ଓଡ଼ିଶା ପର୍ବର ଦ୍ଵିତୀୟ ଦିନରେ ମୁଖ୍ୟ ଅତିଥି ଭାବେ ଯୋଗ ଦେଲେ ଦିଲ୍ଲୀ ମୁଖ୍ୟମନ୍ତ୍ରୀ ରେଖା ଗୁପ୍ତା । ଓଡ଼ିଆ କଳାକାରଙ୍କ ବାଦ୍ୟ ଦୁଲୁଦୁଲି ଶଙ୍ଖ ଧ୍ୱନିରେ ଦିଲ୍ଲୀ ମୁଖ୍ୟମନ୍ତ୍ରୀଙ୍କୁ କରାଗଲା ସ୍ୱାଗତ । ଓଡ଼ିଆ କଳାକାରଙ୍କ ବାଦ୍ୟରେ ଝୁମିଲେ ଦିଲ୍ଲୀ ମୁଖ୍ୟମନ୍ତ୍ରୀ ରେଖା ଗୁପ୍ତା । ସେହିପରି କେନ୍ଦ୍ର ମନ୍ତ୍ରୀ ଅର୍ଣ୍ଣପୂର୍ଣ୍ଣା ଦେବୀ ସମ୍ମାନିତ ଅତିଥି ଭାବେ ଓଡ଼ିଶା ପର୍ବରେ ସାମିଲ ହୋଇଛନ୍ତି । ଓଡ଼ିଶା ପର୍ବରେ ଯୋଗ ଦେଇ ମୁଖ୍ୟମନ୍ତ୍ରୀ ରେଖା ଗୁପ୍ତା ବିଭିନ୍ନ ଷ୍ଟଲ ବୁଲି ଦେଖିଥିଲେ ।

ସେପଟେ ଓଡ଼ିଶା ପର୍ବର ଦ୍ଵିତୀୟ ଦିନରେ ଅନୁଷ୍ଠିତ ହୋଇଛି ନବଚେତନା ଓଡ଼ିଶା, ଭାଷା ଓଡ଼ିଶା ଉପରେ ଆଲୋଚନା ଚକ୍ର । ଲକ୍ଷ୍ନୌ NBRI ନିର୍ଦ୍ଦେଶକ ଡକ୍ଟର ଅଜିତ କୁମାର ଶାସାନୀଙ୍କ ନେତୃତ୍ୱରେ ଅନୁଷ୍ଠିତ ଏହି ଆଲୋଚନାଚକ୍ରରେ IES ଡକ୍ଟର ଇସିତା ତ୍ରିପାଠୀ ଗାଙ୍ଗୁଲି, IAS ମୀରା ମହାନ୍ତି, ସ୍ମୃତି ରଞ୍ଜନ ବିଶ୍ୱାଳ, ରମ୍ୟ ରଞ୍ଜନ ପଟେଲ ପ୍ରମୁଖ ଯୋଗ ଦେଇଥିଲେ । ନବଚେତନା ଓଡ଼ିଶା ପାଇଁ ଆମକୁ ନେତୃତ୍ୱ ନେବାର ଆବଶ୍ୟକତା ରହିଛି, ଆମ ପାଖରେ ଏହାକୁ ନେଇ ଅନେକ ଉଦାହରଣ ଅଛି । ଆମ ମାଟି ଉର୍ବର ମାଟି, ଓଡ଼ିଶାରେ ଉପକୂଳଠୁ ନେଇ ବିଭିନ୍ନ ପ୍ରକାର କଥା ରହିଛି । ସବୁ ପ୍ରକାର ଜଳବାୟୁ ଓଡ଼ିଶାରେ ଅଛି । ଏହାକୁ ଭଲ ଭାବରେ ବ୍ୟବହାର କରାଗଲେ ଆମେ ଆମର ଆବଶ୍ୟକତା ପୂରଣ କରି ପାରିବା ବୋଲି କହିଛନ୍ତି ଡକ୍ଟର ଅଜିତ କୁମାର ।

ସେହିପରି IES ଡକ୍ଟର ଇସିତା ତ୍ରିପାଠୀ ଗାଙ୍ଗୁଲି କହିଥିଲେ ବିକଶିତ ଓଡ଼ିଶା ପାଇଁ ଆମକୁ କାର୍ଯ୍ୟ କରିବାକୁ ପଡ଼ିବ । ଅନେକ କଥା ଅଛି ଯାହା କରାଯାଇ ପାରିବ । ଛେନା ପୋଡ଼ କ୍ଲଷ୍ଟର ହେବା ଉଚିତ । ଓଡ଼ିଶାର ଗ୍ରାମ୍ୟ ପର୍ଯ୍ୟଟନସ୍ଥଳୀ ଗୁଡିକୁ ନେଇ ଯୋଜନା କରିବାକୁ ସେ ଉଲ୍ଲେଖ କରିଥିଲେ ।

NCERT ର ପ୍ରଫେସର Dr Ramanujam Meghanathamଙ୍କ ନେତୃତ୍ୱରେ ଭାଷା ଓଡ଼ିଶାକୁ ନେଇ ହୋଇଥିବା ଆଲୋଚନା ଚକ୍ରରେ ଲେଖକ Dr ଅରବିନ୍ଦ ରାୟ ଏବଂ Dr ବସନ୍ତ ପଣ୍ଡା ପ୍ରମୁଖ ଯୋଗ ଦେଇଥିଲେ । ଓଡ଼ିଆ ଲୋକେ ଏକମତ ହେବା ପାଇଁ ଗୋଟିଏ ଶବ୍ଦ କୋଷର ନିହାତି ଆବଶ୍ୟକତା ଥିବା କହିଥିଲେ ଲେଖକ ଅରବିନ୍ଦ ରାୟ ।

ଏଥିସହ ପଢ଼ନ୍ତୁ: 'ଦିଲ୍ଲୀରେ ରହୁଥିବା ପ୍ରତିଟି ଓଡ଼ିଆଙ୍କ ପରିବାର ଚିନ୍ତା କରନ୍ତୁ ନାହିଁ, ଦିଲ୍ଲୀରେ ତାଙ୍କ ସରକାର ଅଛି'