BJP vs TMC / ବଙ୍ଗ, ବାଙ୍ଗଲା ନା ବଙ୍ଗାଲ… ରାଜ୍ୟର ନାଁକୁ ନେଇ ତେଜିଲା ରାଜନୀତି

କୋଲକାତା: ନାଁକୁ ନେଇ ବିବାଦ । ଆରମ୍ଭ ହେଲା ରାଜନୈତିକ ଝଡ଼ । ୱେଷ୍ଟ ବେଙ୍ଗାଲ (ପଶ୍ଚିମ ବଙ୍ଗ)ର ନାଁକୁ ନେଇ ସୃଷ୍ଟି ହୋଇଛି ନୂଆ ରାଜନୈତିକ ଝଡ଼ । ରାଜ୍ୟ ବିଜେପି ସଭାପତି ଶମିକ ଭଟ୍ଟାଚାର୍ଯ୍ୟ ରାଜ୍ୟର ନାଁ 'ପଶ୍ଚିମ ବଙ୍ଗ' କରିବାକୁ ପ୍ରସ୍ତାବ ଦେଇଛନ୍ତି । ଆଉ ବିଧାନସଭା ଅଧିବେଶନରେ ବିଧେୟକ ଆଣିବା କଥା କହିଛନ୍ତି ।

ରାଜ୍ୟ ବିଜେପି ସଭାପତି ଶମିକ ଭଟ୍ଟାଚାର୍ଯ୍ୟ କହିଛନ୍ତି, "ରାଜ୍ୟର ନାଁ 'ବଙ୍ଗ' କିମ୍ବା 'ବଙ୍ଗାଲ' ନୁହେଁ ବରଂ 'ପଶ୍ଚିମ ବଙ୍ଗ' କରାଯିବ । ସେ ଦାବି କରିଛନ୍ତି ଯେ, ବିଜେପି ସରକାର ବିଧାନସଭା ଅଧିବେଶନରେ ଏନେଇ ବିଧେୟକ ଆଣିବ । ଯାହାକୁ ତୃଣମୂଳ କଂଗ୍ରେସ (TMC) ନେତା କୁଣାଲ ଘୋଷ ବିରୋଧ କରିବା ସହ ରାଜ୍ୟର ନାଁ 'ବାଙ୍ଗଲା' ରଖିବାକୁ ଦାବି କରିଛନ୍ତି ।

ଏଥିସହ ପଢ଼ନ୍ତୁ: ବାଲାଟ ଭୋଟ୍‌ରେ କଂଗ୍ରେସକୁ ଝଟ୍‌କା; ଦଳକୁ ମାତ୍ର ୨ ଆସନ, ୩୨ ଆସନରେ ଜିତିଲା ବିଜେପି 

ଶମିକ ଭଟ୍ଟାଚାର୍ଯ୍ୟ କହିଛନ୍ତି, "ଏବେ ବଙ୍ଗ କି ବଙ୍ଗାଲ ନୁହେଁ, ରାଜ୍ୟର ନାଁ ପଶ୍ଚିମ ବଙ୍ଗ ହେବ । ଶୀଘ୍ର ହିଁ ସରକାର ବିଧାନସଭାରେ ଏନେଇ ବିଲ୍ ଆଣିବେ । ଯେମିତି ରାଜ୍ୟର ନାଁ ଆମ ଇତିହାସ ସହ ମେଳ ଖାଇବା ସହ ସେହି ନାମରେ ପରିଚିତ ହେବ । ଏଥିପାଇଁ ରାଜ୍ୟର ନାଁ ପଶ୍ଚିମ ବଙ୍ଗ ହେବାକୁ ଯାଉଛି ।"

TMCର ବିରୋଧ

ତେବେ ବିଜେପିର ପ୍ରସ୍ତାବକୁ ନେଇ ଟିଏମ୍‌ସି ପ୍ରଶ୍ନ ଉଠାଇଛି । ଟିଏମ୍‌ସି ନେତା କୁଣାଲ ଘୋଷଣ କହିଛନ୍ତି, "ରାଜ୍ୟର ନାଁ 'ବାଙ୍ଗଲା ରଖାଯିବା ଉଚିତ୍ । ନିର୍ବାଚନ ସମୟରେ 'ସୋନାର ବାଙ୍ଗଲା' କାହିଁକି କହିଥିଲେ ? ଯଦି 'ପଶ୍ଚିମ ବଙ୍ଗାଲ' ହେବ, ତାହେଲେ 'ପୂର୍ବ ବଙ୍ଗାଲ' ମଧ୍ୟ ହେବା ଦରକାର । କିନ୍ତୁ ଏବେ ତ 'ପୂର୍ବ ବଙ୍ଗାଲ'ର ଅସ୍ତିତ୍ଵ ହିଁ ନାହିଁ ।"

