କଟକ : କଟକରେ କିଡନୀ ଦେବାକୁ କହି ଜଣେ ବ୍ୟକ୍ତି ୧୨ ଲକ୍ଷ ୫୦ ହଜାର ଟଙ୍କା ଠକି ନେଇଥିବା ନେଇ ମଙ୍ଗଳାବାଗ ଥାନାରେ ଅଭିଯୋଗ । କିନ୍ତୁ କିଡନୀ କିମ୍ବା ଟଙ୍କା ନ ଦେବାରୁ ଠକ ବ୍ୟକ୍ତିକୁ ଧରି ପୋଲିସକୁ ଜିମା ଦେଲେ ଲୋକେ। ଏପରି ଏକ ଘଟଣା ଦେଖିବାକୁ ମିଳିଛି କଟକ ରାଣୀହାଟ ଛକ ତେଲି ସାହିରେ । ଘଟଣା ଅନୁଯାୟୀ କେନ୍ଦୁଝର ଜିଲ୍ଲା ଅଞ୍ଚଳର କୁଟୁଲୁ କୁମାର ମାଝୀ କିଡନୀଜନିତ ରୋଗରେ ପିଡୀତ ହୋଇ କଟକ ଏସସିବି ମେଡିକାଲର ନେଫ୍ରୋଲୋଜି ବିଭାଗରେ ଡାକ୍ତରଙ୍କୁ ପରାମର୍ଶ କରିଥିଲେ । ଡାକ୍ତର ତାଙ୍କର ବିଭିନ୍ନ ପରୀକ୍ଷା ନିରୀକ୍ଷା କରିବା ପରେ କୁଟୁଲୁଙ୍କ ୨ଟି ଯାକ କିଡନୀ ଖରାପ ହୋଇଥିବା ଜଣାପଡିଥିଲା ।

ଅଧିକ ପଢନ୍ତୁ ଓଡିଶା ଖବର

ଏଥିପାଇଁ କିଡନୀ ପ୍ରତିରୋପଣ କରିବାକୁ ଡାକ୍ତର କହିଥିଲେ। ତେବେ କିଡନୀ ପାଇଁ ବାଲେଶ୍ବର ଅଞ୍ଚଳରେ ରହୁଥିବା ମାର୍କଣ୍ଡ ନାଥ ଓ ତାଙ୍କ ପତ୍ନୀ ଶାନ୍ତିଲତା ନାଥ ସଂସ୍ପର୍ଶରେ ଆସିଥିଲେ କୁଟୁଲୁ ମାଝୀ ଏବଂ ତାଙ୍କ ପତ୍ନୀ । ଉଭୟଙ୍କ ମଧ୍ୟରେ ଯୋଗାଯୋଗ ହେବା ପରେ ଟଙ୍କା ଦେଲେ କିଡନୀ ଦେବାକୁ କୁଟୁଲୁଙ୍କୁ ପ୍ରତିଶ୍ରୁତି ଦେଇଥିଲେ ଅଭିଯୁକ୍ତ ମାର୍କଣ୍ଡ ନାଥ ଓ ତାଙ୍କ ପତ୍ନୀ। ପ୍ରତିଶ୍ରୁତି ପାଇବା ପରେ କୁଟୁଲୁ ମାର୍କଣ୍ଡଙ୍କୁ ବିଭିନ୍ନ ପର୍ଯ୍ୟାୟରେ ୧୨ ଲକ୍ଷ ୫୦ ହଜାର ଟଙ୍କା ଦେଇଥିବା କହିଛନ୍ତି । କିନ୍ତୁ ବର୍ଷେ ବିତିଯାଇଥିଲେ ମଧ୍ୟ ଅଭିଯୁକ୍ତ ଶାନ୍ତିଲତା ନାଥ କିଡନୀ କିମ୍ବା ଟଙ୍କା ଫେରସ୍ତ ନ କରି ଠକିଥିବା ଅଭିଯୋଗ କରିଛନ୍ତି କୁଟୁଲୁଙ୍କ ପତ୍ନୀ।

Argus News | argus news | -Argusnews Home: Odisha Latest News, Breaking News, Trending News, Live TV and more