ମଧ୍ୟପ୍ରାଚ୍ୟ ଯୁଦ୍ଧ ଭିତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୫ଟି ପ୍ରମୁଖ ଦେଶକୁ ଗସ୍ତ କରିଛନ୍ତି, ଯାହା ଉପରେ ପୁରା ବିଶ୍ଵର ନଜର । ପ୍ରଥମ ପର୍ଯ୍ୟାୟରେ ୟୁଏଇ ଗସ୍ତ କରିଥିଲେ ମୋଦି । ଏହାପରେ ଦ୍ଵିତୀୟ ପର୍ଯ୍ୟାୟରେ ପ୍ରଧାନମନ୍ତ୍ରୀ ନିଜର ନେଦରଲ୍ୟାଣ୍ଡ ଗସ୍ତ ସଫଳତାର ସହ ଶେଷ କରିଛନ୍ତି । ଏବେ ମୋଦି ଆଜି ଓ ଆସନ୍ତାକାଲି ଦୁଇ ଦିନିଆ ସ୍ଵିଡେନ ଗସ୍ତରେ ଅଛନ୍ତି । ୟୁଏଇରେ ପ୍ରତିରକ୍ଷା, ପେଟ୍ରୋଲିୟମ ନେଇ ଚୁକ୍ତି ହୋଇଛି । ନେଦରଲ୍ୟାଣ୍ଡସରେ ସେମିକଣ୍ଡକ୍ଟର, ଗ୍ରୀନ୍ ହାଇଡ୍ରୋଜେନ ନେଇ MOU ହୋଇଛି । ମେ ୧୫ ତାରିଖରୁ ବିଦେଶ ଗସ୍ତ ଆରମ୍ଭ କରିଥିବାବେଳେ ମେ ୨୦ ତାରିଖରେ ଗସ୍ତ ଶେଷ ହେବ । ଆଉ ଦୁଇ ଦିନରେ ମୋଦି ନରୱେ ଏବଂ ଇଟାଲୀ ଗସ୍ତ କରିବେ ।

ଆମେରିକା ଓ ଇରାନ ଯୁଦ୍ଧ ନେଇ ସାରା ବିଶ୍ବରେ ଉତ୍ତେଜନା ବେଳେ ପିଏମ ମୋଦିଙ୍କ ପାଞ୍ଚ ଦେଶକୁ କୂଟନୈତିକ ଗସ୍ତ ବେଶ ଗୁରୁତ୍ବ ରଖୁଛି । ୟୁଏଇରେ ପିଏମ ମୋଦିଙ୍କ ଗସ୍ତ ବେଳେ ଦୁଇ ଦେଶ ମଧ୍ୟରେ ପ୍ରତିରକ୍ଷା ସହଯୋଗ, ପେଟ୍ରୋଲିୟମ ଏବଂ ଏଲପିଜି ଯୋଗାଣକୁ ନେଇ ଗୁରୁତ୍ୱପୂର୍ଣ୍ଣ ଚୁକ୍ତି ସ୍ଵାକ୍ଷରିତ ହୋଇଛି । ସେହିପରି ନେଦରଲ୍ୟାଣ୍ଡସରେ ଦୁଇ ଦେଶ ମଧ୍ୟରେ ସେମିକଣ୍ଡକ୍ଟର, ଗ୍ରୀନ୍ ହାଇଡ୍ରୋଜେନ, ପ୍ରତିରକ୍ଷା ଏବଂ ଜଳ ପରିଚାଳନା କ୍ଷେତ୍ରରେ ମିଳିତ ଭାବେ କାମ କରିବାକୁ ରୋଡମାପ୍ ପ୍ରସ୍ତୁତ କରାଯାଇଛି ।

• ଶକ୍ତି ସଙ୍କଟ ଦୂର କରିବ ମୋଦୀଙ୍କ ରଣନୀତି

ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ୟୁଏଇ (UAE) ଗସ୍ତ ଭାରତର ଶକ୍ତି ସଙ୍କଟ ସମାଧାନ ଦିଗରେ ଏକ ବଡ଼ ସଫଳତା ଆଣିଦେଇଛି । ଏହି ଗସ୍ତ ସମୟରେ ଭାରତୀୟ ଷ୍ଟ୍ରାଟେଜିକ୍ ପେଟ୍ରୋଲିୟମ୍ ରିଜର୍ଭ ଲିମିଟେଡ୍ (ISPRL) ଏବଂ ଆବୁଧାବି ନ୍ୟାସନାଲ୍ ଅଏଲ୍ କମ୍ପାନୀ (ADNOC) ମଧ୍ୟରେ ଏକ ଗୁରୁତ୍ୱପୂର୍ଣ୍ଣ ଚୁକ୍ତି ସ୍ଵାକ୍ଷରିତ ହୋଇଛି । ଏହା ଅଧୀନରେ ୟୁଏଇ ଭାରତର ଭୂତଳ ତୈଳ ଭଣ୍ଡାରରେ ୩ କୋଟି ବ୍ୟାରେଲ୍ ପର୍ଯ୍ୟନ୍ତ ଅଶୋଧିତ ତୈଳ ଗଚ୍ଛିତ କରିବ ।

