West Bengal Name Changed / ପରିବର୍ତ୍ତନ ହେବ ପଶ୍ଚିମବଙ୍ଗ ନାମ; ଖୁବ୍ ଶୀଘ୍ର ବିଧାନସଭାରେ ଆଗତ ହେବ ବିଲ୍

ପରିବର୍ତ୍ତନ ହେବ "ପଶ୍ଚିମବଙ୍ଗ" ନାମ। ରାଜ୍ୟ ସରକାର ଖୁବ୍ ଶୀଘ୍ର ରାଜ୍ୟର ନାମ "ପଶ୍ଚିମ ବଙ୍ଗ" କରିବା ପାଇଁ ବିଧାନସଭାରେ ଏକ ବିଲ୍ ଆଗତ କରିବେ। ପଶ୍ଚିମବଙ୍ଗ ବିଜେପି ସଭାପତି ସମିକ ଭଟ୍ଟାଚାର୍ଯ୍ୟ ସୋମବାର (୫ ଅକ୍ଟୋବର) ଏ ସମ୍ପର୍କରେ ସୂଚନା ଦେଇଛନ୍ତି। ଉତ୍ତର ପ୍ରଦେଶ ବାରାଣସୀ ଠାରେ "ପଶ୍ଚିମ ବଙ୍ଗ ଭବନ" (Paschim Banga Bhawan) ନିର୍ମାଣ ପ୍ରସ୍ତାବ ସମ୍ପର୍କରେ ଏକ ସାମ୍ବାଦିକ ସମ୍ମିଳନୀରେ, ଏକ ପ୍ରଶ୍ନର ଉତ୍ତର ଦେଇ ସେ କହିଛନ୍ତି ଯେ ରାଜ୍ୟକୁ "ପଶ୍ଚିମ ବଙ୍ଗ" ବୋଲି କହିବାର ନିଷ୍ପତ୍ତି ଏହାର ଇତିହାସ ସହିତ ଯୋଡ଼ିବା ପାଇଁ ନିଆଯାଇଛି।

ସରକାର ଆଗତ କରିବେ ଏକ ବିଲ୍
ପଶ୍ଚିମବଙ୍ଗ ବିଜେପି ସଭାପତି କହିଛନ୍ତି, "ଏବେ ଆପଣଙ୍କୁ ଆଉ "ବାଂଲା" (Bangla) କିମ୍ବା "ୱେଷ୍ଟ ବେଙ୍ଗଲ୍" (West Bengal) ଭଳି ନାମ ବ୍ୟବହାର କରିବାକୁ ପଡ଼ିବ ନାହିଁ। କାରଣ ରାଜ୍ୟ ସରକାର ଖୁବ୍ ଶୀଘ୍ର ବିଧାନସଭାର ଏହି ଅଧିବେଶନରେ ଆମ ରାଜ୍ୟର ନାମ "ପଶ୍ଚିମ ବଙ୍ଗ" (Paschim Banga) କରିବା ପାଇଁ ଏକ ବିଲ୍ ଆଗତ କରିବେ। ଯାହା ଏହାର ଇତିହାସ ସହିତ ସଙ୍ଗତ ହେବ।"

ଏହା ସହ ପଢନ୍ତୁ: ଉପନିର୍ବାଚନକୁ ନେଇ ଚ୍ୟାଲେଞ୍ଜ ଦେଲେ ମୁଖ୍ୟମନ୍ତ୍ରୀ; କହିଲେ 'କାହା ସହିତ ଅଛ ତାହା ପ୍ରମାଣ କରି ଦେଖାଅ'

ରାଜ୍ୟର ନାମ ପରିବର୍ତ୍ତନ କରିବା ପାଇଁ ଦଶନ୍ଧି ଧରି ଜାରି ରହିଛି ପ୍ରୟାସ
ଗତ ୧୯୯୯ ମସିହାରୁ ପଶ୍ଚିମବଙ୍ଗର ନାମ ପରିବର୍ତ୍ତନ ପାଇଁ ପ୍ରୟାସ ଜାରି ରହିଛି। ସେତେବେଳର ତତ୍କାଳୀନ ମୁଖ୍ୟମନ୍ତ୍ରୀ ଜ୍ୟୋତି ବସୁଙ୍କ ନେତୃତ୍ୱାଧିନ ବାମ ମୋର୍ଚ୍ଚା ସରକାର ରାଜ୍ୟର ନାମ "ପଶ୍ଚିମ ବଙ୍ଗ" ରଖିବା ପାଇଁ ଏକ ପ୍ରସ୍ତାବ ଆଗତ କରିଥିଲେ। ଏହି ପ୍ରସ୍ତାବ ରାଜ୍ୟକୁ "ବାଂଲା" ନାମ ଦେବା ଉଚିତ ହେବ ନାହିଁ ସେ ବିଷୟରେ ବିତର୍କ ହୋଇଥିଲା। ବାମ ମୋର୍ଚ୍ଚା ସରକାର ଶେଷରେ ସେହି ପରାମର୍ଶକୁ ଗ୍ରହଣ କରି କେନ୍ଦ୍ର ସରକାରଙ୍କୁ ଏକ ପ୍ରସ୍ତାବ ପଠାଇଥିଲେ। ବାମ ମୋର୍ଚ୍ଚା ସରକାରଙ୍କ ମୁଖ୍ୟ ଯୁକ୍ତି ଏହା ଥିଲା ଯେ, ଉପନିବେଶବାଦୀ ଯୁଗର ନାମକୁ ବାଦ ଦେଇ ରାଜ୍ୟକୁ ଏହାର ବଙ୍ଗୀୟ ପରିଚୟ ପ୍ରତିଫଳିତ କରୁଥିବା ଏକ ନାମ ଦେବା ଆବଶ୍ୟକ। ଯଦିଓ ଏହି ପ୍ରକ୍ରିୟା ରାଜନୈତିକ ସହମତି ସୃଷ୍ଟି କରିବାରେ ଏବଂ କେନ୍ଦ୍ର ସରକାରଙ୍କ ଅନୁମୋଦନ ପାଇବାରେ ବିଫଳ ହୋଇଥିଲା।