ଏହା ପୂର୍ବରୁ ଶମିକ ଭଟ୍ଟାଚାର୍ଯ୍ୟ ଏହି ପ୍ରସଙ୍ଗ ରାଜ୍ୟସଭାରେ ଉଠାଇଥିଲେ । କହିଥିଲେ, "ରାଜ୍ୟର ନାଁ ପଶ୍ଚିମବଙ୍ଗ ସମସ୍ତ ଭାଷାରେ ଲେଖାଯିବା ଉଚିତ୍ ।" ତେବେ ଏହି ଦାବି କେବଳ ଶମିକ ଭଟ୍ଟାଚାର୍ଯ୍ୟ କିମ୍ବା ଶୁଭେନ୍ଦୁ ଅଧିକାରୀଙ୍କର ନୁହେଁ । ଏହା ପୂର୍ବରୁ ଡକ୍ଟର ଶ୍ୟାମ ପ୍ରସାଦ ମୁଖାର୍ଜୀ ଓ ଦେବପ୍ରସାଦ ଘୋଷ ମଧ୍ୟ ସମାନ ଦାବି କରିଥିବା କହିଛନ୍ତି ଶମିକ ଭଟ୍ଟାଚାର୍ଯ୍ୟ ।

ସେ ଆହୁରି କହିଛନ୍ତି, "ଅଞ୍ଚଳରେ ସମସ୍ତେ ଅଙ୍ଗ, ବଙ୍ଗ ଓ କଳିଙ୍ଗ ସହ ପରିଚିତ । ଯେବେ ୧୯୪୭ ଜୁନ୍ ୨୦ରେ ୱେଷ୍ଟ ବେଙ୍ଗାଲ୍ ରାଜ୍ୟ ଗଠନ ହୋଇଥିଲା । ସେତେବେଳେ କଂଗ୍ରେସ ଦଳର ହିନ୍ଦୁ ବିଧାୟକ ମଧ୍ୟ ଏହା ସପକ୍ଷରେ ଭୋଟ୍ ଦେଇଥିବା ଇତିହାସ ରହିଛି ।"

ଏଥିସହ ପଢ଼ନ୍ତୁ: ଉପନିର୍ବାଚନ ମତଦାନ ବେଳେ ହଙ୍ଗାମା; AJUP ମୁଖ୍ୟ ହୁମାୟୁଁ କବୀରକୁ ହେପାଜତକୁ ନେଲା ପୋଲିସ 

ରାଜ୍ୟର ନାଁ ପଶ୍ଚିମ ବଙ୍ଗ ଉଭୟ ବଙ୍ଗାଳି ଓ ଇଂରାଜୀରେ ରହିବ । ଏଥିପାଇଁ ସରକାର ବିଲ୍ ଆଣିବାକୁ ଯାଉଛନ୍ତି ବୋଲି ରାଜ୍ୟ ବିଜେପି ସଭାପତି ଶମିକ ଭଟ୍ଟାଚାର୍ଯ୍ୟ ମଙ୍ଗଳବାର ଗଣମାଧ୍ୟମକୁ କହିଛନ୍ତି ।

ଟିଏମସି ସରକାର ସମୟରେ ମୁଖ୍ୟମନ୍ତ୍ରୀ ମମତା ବାନାର୍ଜୀ ରାଜ୍ୟର ନାଁ ୱେଷ୍ଟ ବେଙ୍ଗାଲରୁ ବେଙ୍ଗାଲ କରିବା ପାଇଁ ଚେଷ୍ଟା କରିଥିଲେ । ସେତେବେଳେ ରାଜ୍ୟ ବିଧାନସଭାରେ ମଧ୍ୟ ଉକ୍ତ ବିଲ୍‌କୁ ଟିଏମ୍‌ସି ସରକାର ପାରିତ କରିଥିଲା । କିନ୍ତୁ ଏହାକୁ ମଞ୍ଜୁର କରି ନଥିଲେ କେନ୍ଦ୍ର ସରକାର । ଏବେ ରାଜ୍ୟରେ ବିଜେପି ସରକାର ହେବା ପରେ ପୁଣି ଥରେ ନାଁ ପରିବର୍ତ୍ତନ ପାଇଁ ପ୍ରୟାସ ଆରମ୍ଭ ହୋଇଛି ।