Economische samenwerking is een belangrijke pijler van de vriendschap tussen India en Nederland. De vrijhandelsovereenkomst tussen India en de EU biedt oneindige mogelijkheden. Er is enorm veel ruimte voor samenwerking op het gebied van fintech, kritieke mineralen, halfgeleiders,… pic.twitter.com/IQxBFrdClL

— Narendra Modi (@narendramodi) May 16, 2026

ବିଶ୍ଵ ବଜାରରେ ଯୁଦ୍ଧ କିମ୍ବା ଅନ୍ୟ କୌଣସି କାରଣରୁ ତୈଳ ଯୋଗାଣ ବାଧାପ୍ରାପ୍ତ ହେଲେ, ଏହି ଗଚ୍ଛିତ ତେଲ ଭାରତର ଶକ୍ତି ସୁରକ୍ଷାକୁ ସୁନିଶ୍ଚିତ କରିବ । ଏହା ସହିତ ଦୁଇ ଦେଶ ମଧ୍ୟରେ ଦୀର୍ଘକାଳୀନ ଏଲ୍‌ପିଜି (LPG) ଯୋଗାଣ ଏବଂ ଗ୍ୟାସ୍ ରିଜର୍ଭ ପ୍ରତିଷ୍ଠା ପାଇଁ ମଧ୍ୟ ସହମତି ପ୍ରକାଶ ପାଇଛି, ଯାହା ଭାରତର ସାଧାରଣ ଗ୍ରାହକ ଓ ଶିଳ୍ପ ଜଗତର ଶକ୍ତି ଆବଶ୍ୟକତାକୁ ସହଜରେ ପୂରଣ କରିବାରେ ସାହାଯ୍ୟ କରିବ ।

• ସେମିକଣ୍ଡକ୍ଟର କ୍ଷେତ୍ରରେ ଚୁକ୍ତିନାମା

ଭାରତ ଓ ନେଦରଲ୍ୟାଣ୍ଡ ମଧ୍ୟରେ ସେମିକଣ୍ଡକ୍ଟର ଏବଂ କ୍ରିଟିକାଲ ମିନେରାଲ୍ସ କ୍ଷେତ୍ରରେ ବଡ଼ ଚୁକ୍ତିନାମା ସ୍ଵାକ୍ଷର ହୋଇଛି । କେବଳ ସେତିକି ନୁହେଁ, ଜଳ ପରିଚାଳନା କ୍ଷେତ୍ରରେ ନେଦରଲ୍ୟାଣ୍ଡର ଜ୍ଞାନକୌଶଳକୁ ଭାରତରେ ଉପଯୋଗ କରାଯିବ । ଗୁଜରାଟର କଳ୍ପସର ପ୍ରୋଜେକ୍ଟ ପାଇଁ ଡଚ୍ ପ୍ରଯୁକ୍ତିବିଦ୍ୟାର ସହାୟତା ନିଆଯିବ ବୋଲି ବୈଦେଶିକ ମନ୍ତ୍ରାଳୟ ପକ୍ଷରୁ ସୂଚନା ମିଳିଛି । ଗସ୍ତର ଶେଷ ଭାଗରେ ପିଏମ ମୋଦି ଡଚ୍ ପ୍ରଧାନମନ୍ତ୍ରୀ ରବ୍ ଜେଟେନଙ୍କ ସହ ନେଦରଲ୍ୟାଣ୍ଡର ପ୍ରସିଦ୍ଧ 'ଆଫସଲୁଇଟଡିଜକ ଡ୍ୟାମ ପରିଦର୍ଶନ କରିଥିଲେ । ଜଳ ପରିଚାଳନା ଓ ବନ୍ୟା ନିୟନ୍ତ୍ରଣର ଅତ୍ୟାଧୁନିକ ଜ୍ଞାନକୌଶଳ ବିଷୟରେ କରିଥିଲେ ସମୀକ୍ଷା ।

