଖେ ସଡ଼କ ପଥରେ ଯାତ୍ରା କରିଥିଲେ।

ମୁଖ୍ୟମନ୍ତ୍ରୀ ଅମର ଶହୀଦ ଏବଂ କ୍ରାନ୍ତିକାରୀ ସ୍ୱାଧିନତା ସଂଗ୍ରାମୀ ଖୁଦୀରାମ ବୋଷଙ୍କ ଶ୍ରାଦ୍ଧବାର୍ଷିକୀ ପାଳନ ଉତ୍ସବରେ ଯୋଗ ଦେବା ପାଇଁ କେଶପୁର ଗସ୍ତରେ ଆସିଥିଲେ। ସେଠାରେ ଆୟୋଜିତ ହୋଇଥିବା ଏକ କାର୍ଯ୍ୟକ୍ରମରେ ଯୋଗ ଦେଇ ମୁଖ୍ୟମନ୍ତ୍ରୀ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ଏହା ପରେ, ସେ ବାଙ୍କୁଡ଼ା ଜିଲ୍ଲାରେ ଆୟୋଜିତ ଏକ ପ୍ରଶାସନିକ ବୈଠକରେ ଯୋଗ ଦେବାର କାର୍ଯ୍ୟକ୍ରମ ରହିଛି।

ଏହା ସହ ପଢନ୍ତୁ: 'ସିଏଏ ନାଗରିକତା ପ୍ରଦାନ କରୁଥିବା ଏକ ଆଇନ, ଛଡ଼ାଇବା ପାଇଁ ନୁହେଁ'

ଆଜି ସକାଳେ ରାଜଧାନୀ କୋଲକାତା ସ୍ଥିତ ନେତାଜୀ ସୁଭାଷ ଚନ୍ଦ୍ର ବୋଷ ଅନ୍ତର୍ଜାତୀୟ ବିମାନବନ୍ଦରରୁ କେଶପୁର ପାଇଁ ଉଡ଼ାଣ ଭରିବା ପୂର୍ବରୁ ମୁଖ୍ୟମନ୍ତ୍ରୀଙ୍କ ହେଲିକ୍ୟାପ୍ଟରରେ ଏକ ଯାନ୍ତ୍ରିକ ତ୍ରୁଟି ଚିହ୍ନଟ ହୋଇଥିଲା। ହେଲେ ତଥାପି ଏହି ସମସ୍ୟାର ତୁରନ୍ତ ସମାଧାନ କରାଯାଇଥିଲା। ପରେ ମୁଖ୍ୟମନ୍ତ୍ରୀ ସେହି ହେଲିକପ୍ଟ୍ୟାର ଯୋଗେ ତାଙ୍କ ଗନ୍ତବ୍ୟସ୍ଥଳ ଅଭିମୁଖେ ପ୍ରସ୍ଥାନ କରିଥିଲେ।

ମଙ୍ଗଳବାର ସକାଳୁ କେଶପୁରରେ ଅଳ୍ପ ସମୟ ପାଇଁ ବର୍ଷା ହୋଇଥିବାର ଖବର ମିଳିଛି। ଏହା ଫଳରେ ସଭାସ୍ଥଳରେ ନିର୍ମିତ ଅସ୍ଥାୟୀ ହେଲିପ୍ୟାଡ୍ ପାଣିରେ ବୁଡ଼ି ଯାଇଥିଲା। ପ୍ରତିକୂଳ ପାଗ ଯୋଗୁଁ ହେଲିକ୍ୟାପ୍ଟର କେଶପୁର ବଦଳରେ କୋଲାଘାଟ ଠାରେ ଜରୁରୀକାଳୀନ ଅବତରଣ କରିଥିଲା। ଏହା ପରେ ମୁଖ୍ୟମନ୍ତ୍ରୀଙ୍କୁ ସଡ଼କ ପଥରେ ତାଙ୍କର ଗନ୍ତବ୍ୟସ୍ଥଳ ଅଭିମୁଖେ ଯାତ୍ରା କରିବାକୁ ପଡି଼ଥିଲା।

