ଭୁବନେଶ୍ଵର: ଭୁବନେଶ୍ଵରର ଏକ ହୋଟେଲରେ ଆୟୋଜିତ ହୋଇଛି `ଅର୍ଗସ୍‌ ନ୍ୟୁଜ୍‌'ର ଏଗ୍ରି ବିକାଶ ସିଜନ୍‌-୫ । 'ଓଡ଼ିଶାରେ କୃଷିର ଭବିଷ୍ୟତକୁ ଶକ୍ତି ପ୍ରଦାନ' ଥିମ୍ ଉପରେ କନ୍‌କ୍ଲେଭ୍‌ରେ ଆଲୋଚନା ହୋଇଛି । ଚାଷୀ ଭାଇ ଭଉଣୀଙ୍କ ବିକାଶକୁ ଗତି ଦେବାକୁ ହୋଇଛି ମାନସ ମନ୍ଥନ ।

ପ୍ରଦୀପ ପ୍ରଜ୍ଵଳନ ସହ କନ୍‌କ୍ଲେଭ୍ ଉଦ୍‌ଘାଟନ କରିଥିଲେ ବାଚସ୍ପତି ସୁରମା ପାଢ଼ୀ । କୃଷି କ୍ଷେତ୍ରକୁ ନେଇ କନ୍‌କ୍ଲେଭ୍ ଆୟୋଜନ କରିଥିବାରୁ ଧନ୍ୟବାଦ ଜଣାଇଛନ୍ତି ବାଚସ୍ପତି । ଏଥିସହ କହିଛନ୍ତି, ଏବେ କୃଷି କ୍ଷେତ୍ରରେ ଆମେ ପରିବର୍ତ୍ତନ ଦେଖୁଛେ । କୃଷି କ୍ଷେତ୍ରକୁ ଯୁବବର୍ଗ ମଧ୍ୟ ଆପଣାଉଛନ୍ତି, ଷ୍ଟାର୍ଟ ଅପ୍ ସହ କୃଷି କ୍ଷେତ୍ରକୁ ବ୍ୟାପକ କରୁଛନ୍ତି ।

ଏଥିସହ ପଢ଼ନ୍ତୁ: ଅକ୍ଷୟ ତୃତୀୟାରେ ଚାଷୀଙ୍କୁ ବଡ଼ ଭେଟି: ୪୧ ଲକ୍ଷ ଚାଷୀଙ୍କୁ ମିଳିଲା ଟଙ୍କା

ଏହା ସହ ବାଚସ୍ପତି ଅନ୍ନଦାତାଙ୍କୁ ଭୂୟସୀ ପ୍ରଶଂସା କରିଥିବାବେଳେ ଅନ୍ନଦାତାମୋନେ ଦେଶର ପ୍ରଗତିରେ ପ୍ରମୁଖ ଭୂମିକା ନେଉଥିବା କହିଛନ୍ତି । ଉଦଘାଟନୀ ସେସନରେ ଯୋଗ ଦେଇଛନ୍ତି, CSIR-NBRI, ଲକ୍ଷ୍ନୌର ନିର୍ଦ୍ଦେଶକ ଡକ୍ଚର ଅଜିତ କୁମାର ସାସାନି ଏବଂ ପଦ୍ମଶ୍ରୀ ଉଦ୍ଧବ ଭରାଲି ।

କନକ୍ଲେଭ୍‌ର ପ୍ରଥମ ଅଧିବେଶନରେ ଭବିଷ୍ୟତ ପାଇଁ ପ୍ରସ୍ତୁତ କୃଷି ଦକ୍ଷତା, ଶିକ୍ଷା ଏବଂ ଜ୍ଞାନ ବ୍ୟବସ୍ଥା' ଚାଷୀ ଏବଂ କୃଷି ଉଦ୍ୟୋଗୀମାନଙ୍କୁ ସଶକ୍ତ କରିବା ପାଇଁ ଏକ ଅଭିନବ ପଦକ୍ଷେପ ନେଇ ଆଲୋଚନା ହୋଇଛି ।