Dessa resultat kommer att ge ny energi och momentum till relationerna mellan Indien och Sverige. Och jag är övertygad om att partnerskapet mellan Indien och Sverige kommer att bidra meningsfullt till att bygga en mer välmående och framåtblickande planet. https://t.co/2YBSaTgyyT

— Narendra Modi (@narendramodi) May 18, 2026

• ନେଦରଲ୍ୟାଣ୍ଡରୁ ଫେରିବ 'ଚୋଳ ତାମ୍ରଫଳକ’

୧୧ଶ ଶତାବ୍ଦୀର ଚୋଳ ସାମ୍ରାଜ୍ୟ ସମୟର ପ୍ରସିଦ୍ଧ ‘ଚୋଳ ତାମ୍ରଫଳକ’ ଖୁବଶୀଘ୍ର ନେଦରଲ୍ୟାଣ୍ଡରୁ ଭାରତକୁ ପ୍ରତ୍ୟାବର୍ତ୍ତନ ହେବ । ଡଚ୍ ପ୍ରଧାନମନ୍ତ୍ରୀ ରବ୍ ଜେଟେନଙ୍କ ଉପସ୍ଥିତିରେ ଆୟୋଜିତ ଏକ ସ୍ୱତନ୍ତ୍ର ହସ୍ତାନ୍ତର ସମାରୋହରେ ଚୁକ୍ତି ସ୍ବାକ୍ଷରିତ ହୋଇଛି । ଏହି ଚୋଳ ତାମ୍ରଫଳକ ସେଟ୍‌ରେ ୨୧ଟି ବଡ଼ ଏବଂ ୩ଟି ଛୋଟ ଫଳକ ରହିଛି, ଯେଉଁଥିରେ ମୁଖ୍ୟତଃ ‘ତାମିଲ’ରେ ସୂଚନା ଲିପିବଦ୍ଧ ହୋଇଛି । ଏହି ଫଳକଗୁଡ଼ିକ ମହାନ ଚୋଳ ଶାସକ ପ୍ରଥମ ରାଜେନ୍ଦ୍ର ଚୋଳଙ୍କ ସମୟର । ଏହି ଐତିହାସିକ ସ୍ମାରକୀ ଚୋଳ ସାମ୍ରାଜ୍ୟର ଭବ୍ୟତା, ସଂସ୍କୃତି ଏବଂ ସେମାନଙ୍କର ସାମୁଦ୍ରିକ ପରାକ୍ରମକୁ ପ୍ରଦର୍ଶିତ କରେ ।

ପଢନ୍ତୁ ଏହି ଖବର: ସ୍ୱିଡେନ ଗସ୍ତରେ ପ୍ରଧାନମନ୍ତ୍ରୀ ମୋଦି; ମିଳିଲା ଦେଶର ସର୍ବୋଚ୍ଚ ସମ୍ମାନ

ସେହିପରି ବୈଠକରେ ଯୋଗ ଦେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିଶ୍ୱର ପ୍ରମୁଖ କମ୍ପାନୀଗୁଡ଼ିକୁ ଭାରତରେ ନିବେଶ କରିବା ପାଇଁ ଆମନ୍ତ୍ରଣ କରିଛନ୍ତି । ଭାରତ ବର୍ତ୍ତମାନ ଟିକସ ବ୍ୟବସ୍ଥା, ଶ୍ରମ କୋଡ୍ ଏବଂ ଶାସନ ପ୍ରଣାଳୀରେ 'ନେକ୍ସଟ୍-ଜେନେରେସନ୍' ସଂସ୍କାର ଆଣିଛି, ଯାହାଫଳରେ ଭାରତରେ ମ୍ୟାନୁଫ୍ୟାକ୍ଚରିଂ ଏବେ ବେଶ୍ ବ୍ୟୟସାପେକ୍ଷ ଓ ଲାଭଦାୟକ ସାବ୍ୟସ୍ତ ହେଉଛି । ତେବେ ପ୍ରଧାନମନ୍ତ୍ରୀଙ୍କ ଏହି ବହୁଦେଶୀୟ ଗସ୍ତ କେବଳ ବାଣିଜ୍ୟ ଓ ନିବେଶ କ୍ଷେତ୍ରରେ ନୁହେଁ, ବରଂ ପ୍ରଯୁକ୍ତିବିଦ୍ୟା ଓ ସବୁଜ ଶକ୍ତି କ୍ଷେତ୍ରରେ ମଧ୍ୟ ଭାରତ ପାଇଁ ଏକ ନୂଆ ସୁଯୋଗ ସୃଷ୍ଟି କରିବ ।