DL New Rules / ବାରମ୍ବାର ଟ୍ରାଫିକ ନିୟମ ଭାଙ୍ଗୁଛନ୍ତି କି ? ବାତିଲ୍ ହୋଇଯିବ DL, ଆସିଲା ଅନେକ ନୂଆ ନିୟମ

ନୂଆଦିଲ୍ଲୀ: ବାରମ୍ବାର ଟ୍ରାଫିକ ନିୟମ ଭାଙ୍ଗିଲେ ବାତିଲ ହେବ ଡ୍ରାଇଭିଙ୍ଗ ଲାଇସେନ୍ସ । କେନ୍ଦ୍ର ସଡ଼କ ପରିବହନ ମନ୍ତ୍ରୀ ନୀତିନ ଗଡ଼କରୀଙ୍କ ଦେଇଛନ୍ତି ଏହି ସୂଚନା । ଟ୍ରାଫିକ ନିୟମ ପାଳନ କରୁନଥିବା ଗାଡ଼ି ଚାଳକଙ୍କ ପାଇଁ ପଏଣ୍ଟ ଆଧାରିତ କରାଯିବ ଡ୍ରାଇଭିଙ୍ଗ ଲାଇସେନ୍ସ । ଡିଏଲକୁ ପଏଣ୍ଟ ଆଧାରିତ କରିବା ଯୋଜନା ଉପରେ କେନ୍ଦ୍ର ସରକାର କାମ କରୁଛନ୍ତି । ଟ୍ରାଫିକ୍ ନିୟମ ଉଲ୍ଲଂଘନ କଲେ ଡିଏଲରେ ନେଗେଟିଭ୍ ପଏଣ୍ଟ ଯୋଡ଼ି ହେବ । ଏହାସହିତ ଗାଡି ଚାଳକ ଭଲ ବ୍ୟବହାର କଲେ ମିଳିବ ପୁରସ୍କାର ।

ବିମା କମ୍ପାନୀ ମାନେ ନିୟମ ମାନି ଗାଡି ଚଳନା କରୁଥିବା ଗାଡି ଚାଳକଙ୍କୁ ବିଭିନ୍ନ ପ୍ରକାର ଲାଭ ଦେବାକୁ ଯୋଜନା ପ୍ରସ୍ତୁତ କରାଯାଉଛି । ଦେଶରେ ଭୁଲ ଗାଡି ଚାଳନା ଯୋଗୁଁ ଦୁର୍ଘଟଣା ସଂଖ୍ୟା ବଢି ଚାଲିଛି । ବିଭିନ୍ନ କାରଣରୁ ପ୍ରତିବର୍ଷ ଦେଶରେ ୫ ଲକ୍ଷ ଦୁର୍ଘଟଣା ଘଟୁଛି । ପ୍ରତି ବର୍ଷ ଦେଶରେ ଟୁ ହ୍ବିଲର ଦୁର୍ଘଟଣାରେ ୮୧ ହଜାର ୭୮୦ ଜଣଙ୍କର ଜୀବନ ଯାଉଛି । ଯାହାକି ବିଶ୍ବରେ ଭାରତ ପ୍ରଥମ ରହିଛି । ସିଟ୍ ବେଲ୍ଟ ନପିନ୍ଧି ୧୪ ହଜାର ୪୬୬ ଜଣଙ୍କର ଦୁର୍ଘଟଣାରେ ଜୀବନ ଯାଉଛି । ହିଟ୍ ଏଣ୍ଡ ରନ୍ ଏବଂ ମଦ୍ୟପାନ କରି ଦୁର୍ଘଟଣେ ୩୪ହଜାର ଲୋକଙ୍କ ଜୀବନ ଯାଉଛି ।

ଦୁର୍ଘଟଣା ରୋକିବା ପାଇଁ କେନ୍ଦ୍ର ଏବଂ ରାଜ୍ୟ ସରକାର ଟ୍ରାଫିକ ନିୟମକୁ କଡାକଡି କରିଛନ୍ତି । ଗାଡି ଚାଳକ ଏବଂ ସାଧାରଣ ଲେୋକଙ୍କ ମଧ୍ୟରେ ସଚେତନତା ସୃଷ୍ଟି କରାଯାଉଛି । ତଥାପି ଦୁର୍ଘଟଣାରେ ରୋକ୍ ଲାଗୁ ନାହିଁ । ସେଥିପାଇଁ କେନ୍ଦ୍ର ସରକାର ଗାଡି ଚାଳକ ପାଇଁ ଏଭଳି ନିୟମ ପ୍ରସ୍ତୁତ କରିଛନ୍ତି । ସଡକ ସୁରକ୍ଷା ପାଇଁ ଦେଶରେ ୧୬୦୦ ଡ୍ରାଇଭିଂ ତାଲିମ କେନ୍ଦ୍ର ପ୍ରତିଷ୍ଠା କରାଯିବ । ସେ ମଧ୍ୟରୁ ବର୍ତ୍ତମାନ ସୁଦ୍ଧା ୧୪ଟି କେନ୍ଦ୍ର କାର୍ଯ୍ୟକ୍ଷମ ହେୋଇଥିବା ବେଳେ ୧୧୨ ଡ୍ରାଇଭିଂ ତାଲିମ କେନ୍ଦ୍ର ପ୍ରତିଷ୍ଠା ହେବାକୁ ଯାଉଛି ।

ପଢନ୍ତୁ ଏହି ଖବର: ଟ୍ୱିନ୍‌ ସିଟିରେ ଟ୍ରାଫିକ୍‌ ଜାମ୍‌ ହେବ ଶେଷ ! ରାସ୍ତା ସମ୍ପ୍ରସାରଣକୁ ମୁଖ୍ୟମନ୍ତ୍ରୀଙ୍କ ଗୁରୁତ୍ୱ

ଅନ୍ୟପଟେ ଯଦି ଆପଣ ଟ୍ରାଫିକ୍‌ ନିୟମ ଭାଙ୍ଗୁଛନ୍ତି ଏବଂ ଆପଣଙ୍କ ନାଁରେ ବାରମ୍ବାର ଚାଲାଣ କଟୁଛି, ତେବେ ଲାଇସେନ୍ସ ନବୀକରଣ କରିବା ଆଉ ସହଜ ହେବନାହିଁ । ଯେଉଁ ଚାଳକମାନଙ୍କର ଟ୍ରାଫିକ୍‌ ନିୟମ ଉଲ୍ଲଂଘନ କରିବାର ପୂରୁଣା ରେକର୍ଡ ଥିବ, ସେମାନଙ୍କୁ ଡ୍ରାଇଭିଂ ଲାଇସେନ୍ସ ରିନ୍ୟୁ କରିବା ପୂର୍ବରୁ ପୁଣିଥରେ ପ୍ରାକ୍ଟିକାଲ୍ ଡ୍ରାଇଭିଂ ଟେଷ୍ଟ୍‌ ଦେବାକୁ ପଡ଼ିବ ।