ଅର୍ଗସ ବ୍ୟୁରୋ : ବିଜେପି-ବିଜେଡି ମଧ୍ୟରେ ମେଣ୍ଟ ହେବ, ନା ହେବ ନାହିଁ । ୨୪ ନିର୍ବାଚନ ତାରିଖ ଘୋଷଣା ପୂର୍ବରୁ ଏ କଥାକୁ ନେଇ ପଲ୍ଲୀରୁ ଦିଲ୍ଲୀ, ସବୁଠି ଚର୍ଚ୍ଚା ଓ ଆଲୋଚନା । କିନ୍ତୁ ସବୁ ଆକଳନରୁ ଆଗକୁ ଯାଇ ପୁଣି ମେଣ୍ଟ ସମ୍ଭାବନାରେ ସସପେନ୍ସ ଛିଡା କଲେ ବିଜେପି ରାଜ୍ୟ ସଭାପତି ମନମୋହନ ସାମଲ । ଦିଲ୍ଲୀରେ ଶୀର୍ଷ ନେତୃତ୍ଵଙ୍କ ସହ ବୈଠକ ପରେ ଓଡିଶା ଫେରିବା ପରେ ମନମୋହନ କହିଛନ୍ତି, ମେଣ୍ଟ ବାବଦରେ କୌଣସି ଆଲୋଚନା ହୋଇନି ।

ଉଭୟ ଲୋକସଭା ଓ ବିଧାନସଭାରେ ବିଜେପି ଏକାକୀ ଲଢିବ ବୋଲି କହିଛନ୍ତି ବିଜେପି ରାଜ୍ୟ ସଭାପତି । ଆଉ ମନମୋହନଙ୍କ ପରେ ଦଳର ରାଜ୍ୟ ନର୍ବାଚନ ପ୍ରଭାରୀ ବିଜୟପାଲ୍ ସିଂ ତୋମାରଙ୍କ ବୟାନ ମେଣ୍ଟ ଚର୍ଚ୍ଚାକୁ ଆହୁରି ଜଟିଳ କରିଛି । ତୋମାର ମଧ୍ୟ ମନମୋହନଙ୍କ କଥାକୁ ଦୋହରାଇ, ମେଣ୍ଟ ନେଇ କୌଣସି ଆଲୋଚନା ହୋଇନି ବୋଲି କହିଛନ୍ତି । ସେପଟେ ଓଡିଶାର ସ୍ଵାର୍ଥ ପାଇଁ ବିଜେଡି ମେଣ୍ଟ ପାଇଁ ଆଗ୍ରହୀ ବୋଲି କହିଛି ।

ଅଧିକ ପଢନ୍ତୁ ଓଡ଼ିଶା ଖବର

ଅନ୍ୟପଟେ ଓଡିଶାବାସୀଙ୍କ ସ୍ଵାର୍ଥ ପାଇଁ ବିଜେଡି ସବୁ ପଦକ୍ଷେପ ନେବ ବୋଲି ବୁଧବାର ପ୍ରତିକିୟା ରଖିଥିଲେ ଦଳର ଦୁଇ ନେତା ଦେବୀ ମିଶ୍ର ଓ ଅରୁଣ ସାହୁ । ମେଣ୍ଟ ପ୍ରସଙ୍ଗରେ କେନ୍ଦ୍ର ନେତୃତ୍ବ ନିଷ୍ପତ୍ତି ନେବେ ବୋଲି ପୂର୍ବରୁ କହିଥିଲେ ଜୁଏଲ । ନିର୍ବାଚନ ତାରିଖ ପାଖେଇବା ସହ ବିଜେପି-ବିଜେଡି ମେଣ୍ଟ ଚର୍ଚ୍ଚାକୁ ନେଇ ବଢି ଚାଲିଛି ସସପେନ୍ସ । ତେବେ ମେଣ୍ଟ ହେବ ନା ଉଭୟ ଏକାକୀ ଲଢିବେ ତାକୁ ନେଇ ଉଭୟ ଦଳଙ୍କ ନିଷ୍ପତି ଉପରେ ସମସ୍ତଙ୍କ ନଜର ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV