Videos
|
Odisha

Andhra Odisha Tensions / ଓଡ଼ିଶାରେ ରହି ଆନ୍ଧ୍ର ଗୁଣଗାନ ; କୋଟିଆରେ ପୁଣି ମୁହାଁମୁହିଁ ହେବେ କି ଆନ୍ଧ୍ର-ଓଡ଼ିଶା?

Debashree Debasmita Sahoo
Browse all articles by Debashree Debasmita Sahoo
·46 mins ago·3 min read
ଓଡ଼ିଶାରେ ରହି ଆନ୍ଧ୍ର ଗୁଣଗାନ ; କୋଟିଆରେ ପୁଣି ମୁହାଁମୁହିଁ ହେବେ କି ଆନ୍ଧ୍ର-ଓଡ଼ିଶା?
Andhra Odisha Tensions Again

Key Points

ଓଡ଼ିଶାରେ ରହି ଆନ୍ଧ୍ର ଗୁଣଗାନ
ଏପରି ଏଜେଣ୍ଟଙ୍କ ବିରୋଧରେ କଠୋର ପ୍ରଶାସନ
କୋଟିଆରେ ପୋଲିସ କାର୍ଯ୍ୟରେ ବାଧା,
କ୍ୟାମ୍ପ ଭଙ୍ଗା ଘଟଣାରେ ଦୁଇ ଗିରଫ
କୋରାପୁଟ: ଓଡ଼ିଶା-ଆନ୍ଧ୍ର ସୀମାନ୍ତରେ ପୁଣିଥରେ ଦେଖାଦେଇଛି ଉତ୍ତେଜନା ଓ ରାଜନୈତିକ ତତ୍ପରତା । କୋଟିଆରେ ଆନ୍ଧ୍ର ପଞ୍ଚାୟତ ନିର୍ବାଚନକୁ ନେଇ ଓଡ଼ିଶା ପ୍ରଶାସନ ଓ ପୋଲିସ ପକ୍ଷରୁ କଡ଼ା ଆଭିମୁଖ୍ୟ ଗ୍ରହଣ କରାଯାଇଛି । ପୂର୍ବରୁ ପୋଲିସ କାର୍ଯ୍ୟରେ ବାଧା ଓ କ୍ୟାମ୍ପ ଭଙ୍ଗାରୁଜା ଘଟଣାରେ ଦୁଇ ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ସେପଟେ ଆଜି ଜିଲ୍ଲାପାଳଙ୍କ କାର୍ଯ୍ୟାଳୟରେ ସର୍ବାଦଳୀୟ ବୈଠକ ବସୁଛି । ତେବେ କେବଳ କୋରାପୁଟ ନୁହେଁ ଗଜପତି ସୀମାନ୍ତରେ ମଧ୍ୟ ଆନ୍ଧ୍ର ନିର୍ବାଚନରେ ଓଡ଼ିଆଙ୍କ ପ୍ରାର୍ଥିପତ୍ର ଦାଖଲକୁ ନେଇ ସୃଷ୍ଟି ହୋଇଛି ତୀବ୍ର ପ୍ରତିକ୍ରିୟା । ପ୍ରଶାସନ କିନ୍ତୁ ପଡ଼ୋଶୀର ସଵୁ ଚାଲ ବିଫଳ କରିବାକୁ ଜୋରଦାର ରଣନୀତି କରିଛି।

