ACF Soumya Death / ମୃତ୍ୟୁ ପୂର୍ବରୁ ହୋଇଥିଲା କି ଚୁକ୍ତି ଚକ୍ରାନ୍ତ ? ACF ସୌମ୍ୟ ମୃତ୍ୟୁ ଘଟଣାରେ ବଡ଼ ତଥ୍ୟ

୨୦୨୧ର ବହୁଚର୍ଚ୍ଚିତ ଏସିଏଫ୍ ସୌମ୍ୟରଞ୍ଜନ ମହାପାତ୍ର ମୃତ୍ୟୁ ମାମଲାରେ ବଡ଼ ଅପଡେଟ୍ ସାମ୍ନାକୁ ଆସିଛି । ମୃତ୍ୟୁଠାରୁ ଗାଁ ଘରେ ବନ୍ଦ ହୋଇ ରହିଥିବା ସୌମ୍ୟଙ୍କ ରୁମ୍ ଆଜି ଖୋଲିଛି । ଅର୍ଗସ ନ୍ୟୁଜ୍‌ର ଏକ୍ସକ୍ଲୁସିଭ୍ ଗ୍ରାଉଣ୍ଡ ରିପୋର୍ଟ ସହ ଆମ ହାତରେ ଲାଗିଛି ଏକ ସାଂଘାତିକ ଦସ୍ତାବିଜ୍ । ବିବାହର ମାତ୍ର କିଛି ମାସ ପରେ ୯ ଜୁଲାଇ ୨୦୨୧ରେ ସୌମ୍ୟ ଓ ପତ୍ନୀ ବିଦ୍ୟାଭାରତୀଙ୍କ ମଧ୍ୟରେ ହୋଇଥିଲା ଏକ ସମ୍ପତ୍ତି ଚୁକ୍ତିନାମା ।

• ରାସ୍ତାରୁ ହଟାଇବାକୁ ରଚାଯାଇଥିଲା କି ଚକ୍ରାନ୍ତ ?

ଏହି ଲିଖିତ ଏଗ୍ରିମେଣ୍ଟ ଅନୁଯାୟୀ, ୩୧ ବର୍ଷୀୟ ACF ସୌମ୍ୟରଞ୍ଜନ ନିଜର ସମସ୍ତ ବର୍ତ୍ତମାନ ଓ ଭବିଷ୍ୟତର ସମ୍ପତ୍ତି ଏବଂ ନିଜର ମାସିକ ୫୮ ହଜାର ଟଙ୍କାର ବେତନ ପତ୍ନୀ ବିଦ୍ୟାଭାରତୀଙ୍କ ନାମରେ ହସ୍ତାନ୍ତର କରିଥିଲେ । ଚୁକ୍ତିନାମା ହେବାର ମାତ୍ର ଦୁଇ ଦିନ ପରେ ଅର୍ଥାତ୍ ୧୧ ଜୁଲାଇ ୨୦୨୧ରେ ସୌମ୍ୟ ସନ୍ଦେହଜନକ ଭାବେ ପୋଡ଼ିଯାଇଥିଲେ । ଏବେ ପ୍ରଶ୍ନ ଉଠୁଛି, ଚୁକ୍ତିନାମାରୁ ଫାଇଦା ହାସଲ ପାଇଁ ସୌମ୍ୟଙ୍କୁ ରାସ୍ତାରୁ ହଟାଇବାକୁ ରଚାଯାଇଥିଲା କି ଚକ୍ରାନ୍ତ ?

• ଖୋଲିବ କି ସୌମ୍ୟ ମୃତ୍ୟୁର ଅସଲ ଗୁମର ?