ଦ୍ଵିତୀୟ ଅଧିବେଶନରେ ଫାର୍ମ ଟୁ ମାର୍କେଟ: ଏକ ସୁଦୃଢ଼ ଏବଂ ଦକ୍ଷ କୃଷି ଯୋଗାଣ ଶୃଙ୍ଖଳା । ତୃତୀୟ ଅଧିବେଶନରେ ଓଡ଼ିଶାରେ ସମ୍ଭାବନାର ସୁଯୋଗ ଏବଂ ଏହାର ଉପଯୋଗ ପାଇଁ ଆଗାମୀ ପନ୍ଥା ଭଳି ଗୁରୁତ୍ଵପୂର୍ଣ୍ଣ ବିଷୟବସ୍ତୁ ଉପରେ ତିନିଟି ଅଧିବେଶନରେ କୃଷି ଗବେଷଣା ଓ କୃଷକଙ୍କ ଉନ୍ନତି କ୍ଷେତ୍ରରେ କାମ କରୁଥିବା ବିଶିଷ୍ଠ ବ୍ୟକ୍ତିବିଶେଷଙ୍କୁ ନେଇ ହୋଇଥିଲା ମାନସ ମନ୍ଥନ ।

ଏଥିସହ ପଢ଼ନ୍ତୁ: କାଲିଠୁ ୩ ଦିନ ସ୍କୁଲ୍ ସହ ଅଙ୍ଗନୱାଡ଼ି ଓ କଲେଜ ଛୁଟି ଘୋଷଣା; ଅନଲାଇନ୍‌ରେ ହେବ କ୍ଲାସ୍

ସେହିପରି ଉଦଯାପନୀ ଅଧିବେଶନରେ ଯୋଗ ଦେଇ ରାଜ୍ୟ ସରକାରଙ୍କ ସମବାୟ ଏବଂ ହସ୍ତତନ୍ତ ଓ ବୟନଶିଳ୍ପ ମନ୍ତ୍ରୀ ପ୍ରଦୀପ ବଳସାମନ୍ତ ଓ ମତ୍ସ୍ୟ ଓ ପ୍ରାଣୀ ସମ୍ପଦ ଏବଂ MSME ମନ୍ତ୍ରୀ ଗୋକୁଳାନନ୍ଦ ମଲ୍ଲିକ ଯୋଗଦେଇ ରାଜ୍ୟରେ କୃଷି କ୍ଷେତ୍ରର ବିକାଶ ନେଇ ସରକାରଙ୍କ ଆଭିମୁଖ୍ୟ ଉପରେ ଆଲୋକପାତ କରିଛନ୍ତି ।

୫ ବର୍ଷ ଧରି ପବିତ୍ର ଅକ୍ଷୟ ତୃତୀୟାରେ କୃଷି ଓ କୃଷକଙ୍କ ଉନ୍ନତି ପାଇଁ ରୋଡମ୍ୟାପ ପ୍ରସ୍ତୁତ କରିବାକୁ ଏହି କ୍ଷେତ୍ରରେ ନିରନ୍ତର କାମ କରିଆସୁଥିବା ବିଶିଷ୍ଟ ବ୍ୟକ୍ତି ବିଶେଷଙ୍କୁ ନେଇ ଆୟୋଜନ ହୋଇ ଆସୁଛି ଏଗ୍ରି ବିକାଶ କନକ୍ଲେଭ । କାର୍ଯ୍ୟକ୍ରମ ସମ୍ପର୍କରେ ଅର୍ଗସ ନ୍ୟୁଜର CEO ପ୍ରକାଶ ସାହୁ ସୂଚନା ଦେଇଥିବାବେଳେ, ଅତିଥି ପରିଚୟ ଓ ସ୍ବାଗତ ଭାଷଣ ରଖିଥିଲେ ଚିଫ୍ ଏଡିଟର ଶିଶିର ଭଟ୍ଟମିଶ୍ର ।