  • କ୍ୟାମ୍ପ ଭଙ୍ଗା ଘଟଣାରେ ଦୁଇ ଗିରଫ
ଗତ ନଭେମ୍ବର ୪ ତାରିଖରେ ଫାଟୁସେନେରୀ ଅଞ୍ଚଳରେ ରାସ୍ତା ଅବରୋଧ, ପୋଲିସ କ୍ୟାମ୍ପ ଭଙ୍ଗା ଓ ସରକାରୀ ସାଇନ୍‌ବୋର୍ଡ ନଷ୍ଟ ଘଟଣାରେ ସଂପୃକ୍ତ ଥିବା ଅଭିଯୋଗରେ ଫଗୁଣସିନେରୀ ଗାଁର ବିସୁ ପାଙ୍ଗୀ ଓ ଲିବ୍ରି ହରେକାଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ଏହି ଘଟଣାରେ ଅନ୍ୟ ସଂପୃକ୍ତ ବ୍ୟକ୍ତିଙ୍କୁ ଚିହ୍ନଟ କରାଯାଇ ତଦନ୍ତ ଜାରି ରହିଛି । ଆଜି କୋରାପୁଟ ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ଆନ୍ଧ୍ର ପଞ୍ଚାୟତ ନିର୍ବାଚନ ସମୟରେ କୋଟିଆ ପୁଞ୍ଜର ଲୋକେ ଯେପରି ମତଦାନରୁ ବଞ୍ଚିତ ରହିବେ, ସେନେଇ ଏକ ସର୍ବାଦଳୀୟ ବୈଠକ ଅନୁଷ୍ଠିତ ହେଉଛି । ପଞ୍ଚାୟତିରାଜ ମନ୍ତ୍ରୀ ଦୋହରାଇଛନ୍ତି କୋଟିଆ ଓଡ଼ିଶାର ଥିଲା, ଅଛି ଓ ରହିବ ।

  • ଆନ୍ଧ୍ରର ପଞ୍ଚାୟତ ଷଡ଼ଯନ୍ତ୍ରକୁ ରୋକିବାକୁ ପଦକ୍ଷେପ
ସୀମାନ୍ତ କୋଟିଆ ପୁଞ୍ଜର ସୁରକ୍ଷା ଓ ଲୋକଙ୍କୁ ସଚେତନ କରିବା ପାଇଁ ଗତକାଲି ସନ୍ଧ୍ୟାରେ ତିନି ଜଣ ଏକ୍‌ଜିକ୍ୟୁଟିଭ୍‌ ମାଜିଷ୍ଟ୍ରେଟ୍‌ ନିୟୋଜିତ ହୋଇଛନ୍ତି । ଏଥିସହ ନନ୍ଦପୁର ଅଞ୍ଚଳରେ ତହସିଲଦାର ଓ ଅତିରିକ୍ତ ତହସିଲଦାରଙ୍କୁ ଦାୟିତ୍ୱ ଦିଆଯାଇଛି । ଆଜି ମଧ୍ୟ ପୋଲିସ ପକ୍ଷରୁ ପାଟ୍ରୋଲିଂ ଜାରି ରହିଛି । ଅନ୍ୟପଟେ କୋଟିଆ ଗ୍ରାମପଞ୍ଚାୟତ ଅନ୍ତର୍ଗତ ଗଞ୍ଜେଇପଦର ନିର୍ବାଚନ ପାଇଁ ଧୁଳିଭଦ୍ରା ଗାଁରୁ ଚୋଡ଼ିପଲ୍ଲୀ ବର୍ଷୋ ଏବଂ ଧିଗୁଭା ଗାଁରୁ କୋରା ସୁନ୍ଦରୀ ନାମାଙ୍କନପତ୍ର ଦାଖଲ କରିଛନ୍ତି । ସେପଟେ ଆଉଏକ ଚାଲ ଖେଳିଛି ପଡ଼ୋଶୀ । କୋଟିଆରେ ହେବାକୁ ଥିବା ପଞ୍ଚାୟତ ନିର୍ବାଚନକୁ ନଭେମ୍ବର ୨୯ ବଦଳରେ ଡିସେମ୍ବର ୨ ତାରିଖକୁ ଘୁଞ୍ଚାଇ ଦେଇଛି । ନଭେମ୍ବର ୨୯ରେ କୋଟିଆରେ ପରବ ମହୋତ୍ସବ ଆୟୋଜନ ଘୋଷଣା ପରେ ଆନ୍ଧ୍ର ଏଭଳି ନିଷ୍ପତ୍ତି ନେଇଥିବା ଚର୍ଚ୍ଚା ହେଉଛି ।