ଏସବୁ ଭିତରେ ସୌମ୍ୟଙ୍କ ବାପା-ମା' ସିଧାସଳଖ ଅଭିଯୋଗ ଆଣିଛନ୍ତି ତତ୍କାଳୀନ ଜଙ୍ଗଲ ମନ୍ତ୍ରୀ, ଏଡିଜି, କ୍ରାଇମବ୍ରାଞ୍ଚ ଏବଂ ଫାଇଭ୍-ଟି ସଚିବ ମିଶି ଏହି ସମ୍ପୂର୍ଣ୍ଣ ମାମଲାକୁ ଚାପିବା ପାଇଁ ବଡ଼ ଧରଣର ଷଡ଼ଯନ୍ତ୍ର କରିଥିଲେ । ଆଜି ବି ସୌମ୍ୟଙ୍କ ପରିବାର ଲୋକେ ପୁଅକୁ ନ୍ୟାୟ ଦେବାକୁ ଲଢେଇ ଜାରି ରଖିଛନ୍ତି । ତେବେ ବଡ଼ ପ୍ରଶ୍ନ ଅର୍ଗସ ହାତରେ ଲାଗିଥିବା ଏହି ଏକ୍ସକ୍ଲୁସିଭ୍ ଏଗ୍ରିମେଣ୍ଟକୁ ପୋଲିସ ନିଜ ତଦନ୍ତ ପରିସରଭୁକ୍ତ କରିବ ତ? ଏହି ଦସ୍ତାବିଜ୍‌ର ସତ୍ୟତା ସାମ୍ନାକୁ ଆସିଲେ ଖୋଲିବ କି ସୌମ୍ୟ ମୃତ୍ୟୁର ଅସଲ ଗୁମର?

ପଢନ୍ତୁ ଏହି ଖବର: ପ୍ରେମରେ ବିଫଳ ପରେ ୭୨ ବର୍ଷୀୟ ବୃଦ୍ଧର ଏସିଡ୍ ଆଟାକ୍‌ରେ ଯୁବତୀ ଗୁରୁତର

• ଖୋଲିଲା ମୃତ ସୌମ୍ୟଙ୍କ ରୁମ୍

ଘଟଣା ଦିନଠାରୁ ବନ୍ଦ ହୋଇ ରହିଥିବା ACF ସୌମ୍ୟରଞ୍ଜନ ମହାପାତ୍ରଙ୍କ କୋଠରୀ ଆଜି ଖୋଲିଛି । ଏହି ରୁମକୁ ଆସିଲେ ରୁନ୍ଧି ହୋଇଯାଉଛି ସୌମ୍ୟ ମାଆଙ୍କ ଛାତି । ସ୍ବଭାବରେ ଖୁବ୍ ନରମ ଥିଲେ ମେଧାବୀ ସୌମ୍ୟ । ବଡ଼ ହେବା ପରେ ବି ଛୋଟ ଛୋଟ କଥାରେ ମାଆଙ୍କୁ କରୁଥିଲେ କଲ୍ । ଆଜି ପୁଅକୁ ମନେ ପକାଇ ଝୁରି ହେଉଛନ୍ତି ପୂରା ପରିବାର । ସୌମ୍ୟ ମୃତ୍ୟୁ ମାମଲାରେ ଗିରଫ ହୋଇଛନ୍ତି ପାରଳାଖେମୁଣ୍ଡିର ତତକାଳୀନ ଡିଏଫଓ ସଂଗ୍ରାମ ବେହେରା ଓ ରୋଷେୟା ମନ୍ନଥ କୁମ୍ଭ । ଦୁଇଜଣ ଗିରଫ ହୋଇଥିବା ବେଳେ ବିଦ୍ୟାଭାରତୀଙ୍କୁ ୩୧ ଅକ୍ଟୋବର ଯାଏଁ ହାଇକୋର୍ଟ ଦେଇଛନ୍ତି ସରେଣ୍ଡରର ଡେଡଲାଇନ୍ । ଆଗକୁ ଗିରଫ ହେବେ କି ସୌମ୍ୟଙ୍କ ପତ୍ନୀ ବିଦ୍ୟାଭାରତୀ ? ସୁପ୍ରିମକୋର୍ଟରେ ଆବେଦନ ଖାରଜ ପରେ ବଢ଼ିଲା ଅଡ଼ୁଆ ।