ଅର୍ଗସ ବ୍ୟୁରୋ : ରାମ ହିଁ ସତ୍ୟ, ସତ୍ୟ ହିଁ ସନାତନ । ହିନ୍ଦୁ ମାନଙ୍କୁ ତଥା ହିନ୍ଦୁ ସଂଗଠନ ଗୁଡିକୁ ଏକଜୁଟ କରି ହିନ୍ଦୁ ମାନଙ୍କ ମୌଳିକ ସମସ୍ୟାର ସମାଧାନ କରିବାପାଇଁ ମିଳିତ ସ୍ୱର ଉତ୍ତୋଳନ କରିବା ଲକ୍ଷରେ ଗଠନ ହୋଇଛି "ହିନ୍ଦୁ ଏକତା ମଞ୍ଚ, ଓଡିଶା" । ଯାହାଦ୍ୱାରା ରାଜ୍ୟର ପ୍ରତ୍ୟକ କୋଣ ଅନୁକୋଣ ଯାଇ ସନାତନ ଧର୍ମ, ହିନ୍ଦୁତ୍ୱ, ରାଷ୍ଟ୍ରର ରକ୍ଷା ସମ୍ବନ୍ଧିତ ଆଲୋଚନା ଚକ୍ର ଆୟୋଜିତ କରୁଛି ଏହି ମଞ୍ଚ ।

ଅଧିକ ପଢନ୍ତୁ ଓଡ଼ିଶା ଖବର

ପ୍ରତ୍ୟକ ହିନ୍ଦୁ କିଭଳି ଜାଗ୍ରତ ହେବେ, ଆଉ ରାଷ୍ଟ୍ରର ହିତ ନିମନ୍ତେ କାର୍ଯ୍ୟ କରିବେ, ସେଥିପାଇଁ ସମସ୍ତ ହିନ୍ଦୁ ମାନଙ୍କୁ ଏକଜୁଟ କରାଇବା ଏହି ମଞ୍ଚର ଲକ୍ଷ । ତେବେ ଆଜି କେନ୍ଦ୍ରାପଡ଼ାର ତିନିମୁହାଣୀ ସ୍ଥିତ ରାମ ମନ୍ଦିର ପରିସରରେ ଏହି ମଞ୍ଚର ଜିଲ୍ଲା କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଯାଇଛି । ଏଥିରେ ଏକତା ମଞ୍ଚର ରାଜ୍ୟ ସଂଯୋଜକ ପ୍ରଦୀପ୍ତ କୁମାର ଜେନା, ରାଜ୍ୟ ବିଜେପି ବରିଷ୍ଠ ନେତା ବିଷ୍ଣୁ ଚରଣ ଦାସ, ରାମ ମନ୍ଦିର ସମ୍ପାଦକ ତୁଷାର ଘୋଷଙ୍କ ସମେତ ଅନେକ ମାନ୍ୟଗନ୍ୟ ବ୍ୟକ୍ତି ଯୋଗ ଦେଇଥିଲେ ।