ଅର୍ଗସ ବ୍ୟୁରୋ : ଅନୁଗୁଳ ଜିଲ୍ଲା ଛେଣ୍ଡିପଦା ବନାଞ୍ଚଳରେ ଆହତ ଦନ୍ତାର ଚିକିତ୍ସା କରାଯାଇଛି । ସୁସ୍ଥ ହେବା ପରେ ହାତୀକୁ ଜଙ୍ଗଲ ଛଡ଼ାଯାଇଥିବା ସୂଚନା ଦେଇଛନ୍ତି ଡିଏଫ୍ଓ ବିବେକ କୁମାର । ଆହତ ଅବସ୍ଥାରେ ହାତୀଟି ୫ ଦିନ ଘୁରିବୁଲିବା ପରେ ହାତୀକୁ ଟ୍ରାଙ୍କୁଲାଇଜ କରାଯାଇଛି । ହାତୀ ମୁଣ୍ଡରେ ୬ ଟି ସ୍ଥାନରେ ଗୁଳି ବାଜିଛି ।  ନନ୍ଦନକାନନ, ସାତକୋଶିଆ, ଢେଙ୍କାନାଳ ଓ ଅନୁଗୋଳରୁ ଡାକ୍ତରୀ ଦଳ ଚିକିତ୍ସା କରିଥିଲେ । 

ଅଧିକ ପଢନ୍ତୁ ଓଡ଼ିଶା ଖବର

ପରେ ହାତୀ ଦେହରେ ରେଡିଓ କୁଲାର ମଧ୍ୟ ସଂଯୋଗ କରାଯାଇଛି । ଜଙ୍ଗଲକୁ ଛଡାଯିବା ପରେ ମଧ୍ୟ ଗତିବିଧି ଉପରେ ନଜର ରହିଛି ବୋଲି କହିଛନ୍ତି ଡିଏଫ୍ଓ । ଏହାଦ୍ୱାରା ସାଟେଲାଇଟ ମାଧ୍ୟମରେ ହାତୀର ଗତିବିଧି ଉପରେ ନଜର ରଖାଯାଇପାରିବ । ଅନୁଗୁଳ ଫରେଷ୍ଟ ରେଞ୍ଜ ଛେଣ୍ଡିପଦା ଜଙ୍ଗଲରେ ଏକ ଆହତ ଦନ୍ତାହାତୀ ଶରୀରରେ ଏହି ରେଡିଓ କଲାର ଲଗାଯାଇଛି ।