ଦିଲ୍ଲୀ ବିସ୍ଫୋରଣ ମାମଲାରେ ପ୍ରତିଦିନ ନୂଆ ନୂଆ ସୁରାକ ମିଳୁଛି । ଆଜି ପୁଣି ଆଉ ଏକ ଖବର ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛି। କୁହାଯାଉଛି ଯେ, ଉମରର ଭାଇ ଅଲ ଫଲାହରେ କିଛି ଜଣଙ୍କ ଗିରଫଦାରୀ ବାବଦରେ ଅବଗତ ଥିଲେ । ଗିରଫ ବ୍ୟକ୍ତିମାନଙ୍କ ସହ ଉମରର ଭଲ ସମ୍ପର୍କ ଥିଲା । ବିସ୍ଫୋରଣ ପର ଦିନ ଆଉ ଜଣେ ଗିରଫ ହୋଇଥିଲା । ସମସ୍ତଙ୍କୁ ଉମରର ଭାଇ ଜାଣିଥିବା ସୂଚନା ମିଳିଛି । ତେବେ ବିସ୍ଫୋରଣ ପରେ ଉମରର ଭାଇ ଡରିଯାଇଥିଲେ । ଉମରକୁ ପୋଲିସ ଖୋଜୁଥିବା ମଧ୍ୟ ସେ ଜାଣିବାକୁ ପାଇଥିଲେ । ତେଣୁ ଭୟରେ ଦୁଇଟି ଫୋନକୁ ଏକ ପୋଖରୀରେ ଫିଙ୍ଗି ଦେଇଥିଲେ । ତଦନ୍ତକାରୀ ଅଧିକାରୀ ଉଭୟ ଫୋନକୁ ଟ୍ରେସ୍ କରିବା ପାଇଁ ଚେଷ୍ଟା କରିଥିଲେ ବି ତାହା ଅଫ୍ ଆସିଥିଲା । ପରେ ଭାଇକୁ ଜେରା କରିବା ପରେ ସେ ଫୋନ ବାବଦରେ ସବୁ କଥା କହିଥିଲା ।

ମଙ୍ଗଳବାର ମୁଖ୍ୟ ଷଡଯନ୍ତ୍ରକାରୀ ଆତଙ୍କାବଦୀ ଉମର ଏକ ଭିଡିଓ ସାମ୍ନାକୁ ଆସିଥିଲା । ଯେଉଁଥିରେ ସେ ଆତ୍ମଘାତୀ ଆକ୍ରମଣକୁ ସଠିକ୍ ବୋଲି ଦର୍ଶାଇଥିଲା । ରିପୋର୍ଟ ଅନୁସାରେ, ଆକ୍ରମଣ ପୂର୍ବରୁ ନିଜ ଘର ପୁଲଓ୍ୱାମାକୁ ଯାଇଥିଲା ଉମର । ନିଜେ ସବୁ ଭିଡିଓ ରେକର୍ଡିଂ କରିବା ପରେ ଫୋନକୁ ନିଜ ଭାଇକୁ ଦେଇଥିଲା । ନଭେମ୍ବର ମାସ ଆରମ୍ଭରେ ସେ ପୁଲଓ୍ୱାମାରେ ରହିଥିଲା । କିଛି ଦିନ ରହିବା ପରେ ସେ ଫରିଦାବାଦ ସ୍ଥିତ ଅଲ ଫଲାହ ୟୁନିଭର୍ସିଟି ଆସିଯାଇଥିଲା । କିନ୍ତୁ ନିଜ ଫୋନ ଆଣିନଥିଲା । ଫୋନକୁ ସେ ତା ଭାଇକୁ ରଖିବାକୁ ଦେଇଥିଲା । ଗୋଟିଏ ନୁହେଁ ବରଂ ନିଜର ଦୁଇଟି ଫୋନକୁ ସେ ଘରେ ରଖି ଆସିଯାଇଥିଲା ବୋଲି ଜଣାପଡିଛି ।

