Trump Tariff / ଭାରତ ଉପରେ ଆମେରିକା ଲଗାଇପାରେ ୧୦୦ ପ୍ରତିଶତ ଶୁଳ୍କ; ପାରିତ ହେଲା ବିଲ୍

ନୂଆଦିଲ୍ଲୀ: ଭାରତ ଉପରେ ଆମେରିକା ଲଗାଇପାରେ ୧୦୦ ପ୍ରତିଶତ ଶୁଳ୍କ । ଆମେରିକା ହାଉସ ଅଫ ରିପ୍ରେଜେନଟେଟିଭ ଏକ ଏହି ଟାରିଫ ବିଲକୁ ଆଗକୁ ବଢ଼ାଇଛି । ଏହି ବିଲ୍ ଅନୁଯାୟୀ, ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍‌ଙ୍କୁ ଋଷଠାରୁ ତେଲ ଏବଂ ଗ୍ୟାସ୍ କ୍ରୟ କରୁଥିବା ଭାରତ ଓ ଅନ୍ୟାନ୍ୟ ଦେଶ ଉପରେ ୧୦୦ ପ୍ରତିଶତ ପର୍ଯ୍ୟନ୍ତ ଶୁଳ୍କ ଲଗାଇବା ପାଇଁ ଅଧିକାର ଦିଆଯିବ । ଏହି ବିଲ୍ ଉପରେ ଚୂଡ଼ାନ୍ତ ଭୋଟ୍ ହୋଇସାରିଛି । ଏହାର ସପକ୍ଷରେ ୨୬୨ ଏବଂ ବିପକ୍ଷରେ ୧୫୯ ଭୋଟ ପଡ଼ିଛି । ଏହି ବିଲ୍ ପୂର୍ବରୁ ସେନେଟ୍ ଉଚ୍ଚ ସଦନରେ ୮୬-୧୧ରେ ପାରିତ ହୋଇସାରିଛି।

ଋଷଠାରୁ ତେଲ କିଣା ଉପରେ ଅଙ୍କୁଶ ଲଗାଇବାକୁ ଏକ ବିଲ ପାରିତ କରିଛି ଆମେରିକା କଂଗ୍ରେସ । ଉଭୟ ଗୃହରେ ବିଲ ପାସ ହେବା ପରେ ଏହା ଏବେ ରାଷ୍ଟ୍ରପତି ଟ୍ରମ୍ପଙ୍କ ମୋହରକୁ ଅପେକ୍ଷା । ଏହି ବିଲ ଦ୍ବାରା ଋଷଠାରୁ ଶକ୍ତି କ୍ରୟ କରୁଥିବା ଦେଶଗୁଡ଼ିକ ଉପରେ ୧୦୦ ପ୍ରତିଶତ ପର୍ଯ୍ୟନ୍ତ ଶୁଳ୍କ ଲଗାଇବା ପାଇଁ ରାଷ୍ଟ୍ରପତି ଟ୍ରମ୍ପଙ୍କୁ କ୍ଷମତା ଦେବାକୁ ଲକ୍ଷ୍ୟ ରଖାଯାଇଛି । ଆମେରିକା ଟାର୍ଗେଟରେ ଥିବା ଦେଶ ତାଲିକା ମଧ୍ୟରେ ଭାରତ ଓ ଚୀନ ରହିଛି । ଏହି ବିଲ୍‌କୁ ‘ଲିଣ୍ଡସେ ଓ. ଗ୍ରାହାମ୍ ସାଙ୍କସନିଂ ଏସିଆ ଆଣ୍ଡ ଇରାନ ଆକ୍ଟ-୨୦୨୬’ର ଋଷିଆ ଏବଂ ଇରାନକୁ ସୀମିତ କରିବା ଆଇନ କୁହାଯାଉଛି ।

• କେଉଁ ଦେଶ ଉପରେ ଲାଗିବ ୧୦୦% ଶୁଳ୍କ ?

ବର୍ତ୍ତମାନ ଆଇନରେ ପରିଣତ ହେବା ପାଇଁ ରାଷ୍ଟ୍ରପତି ଡୋନାଲଡ୍ ଟ୍ରମ୍ପଙ୍କ ନିକଟକୁ ଯାଇଛି ବିଲ । ଟ୍ରମ୍ପଙ୍କ ମୋହର ପରେ ଏହି ବିଲ୍ ଆଇନରେ ପରିଣତ ହେବ । ବିଲ୍‌ରେ ସ୍ପଷ୍ଟ ଭାବେ ଶହେ ପ୍ରତିଶତ ଶୁଳ୍କ ଲାଗୁ ପାଇଁ ୧୦ଟି ଦେଶର ନାମ ଉଲ୍ଲେଖ କରାଯାଇଛି । ଏହି ତାଲିକାରେ ଚୀନ୍, ଭାରତ, ୟୁଏଇ, ତୁର୍କୀ, ସିଙ୍ଗାପୁର, ଆଜରବୈଜାନ, କାଜାଖସ୍ତାନ, ହଙ୍ଗେରୀ, କିର୍ଗିଜସ୍ତାନ ଏବଂ ଶ୍ଲୋଭାକିଆ ସାମିଲ କରାଯାଇଛି ।

ପଢନ୍ତୁ ଏହି ଖବର: ପ୍ରଥମଥର ମାନିଲା ଆମେରିକା; ମହାକାଶରେ ମୁତୟନ କରିଛି ‘On-orbit Space Control Weapons'

• 'ଋଷର ଯୁଦ୍ଧ କ୍ଷମତା ଦୁର୍ବଳ ହେବ'

ଆମେରିକୀୟ ସାଂସଦ ମାଇକଲ୍ ମ୍ୟାକକଲ୍ ଦାବି କରିଛନ୍ତି ଯେ ଏହି ବିଲ୍ ଋଷର ଯୁଦ୍ଧ କ୍ଷମତାକୁ ଦୁର୍ବଳ କରିବ ଏବଂ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ଆଲୋଚନା ଟେବୁଲକୁ ଆଣିବାକୁ ବାଧ୍ୟ କରିବ । ସେ କହିଛନ୍ତି ଯେ ଏହି ବିଲ୍ ଋଷ, ଚୀନ୍ ଏବଂ ଇରାନ ଉପରେ ଚାପ ବୃଦ୍ଧି କରିବା ପାଇଁ ଲକ୍ଷ୍ୟ ରଖିଛି । ମ୍ୟାକକଲ୍ ସ୍ୱର୍ଗତ ସେନେଟର ଲିଣ୍ଡସେ ଗ୍ରାହାମଙ୍କ ଏକ ଉକ୍ତିକୁ ମନେ ପକାଇଥିଲେ, ଯେଉଁଥିରେ ସେ କହିଥିଲେ ଯେ 'ସେ ଯୁଦ୍ଧ ସମାପ୍ତ କରିବାର ଏକ ଫର୍ମୁଲା ପାଇବା ବିଷୟରେ ପୂର୍ବ ଅପେକ୍ଷା ଅଧିକ ଆଶାବାଦୀ' ।