ଗତ ୨୦୧୧ ରେ ମମତା ବାନାର୍ଜୀଙ୍କ ନେତୃତ୍ୱାଧିନ ଟିଏମସି ସରକାର କ୍ଷମତାକୁ ଆସିବା ପରେ ଏହି ପ୍ରସଙ୍ଗ ପୁନର୍ବାର ଉଠିଥିଲା। ଟିଏମସି ସରକାର ପ୍ରଥମେ "ପଶ୍ଚିମ ବଙ୍ଗ" ପ୍ରସ୍ତାବ ଦେଇଥିଲେ। ଏନେଇ ସରକାର ଯୁକ୍ତି ଦର୍ଶାଇଥିଲେ ଯେ ଇଂରାଜୀ ବର୍ଣ୍ଣମାଳା ତାଲିକା ଅନୁସାରେ ରାଜ୍ୟର ସ୍ଥାନ ନିମ୍ନ ରହିଥିବାରୁ, ରାଜ୍ୟ ସରକାରଙ୍କ ପ୍ରତିନିଧିଙ୍କୁ ପ୍ରାୟତଃ ଜାତୀୟ ବୈଠକରେ କହିବା ପାଇଁ ଅପେକ୍ଷା କରିବାକୁ ପଡୁଥିଲା। ଯାହା ଦ୍ୱାରା ପ୍ରଶାସନିକ କ୍ଷତି ହେଉଥିଲା। ଗତ ୨୦୧୧ ରେ ଏକ ସର୍ବଦଳୀୟ ବୈଠକରେ ଏହି ପ୍ରସ୍ତାବକୁ ସମର୍ଥନ କରାଯାଇଥିଲା। ହେଲେ କେନ୍ଦ୍ରରେ କ୍ଷମତାସୀନ ତତ୍କାଳୀନ କଂଗ୍ରେସ ନେତୃତ୍ୱାଧିନ ୟୁପିଏ ସରକାର ଏହି ପ୍ରସ୍ତାବକୁ ଅନୁମୋଦନ କରିନଥିଲେ।

ଏହା ସହ ପଢନ୍ତୁ: 'ସିଏଏ ନାଗରିକତା ପ୍ରଦାନ କରୁଥିବା ଏକ ଆଇନ, ଛଡ଼ାଇବା ପାଇଁ ନୁହେଁ'

ଗତ ୨୦୧୬ ରେ ସରକାର ତିନୋଟି ନାମ ସହିତ ପ୍ରକ୍ରିୟାକୁ ପୁନର୍ବାର ଆରମ୍ଭ କରାଯାଇଥିଲା। ରାଜ୍ୟର ନାମ ବଙ୍ଗଳାରେ "ବାଂଲା" (""বাংলা"" Bangla in Bengali), ଇଂରାଜୀରେ "ବଙ୍ଗାଲ" (Bengal in English) ଏବଂ ହିନ୍ଦୀରେ "ବଙ୍ଗାଲ" ("बंगाल" Bengal in Hindi) ଏବଂ ଗତ ୨୦୧୮ ରେ ବିଧାନସଭା ସର୍ବସମ୍ମତିକ୍ରମେ "ବାଂଲା" (Bangla) କୁ ଏକମାତ୍ର ନାମ କରିବା ପାଇଁ ଏକ ପ୍ରସ୍ତାବ ଗୃହୀତ କରିଥିଲା। "ବାଂଲା" ଏବଂ ବାଂଲାଦେଶ (Bangladesh) ନାମ ମଧ୍ୟରେ ସମାନତା ରହିଥିବାରୁ ଏକ ସାମ୍ବିଧାନିକ ସଂଶୋଧନର ଆବଶ୍ୟକତା ଦର୍ଶାଇ କେନ୍ଦ୍ର ସରକାର ସେତେବେଳେ ଏହାକୁ ଅନୁମୋଦନ କରିନଥିଲେ।