ଖୁଦୀରାମ ବୋଷଙ୍କୁ ଶ୍ରଦ୍ଧାଞ୍ଜଳି ଦେଇଥାନ୍ତେ ମୁଖ୍ୟମନ୍ତ୍ରୀ
ମୁଖ୍ୟମନ୍ତ୍ରୀ ତାଙ୍କ ଗସ୍ତ ସମୟରେ ପଶ୍ଚିମ ମେଦିନୀପୁର ଜିଲ୍ଲାର କେଶପୁର ଯାତ୍ରା କରୁଥିଲେ। ସେଠାରେ ସେ ମହାନ ସ୍ୱାଧିନତା ସଂଗ୍ରାମୀ, ଅମର ଶହୀଦ ଖୁଦୀରାମ ବୋଷଙ୍କୁ ସମ୍ମାନରେ ଆୟୋଜିତ ହୋଇଥିବା କାର୍ଯ୍ୟକ୍ରମରେ ଯୋଗଦେବା ଏବଂ ତାଙ୍କୁ ଶ୍ରଦ୍ଧାଞ୍ଜଳି ଦେବାର କାର୍ଯ୍ୟକ୍ରମ ଥିଲା।

ଖରାପ ପାଗ ଯୋଗୁଁ ହେଲିକ୍ୟାରପ୍ଟର ଯୋଗେ ଯାତ୍ରା କରିବା ସମ୍ଭବ ହୋଇନଥିଲା। ମୁଖ୍ୟମନ୍ତ୍ରୀଙ୍କ ସୁରକ୍ଷା ଏବଂ ସମୟକୁ ଦୃଷ୍ଟିରେ ରଖି, ତାଙ୍କ ଯାତ୍ରା ମାର୍ଗ ପରିବର୍ତ୍ତନ କରାଯାଇଥିଲା। ମୁଖ୍ୟମନ୍ତ୍ରୀ ଶୁଭେନ୍ଦୁ ଅଧିକାରୀ କେଶପୁରରେ ତାଙ୍କ ନିର୍ଦ୍ଧାରିତ କାର୍ଯ୍ୟକ୍ରମରେ ଯୋଗ ଦେବା ପାଇଁ ସଡ଼କ ପଥରେ ଯାତ୍ରା କରିଥିଲେ।

ଏହା ସହ ପଢନ୍ତୁ: ଅନୁପ୍ରବେଶକାରୀଙ୍କୁ ମୁଖ୍ୟମନ୍ତ୍ରୀଙ୍କ ଚେତାବନୀ: କହିଲେ...

ବିମାନବନ୍ଦରରେ ମଧ୍ୟ ଯାନ୍ତ୍ରିକ ତ୍ରୁଟିର ସାମ୍ନା କରିଥିଲା ମୁଖ୍ୟମନ୍ତ୍ରୀଙ୍କ ହେଲିକ୍ୟାପ୍ଟର
ମୁଖ୍ୟମନ୍ତ୍ରୀ କୋଲକାତାର ନେତାଜୀ ସୁଭାଷ ଚନ୍ଦ୍ର ବୋଷ ଅନ୍ତର୍ଜାତୀୟ ବିମାନବନ୍ଦରରୁ ଯାତ୍ରା ଆରମ୍ଭ କରିବା ପୂର୍ବରୁ ହେଲିକ୍ୟାପ୍ଟରରେ ଦେଖା ଦେଇଥିବା ଯାନ୍ତ୍ରିକ ତ୍ରୁଟିକୁ ଅଧିକାରୀ ମରାମତି କରିଥିଲେ। ଏହା ପରେ ସେ ସେହି ହେଲିକ୍ୟାପ୍ଟରରେ ତାଙ୍କ ଗନ୍ତବ୍ୟସ୍ଥଳକୁ ପ୍ରସ୍ଥାନ କରିଥିଲେ।

ମଙ୍ଗଳବାର ସକାଳେ କେଶପୁରରେ ପ୍ରବଳ ବର୍ଷା ଯୋଗୁଁ କାର୍ଯ୍ୟକ୍ରମସ୍ଥଳର ଅସ୍ଥାୟୀ ହେଲିପ୍ୟାଡ ପାଣିରେ ବୁଡ଼ି ଯାଇଥିଲା। ଖରାପ ପାଗ ଯୋଗୁଁ, ମୁଖ୍ୟମନ୍ତ୍ରୀଙ୍କୁ କୋଲାଘାଟ ଠାରେ ଜରୁରୀକାଳୀନ ଅବତରଣ କରିବାକୁ ପଡି଼ଥିଲା। ଯେଉଁଠାରୁ ସେ କାର ଯୋଗେ ତାଙ୍କ ଗନ୍ତବ୍ୟସ୍ଥଳ ଅଭିମୁଖେ ଯାତ୍ରା କରିଥିଲେ।