ଅର୍ଗସ ବ୍ୟୁରୋ : କମିଶନରେଟ ପୋଲିସ ହାତରେ ଏରାଗୋଲା ଗ୍ୟାଙ୍ଗ । ୧୧ ଜଣ ସଦସ୍ୟଙ୍କୁ ଗିରଫ କରିଛି କମିଶନରେଟ ପୋଲିସ । ବାଇକ , ଚେନ ଲୁଟ କରିବା ସହ ରାସ୍ତାରେ ଆସୁଥିବା ଗାଡିରୁ ଲୁଟ କରୁଥିଲେ ଏହି ଗ୍ୟାଙ୍ଗ । ଏବେବି ଗ୍ୟାଙ୍ଗର ଆହୁରି ୪ ରୁ ୫ ଜଣଙ୍କୁ ଗିରଫ କରିବାକୁ ସର୍ଚ୍ଚ ଜାରି ରଖିଛି ପୋଲିସ । 

ଅଧିକ ପଢନ୍ତୁ ଓଡ଼ିଶା ଖବର

ଏହି ଗ୍ୟାଙ୍ଗର ସମସ୍ତ ସଦସ୍ୟଙ୍କ ଘର ଗଞ୍ଜାମ ଜିଲ୍ଲାରେ । କମିଶନରେଟ ପୋଲିସ ଅଧୀନରେ ୨୩ ଟି ଏବଂ ବାହାରେ ମିଶାଇ ୨୭ଟି ମାମଲା ଏହି ଗ୍ୟାଙ୍ଗ ନାମରେ ରହିଛି । ପୋଲିସ ଅଭିଯୁକ୍ତଙ୍କ ଠାରୁ ଗୋଲଡ ଚେନ ୧୭ ଟି, ମୋବାଇଲ ଫୋନ, ୬ଟି ଚୋରା ବାଇକ, ଲୁଟରେ ବ୍ୟବହୃତ ସାମଗ୍ରୀ ସହ ୨ ଲକ୍ଷରୁ ଉର୍ଦ୍ଧ ନଗଦ ଅର୍ଥ ଜବତ କରିଛି ।