Yuge Yugeen Bharat Museum / ଯୁଗେ ଯୁଗିନ୍ ଭାରତ ସଂଗ୍ରହାଳୟକୁ କ୍ୟାବିନେଟ୍ ମଞ୍ଜୁରୀ, ଜାଣନ୍ତୁ କେଉଁଠି ହେବ ନିର୍ମାଣ

ନୂଆଦିଲ୍ଲୀ (11/11): କେନ୍ଦ୍ର କ୍ୟାବିନେଟ୍ ଦିଲ୍ଲୀର ଐତିହାସିକ ଉତ୍ତର ଏବଂ ଦକ୍ଷିଣ ବ୍ଲକ ପରିସରରେ ନିର୍ମିତ ହେବ "ଯୁଗେ ଯୁଗିନ୍ ଭାରତ ସଂଗ୍ରହାଳୟ"। ଏହି ସଂଗ୍ରହାଳୟ ନିର୍ମାଣ ପାଇଁ ଆଗତ ହୋଇଥିବା ପ୍ରସ୍ତାବକୁ କେନ୍ଦ୍ର କ୍ୟାବିନେଟ୍ ପକ୍ଷରୁ ଅନୁମୋଦନ କରିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଅର୍ଥନୈତିକ ବ୍ୟାପାର କ୍ୟାବିନେଟ୍ କମିଟି ବୁଧବାର (୧୧ ନଭେମ୍ବର) ଏହି ପ୍ରକଳ୍ପକୁ ଅନୁମୋଦନ କରିଛି। ଏହି ପ୍ରକଳ୍ପ ପାଇଁ ପ୍ରାୟ ୩୨୩୦ କୋଟି ଖର୍ଚ୍ଚ ହେବା ନେଇ ଆଶା କରାଯାଉଛି।

କ୍ୟାବିନେଟ୍ ନୋଟ୍ ଅନୁଯାୟୀ, "ଯୁଗେ ଯୁଗିନ୍ ଭାରତ ସଂଗ୍ରହାଳୟ" କୁ ଏକ ଐତିହାସିକ ସଭ୍ୟତା ସଂଗ୍ରହାଳୟ ଭାବରେ ପରିକଳ୍ପନା କରାଯାଇଛି। ଯାହା ଭାରତର ସଭ୍ୟତାଗତ ଐତିହ୍ୟର ନିରନ୍ତରତା, ବିବିଧତା ଏବଂ ସମୃଦ୍ଧିକୁ ଏହାର ସାଂସ୍କୃତିକ ଐତିହ୍ୟର ଏକ ସାମଗ୍ରିକ ଚିତ୍ରଣ ମାଧ୍ୟମରେ ପ୍ରଦର୍ଶନ କରିବ।

"ଯୁଗେ ଯୁଗିନ୍ ଭାରତ ସଂଗ୍ରହାଳୟ" କ'ଣ?
"ଯୁଗେ ଯୁଗିନ୍ ଭାରତ ସଂଗ୍ରହାଳୟ" ବିଶ୍ୱର ସର୍ବବୃହତ ପ୍ରଦର୍ଶନ କ୍ଷେତ୍ର ସହିତ ସଂଗ୍ରହାଳୟ ହେବ।
ଯାହା ପ୍ରାୟ ୧,୭୮,୫୦୯ ବର୍ଗ ମିଟରର ପ୍ରସ୍ତାବିତ ନିର୍ମିତ କ୍ଷେତ୍ରରେ ବିକଶିତ କରାଯାଉଛି।
ଏହା ଐତିହାସିକ ଉତ୍ତର ଏବଂ ଦକ୍ଷିଣ ବ୍ଲକ ପରିସରରେ ଅନୁକୂଳିତ ପୁନଃବ୍ୟବହାର ମାଧ୍ୟମରେ ବିକଶିତ କରାଯିବ।
ଏହି ସମୟ ମଧ୍ୟରେ ଏହି କୋଠାକୁ ଏହାର ସ୍ଥାପତ୍ୟ ବୈଶିଷ୍ଟ୍ୟ ଏବଂ ଐତିହାସିକ ଐତିହ୍ୟକୁ ସଂରକ୍ଷଣ କରି ଏକ ସାର୍ବଜନୀନ ସାଂସ୍କୃତିକ ପ୍ରତିଷ୍ଠାନ ଭାବରେ ବିକଶିତ କରାଯିବ।