  • ଆନ୍ଧ୍ର ନିର୍ବାଚନରେ ଓଡ଼ିଆଙ୍କ ନାମାଙ୍କନକୁ ନେଇ ବିବାଦ
କେବଳ କୋଟିଆ ନୁହେଁ, ଗଜପତି ଜିଲ୍ଲା ରାୟଗଡ଼ ବ୍ଲକ ସୀମାନ୍ତବର୍ତ୍ତୀ ଗାଁର କିଛି ବାସିନ୍ଦା ଆନ୍ଧ୍ର ପଞ୍ଚାୟତ ନିର୍ବାଚନରେ ୱାର୍ଡମେମ୍ବର ଭାବେ ପ୍ରାର୍ଥିପତ୍ର ଦାଖଲ କରିବା ଘଟଣାକୁ ନେଇ ମଧ୍ୟ ଉତ୍ତେଜନା ଦେଖାଦେଇଛି । ପ୍ରଶାସନର ହସ୍ତକ୍ଷେପ ପରେ ୩ ଜଣ ପ୍ରାର୍ଥୀ ନାମାଙ୍କନ ପ୍ରତ୍ୟାହାର କରିଥିବା ବେଳେ ଅନ୍ୟ ୩ ଜଣଙ୍କ ପ୍ରାର୍ଥିପତ୍ର କାଏମ ରହିଛି । ଏନେଇ ଗଜପତି ଜିଲ୍ଲାପାଳ ଅକ୍ଷୟ ସୁନିଲ ଅଗ୍ରୱାଲ ସୀମାରେ ଅନଧିକାର ପ୍ରବେଶ ରୋକିବା ଓ ପାଟ୍ରୋଲିଂ କଡ଼ାକଡ଼ି କରିବା କଥା କହିଛନ୍ତି । ସେପଟେ ସୀମାନ୍ତରେ ଆଦିବାସୀଙ୍କ ଉପରେ ନିର୍ଯାତନା ଓ ଅଟକ ରଖିବା ଘଟଣାରେ ଆନ୍ଧ୍ରମନ୍ତ୍ରୀ ଜି. ସନ୍ଧ୍ୟାରାଣୀ କଡ଼ା ଚେତାବନୀ ଦେଇଥିବା ବେଳେ, ଆନ୍ଧ୍ରର ଏଭଳି କାର୍ଯ୍ୟକୁ ମନ୍ତ୍ରୀ ବିଭୂତି ଜେନା ଦୃଢ଼ ବିରୋଧ କରିଛନ୍ତି ।

Argus News App

📱 Get Argus News App

✨
📰 60 Word News🎬 Argus Podcast📺 Live TV and Breaking News🔔 Free Notification Alerts
Download Free:
ପଢନ୍ତୁ ଏହି ଖବର: ପୁଣିଥରେ କୋଟିଆରେ ମୁହାଁମୁହିଁ ହେବେ କି ଆନ୍ଧ୍ର-ଓଡ଼ିଶା ? ପଞ୍ଚାୟତ ନିର୍ବାଚନ ପାଇଁ ଆନ୍ଧ୍ର କରୁଛି ପ୍ଲାନ୍

ସୀମାନ୍ତରେ ଆନ୍ଧ୍ରର ବାରମ୍ବାର ଅନୁପ୍ରବେଶ ଓ ନିର୍ବାଚନୀ ଚକ୍ରାନ୍ତକୁ ନେଇ ସ୍ଥାନୀୟ ଅଞ୍ଚଳରେ ଚାପା ଉତ୍ତେଜନା ଲାଗି ରହିଛି । ଆଗାମୀ ଦିନରେ ପ୍ରଶାସନ ଓ ପୋଲିସର ପଦକ୍ଷେପ ସୀମା ସୁରକ୍ଷା ଦିଗରେ କେତେ ପ୍ରଭାବଶାଳୀ ହେଉଛି, ତା ଉପରେ ସମସ୍ତଙ୍କ ନଜର ।