ଏଥିସହ ପଢ଼ନ୍ତୁ: ଇସଲାମ୍ ଓ ଆତ୍ମଘାତୀ ବିସ୍ଫୋରଣ; ଦିଲ୍ଲୀ ବ୍ଲାଷ୍ଟ ପୂର୍ବରୁ ଭିଡିଓରେ କ'ଣ କହିଥିଲା ଡକ୍ଟର ଉମର

ଲାଲକିଲ୍ଲା ମେଟ୍ରୋ ବାହାରେ ଆତ୍ମଘାତୀ ବିସ୍ଫୋରଣକାରୀ ଉମର ଉନ ନବୀର ଭିଡିଓ ଭାଇରାଲ ହେଉଛି । ଭିଡିଓରେ ଅତ୍ୟନ୍ତ ଶାନ୍ତ ଭାବରେ ସେ କହୁଛି, "ଆତ୍ମଘାତୀ ଆକ୍ରମଣକୁ ନେଇ ଅନେକ ଭ୍ରମ ରହିଛି । ଯେତେବେଳେ କୌଣସି ବ୍ୟକ୍ତିକୁ ଲାଗେ କି କୌଣସି ସ୍ଥାନରେ ନିର୍ଦ୍ଦିଷ୍ଟ ସମୟରେ ସେ ମରିବାକୁ ଯାଉଛନ୍ତି ତ ତାଙ୍କ ମନରେ କ'ଣ ଚାଲିଥାଏ ।

ଏହା ମଧ୍ୟ ପଢ଼ନ୍ତୁ: ସ୍କୁଲ-କୋର୍ଟ ଉଡ଼ାଇ ଦେବାକୁ ଫୋନ୍ କଲ୍‌ରେ ଧମକ, କଡା ସୁରକ୍ଷାରେ ଦିଲ୍ଲୀ

ଦିଲ୍ଲୀ ଲାଲକିଲ୍ଲା ମେଟ୍ରୋ ବାହାରେ ହୋଇଥିବା ବିସ୍ଫୋରଣରେ ଏବେ ସୁଦ୍ଧା ୧୫ ଜଣଙ୍କ ମୃତ୍ୟୁ ହୋଇଛି । ବିସ୍ଫୋରଣରେ କାର୍‌କୁ ଉଡ଼ାଇ ଦେଇଥିବା ଅଲ୍-ଫଲାହ ବିଶ୍ଵବିଦ୍ୟାଳୟର ଡକ୍ଟର ଉମର ଉନ୍ ନବୀ ସାମିଲ୍ ଥିଲା । ସବୁଠାରୁ ବଡ କଥା ହେଉଛି ଯେ, ଯେଉଁ ଫୋନ ଉମରର ଭାଇ ପୋଖରୀକୁ ଫିଙ୍ଗି ଦେଇଥିଲା ସେହି ଫୋନକୁ ପୋଲିସ ପୋଖରୀରୁ ବାହାର କରିଥିଲେ ମଧ୍ୟ ତାହା ଖରାପ ହୋଇଯାଇଛି । ଫୋନର ମଦରବୋର୍ଡ ଖରାପ ହୋଇଯାଇଥିବା ବେଳେ ଡିସପ୍ଲେ କାମ କରୁନି । କିନ୍ତୁ କୌଣସି ମତେ ଉମରର ଭିଡିଓକୁ ରିକଭର୍ କରାଯାଇଥିବା ତଦନ୍ତକାରୀ ଅଧିକାରୀ କହିଛନ୍ତି । ତେବେ ଆଗକୁ ପୋଲିସ ହାତରେ ଆଉ କେଉଁ କେଉଁ ତଥ୍ୟ ଲାଗୁଛି ତାହା ଉପରେ ସମସ୍ତଙ୍କ ନଜର।

ଅଧିକ ପଢ଼ନ୍ତୁ ଦେଶ ଖବର: