ନୂଆଦିଲ୍ଲୀରେ ଅଗ୍ରଣୀ ସାମାଜିକ-ସାଂସ୍କୃତିକ ସଂଗଠନ 'ଓଡ଼ିଆ ସମାଜ' ଦ୍ଵାରା ଆୟୋଜିତ ଓଡ଼ିଶା ପର୍ବ ୨୦୨୬ର ଦ୍ଵିତୀୟ ଦିନରେ ମୁଖ୍ୟ ଅତିଥି ଭାବେ ଯୋଗ ଦେଇଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ରେଖା ଗୁପ୍ତା । 'ଜୟ ଜଗନ୍ନାଥ'ରୁ ନିଜ ଅଭିଭାଷଣ ଆରମ୍ଭ କରି ନିଜର ପୁରୁଣା ସ୍ମୃତିକୁ ମନେ ପକାଇଛନ୍ତି । ସେ କିପରି ପ୍ରତିବର୍ଷ ଓଡ଼ିଶା ପର୍ବକୁ ଆସନ୍ତି, ଷ୍ଟଲ୍ ବୁଲନ୍ତି ଏବଂ ଓଡ଼ିଆ ଖାଦ୍ୟ ଖାଆନ୍ତି ସେ ସମ୍ପର୍କରେ କହିଛନ୍ତି । ଏହାସହିତ ଦିଲ୍ଲୀରେ ରହୁଥିବା ଓଡ଼ିଆଙ୍କ ପରିବାର ଚିନ୍ତା କରିବାର ଆବଶ୍ୟକତା ନାହିଁ, କାରଣ ଦିଲ୍ଲୀରେ ତାଙ୍କ ସରକାର ଅଛି ବୋଲି ମଧ୍ୟ କହିଛନ୍ତି ମୁଖ୍ୟମନ୍ତ୍ରୀ ରେଖା ଗୁପ୍ତା ।

ଓଡ଼ିଶା ପର୍ବରେ ଦିଲ୍ଲୀ ମୁଖ୍ୟମନ୍ତ୍ରୀ

ମୁଖ୍ୟମନ୍ତ୍ରୀ ରେଖା ଗୁପ୍ତା କହିଥିଲେ, "ମହାପ୍ରଭୁ ଆଜି ଆମ ଡାକ ଶୁଣୁଥିବେ । ଦିଲ୍ଲୀରେ ରହୁଥିବା ପ୍ରତିଟି ଓଡ଼ିଆଙ୍କ ପରିବାର ଚିନ୍ତା କରିବାର ଆବଶ୍ୟକ ନାହିଁ, ସେମାନଙ୍କ ପାଇଁ ଦିଲ୍ଲୀରେ ରେଖା ଗୁପ୍ତାର ସରକାର ଅଛି । ଦିଲ୍ଲୀରେ ରହିଲେ ମଧ୍ୟ ଆମେ ଆମର ସଂସ୍କୁତି ପରମ୍ପରାକୁ କିପରି ରଖିଛୁ ତାହା ଓଡ଼ିଶା ପର୍ବ ଶିଖାଉଛି । ଏହିପରି କାର୍ଯ୍ୟକ୍ରମକୁ ସମସ୍ତେ ହୃଦୟରୁ ଅନୁଭବ କରୁଛନ୍ତି । ଏହା ମୋର ସୌଭାଗ୍ୟ କାର୍ଯ୍ୟକ୍ରମରେ ଯୋଡ଼ି ହୋଇଛି । ହଜଖସ୍ ଜଗନ୍ନାଥ ମନ୍ଦିର ରଥଯାତ୍ରାରେ ଛେରା ପହଁରା କରିଛି । ସେହି ସେବା କରିବା ପାଇଁ ଓଡ଼ିଆ ସମାଜ ମୋତେ ସୁଯୋଗ ଦେଇଛି ସେଥିପାଇଁ ଧନ୍ୟବାଦ ।"

ଏହା ବି ପଢନ୍ତୁ: ଓଡ଼ିଶାରେ ସୁଯୋଗର ରହିଛି ଅପାର ସମ୍ଭାବନା, ହୋଇ ପାରିବ ଗେମ୍ ଚେଞ୍ଜର୍

'ମୋତେ ଲାଗୁଛି ମୁଁ ଓଡ଼ିଶାରେ ଅଛି'

ଦିଲ୍ଲୀ ମୁଖ୍ୟମନ୍ତ୍ରୀଙ୍କ ସହିତ ସମ୍ମାନିତ ଅତିଥି ଭାବେ ଓଡ଼ିଶା ପର୍ବର ଦ୍ଵିତୀୟ ଦିନରେ ଯୋଗ ଦେଇଛନ୍ତି କେନ୍ଦ୍ର ମହିଳା ଓ ଶିଶୁ ବିକାଶ ମନ୍ତ୍ରୀ ଅର୍ଣ୍ଣପୂର୍ଣ୍ଣା ଦେବୀ । କେନ୍ଦ୍ର ମହିଳା ଓ ଶିଶୁ ବିକାଶ ମନ୍ତ୍ରୀ ଅର୍ଣ୍ଣପୂର୍ଣ୍ଣା ଦେବୀ କହିଥିଲେ, "ମୋତେ ଲାଗୁଛି ମୁଁ ଓଡ଼ିଶାରେ ଅଛି । ଏତେ ସୁନ୍ଦର ଆୟୋଜନ ପାଇଁ ଶୁଭେଚ୍ଛା । ଓଡ଼ିଶାର ଅପାର ସମ୍ଭାବନା ରହିଛି । ଓଡ଼ିଶାର ଅନୁଶାସନ, ସମର୍ପଣ ସବୁବେଳେ ରହିଆସିଛି । କୋଣାର୍କର କାରିଗରୀ ଗବେଷଣାର ବିଷୟ । ଓଡ଼ିଶାର ଡାଲମା, ପଖାଳ, ଛେନାପୋଡ଼ର ଆନନ୍ଦ କେଉଁଠି ନାହିଁ ।"

କେନ୍ଦ୍ରମନ୍ତ୍ରୀ ଧର୍ମେନ୍ଦ୍ରଙ୍କୁ ସ୍ଵତନ୍ତ୍ର ଧନ୍ୟବାଦ ଜଣାଇଲେ ଆୟୋଜକ

କାର୍ଯ୍ୟକ୍ରମର ସ୍ୱାଗତ ଅଭିଭାଷଣରେ ଓଡ଼ିଆ ସମାଜ ସଭାପତି ସିଦ୍ଧାର୍ଥ ପ୍ରଧାନ ଏହି ଆୟୋଜନ ପାଇଁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଧନ୍ୟବାଦ ଜଣାଇଛନ୍ତି । ସେ କହିଥିଲେ, "କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସ୍ଵପ୍ନ ଥିଲା ଦିଲ୍ଲୀରେ ଓଡ଼ିଆ ଲୋକଙ୍କୁ ଏକଜୁଟ କରିବା ପାଇଁ । ଓଡ଼ିଶାର କଳା ସଂସ୍କୁତିକୁ ଦିଲ୍ଲୀରେ ପ୍ରଦର୍ଶନ କରିବା ପାଇଁ । ସେ କହିଥିଲେ ଆମେ ଦିଲ୍ଲୀରେ ଓଡିଶା ପର୍ବ କରିବା । ଲଗାତାର ଆମେ ସେ କାର୍ଯ୍ୟରେ ଲାଗିଛୁ ।"

ଏଥିସହ ପଢ଼ନ୍ତୁ: ଓଡ଼ିଶା ପର୍ବର ଦ୍ଵିତୀୟ ସନ୍ଧ୍ୟାରେ ଭବ୍ୟ ସାଂସ୍କୃତିକ କାର୍ଯ୍ୟକ୍ରମ; ଯୋଗଦେଲେ ଦିଲ୍ଲୀ ମୁଖ୍ୟମନ୍ତ୍ରୀ

ଦ୍ଵିତୀୟ ସନ୍ଧ୍ୟାରେ ବି ରଙ୍ଗାରଙ୍ଗ କାର୍ଯ୍ୟକ୍ରମ

ଏହାପରେ ସାଂସ୍କୃତିକ କାର୍ଯ୍ୟକ୍ରମ ଆରମ୍ଭ ହୋଇଥିଲା । ଓଡ଼ିଶୀ ନୃତ୍ୟ ଗୁରୁ କବିତା ମହାନ୍ତିଙ୍କ ଗ୍ରୁପ ଧର୍ମ ଚକ୍ର ଉପସ୍ଥାପନ କରିଥିଲେ । ଓଡ଼ିଶା ପର୍ବର ଦ୍ଵିତୀୟ ଦିନ ସନ୍ଧ୍ୟାରେ ଓଡ଼ିଶାରୁ ଯାଇଥିବା ଲୋକପ୍ରିୟ ଓଡ଼ିଆ କଣ୍ଠଶିଳ୍ପୀ ସତ୍ୟଜିତ ପ୍ରାଧନ ଏବଂ ଲିପ୍ସା ମହାପାତ୍ର ଆଉ କିଛି ସମୟ ପରେ ସଙ୍ଗୀତ ପରିବେଷଣ କରିବେ । ଆଜି ସପ୍ତାହାନ୍ତ ହୋଇଥିବାରୁ ଅନେକ ପର୍ଯ୍ୟଟକଙ୍କ ଭିଡ଼ ଦେଖିବାକୁ ମିଳିଛି । ଆସନ୍ତାକାଲି (ରବିବାର) ଆହୁରି ଅଧିକ ଭିଡ଼ ହେବ ବୋଲି ଆଶା କରାଯାଉଛି ।

ଅଧିକ ଖବର ପଢନ୍ତୁ...