ଏହା ସହ ପଢନ୍ତୁ:  ଦୀପାବଳି ଏବଂ ଛଟ ପୂଜା ସମୟରେ ହେବ କୃତ୍ରିମ ବର୍ଷା; ବିପଦରେ ରାଷ୍ଟ୍ରୀୟ ରାଜଧାନୀର AQI

ଗତ ସପ୍ତାହରେ, ସଂସ୍କୃତି ମନ୍ତ୍ରଣାଳୟ ସଚିବ ବିବେକ ଅଗ୍ରୱାଲ କହିଥିଲେ ଯେ "ଯୁଗେ ଯୁଗିନ୍" ସଂଗ୍ରହାଳୟ ବିଶ୍ୱର ସର୍ବବୃହତ ସଂଗ୍ରହାଳୟ ହେବ। ତାଙ୍କ କହିବା ଅନୁଯାୟୀ, "ଏହା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦୃଷ୍ଟିକୋଣ ଉପରେ ଆଧାରିତ ହୋଇ ବିକଶିତ ହେଉଛି। ଭାରତର ସଭ୍ୟତା ଯାତ୍ରା ନର୍ଥ ବ୍ଲକ୍ ଏବଂ ସାଉଥ୍ ବ୍ଲକ୍ର ଗ୍ୟାଲେରୀ ଠାରେ ପ୍ରଦର୍ଶିତ ହେବ। ଏହି ସଂଗ୍ରହାଳୟ ପରିଦର୍ଶନ କରୁଥିବା ଯେକୌଣସି ବ୍ୟକ୍ତି ଭାରତ ବର୍ଷର ସଭ୍ୟତା ବିଷୟରେ ସମ୍ପୂର୍ଣ୍ଣ ବୁଝିପାରିବେ। ବିଭିନ୍ନ ଦେଶର ସଂଗ୍ରହାଳୟର ଭିନ୍ନ ଭିନ୍ନ ଧାରଣା ଅଛି। ଫ୍ରାନ୍ସର " Louvre" ଏବଂ ବ୍ରିଟିଶ ସଂଗ୍ରହାଳୟ ବିଶ୍ୱର ବିଭିନ୍ନ ସଭ୍ୟତା ବିଷୟରେ ତଥ୍ୟ ପ୍ରଦର୍ଶନ କରନ୍ତି। ହେଲେ ତଥାପି, "ଯୁଗେ ଯୁଗିନ୍" ସଂଗ୍ରହାଳୟ ଭାରତର ସଭ୍ୟତାର ନିରନ୍ତରତା ପ୍ରଦର୍ଶନ କରିବ। ଏହା ଏକ ଅନନ୍ୟ ସଂଗ୍ରହାଳୟ ହେବ ଯାହା ଭାରତର ସଭ୍ୟତାର ସମ୍ପୂର୍ଣ୍ଣ ଯାତ୍ରାକୁ ଚିତ୍ରଣ କରିବ।

ପ୍ରଧାନମନ୍ତ୍ରୀ ମୋଦି ନିର୍ଦ୍ଦେଶ ଦେଇଛନ୍ତି ଯେ ଏହି ନୂତନ ସଂଗ୍ରହାଳୟ ଆସନ୍ତା ୨୦୨୮ ଡିସେମ୍ବର ସୁଦ୍ଧା ସମ୍ପୂର୍ଣ୍ଣ ଭାବରେ ସମାପ୍ତ ହେବ। ଆମେ ଆସନ୍ତା ବର୍ଷ ଗୋଟିଏ ପରେ ଗୋଟିଏ ଗ୍ୟାଲେରୀ ଖୋଲିବାକୁ ଚେଷ୍ଟା କରିବୁ। ଆସନ୍ତା ବର୍ଷ ମଧ୍ୟଭାଗ ସୁଦ୍ଧା ଆମର ଏକ ଅଂଶ ଖୋଲା ରହିବ। ଧିରେ ଧିରେ ଏପରି ଗ୍ୟାଲେରୀ ବିକଶିତ ହେବା ସହିତ ଆମେ ସଂଗ୍ରହାଳୟ ଖୋଲିବୁ। ପ୍ରଥମେ ନର୍ଥ ବ୍ଲକ୍‌ ଠାରେ କାମ ଆରମ୍ଭ ହୋଇଥିଲା। ସେଥିପାଇଁ ପ୍ରଥମେ ନର୍ଥ ବ୍ଲକ୍ ଖୋଲିବ। ଏହା ପରେ ସାଉଥ୍ ବ୍ଲକ୍ ଖୋଲିବ।