ଅର୍ଗସ ବ୍ୟୁରୋ : ରବିବାର ଲୁଟିଥିଲେ,ଗୁରୁବାର (ଆଜି) ଧରାପଡିଲେ ଏଟିଏମ ଲୁଟେରା । ଲୁଟ ୬ଲକ୍ଷ ୮୦ହଜାର ଜବତ କଲା ପୋଲିସ । ଲୁଟରେ ବ୍ୟବହୃତ ଗ୍ୟାସ କଟର ସହ କ୍ରେଟା ଗାଡି ମଧ୍ୟ ଜବତ । ଗତ ରବିବାର ଦିନ ପାଟଣାଗଡ଼ ନିକଟରେ ଥିବା ସରମୁହାଁନ ଏସବିଆଇ ଏଟିଏମକୁ ଭାଙ୍ଗି  ସାତ ଲକ୍ଷ ଟଙ୍କା ଲୁଟି ନେଇଥିଲେ ଲୁଟେରା । ଲୁଟ ଘଟଣାରେ ଆନ୍ତଃରାଜ୍ୟ ଲିଙ୍କ ଥିବା ମଧ୍ୟ ସୂଚନା ମିଳିଛି । 

ଅଧିକ ପଢନ୍ତୁ ଓଡ଼ିଶା ଖବର

ଏହି ଘଟଣାରେ ମୋଟ ୬ ଜଣ ଅପରାଧୀଙ୍କୁ ଗିରଫ କରିଛି ପୋଲିସ । ନାଗପୁର ଡିସିପି, ସେଓଲି ମଧ୍ୟପ୍ରଦେଶ ଡିସିପି ତଦନ୍ତରେ ସହଯୋଗ କରିଥିଲେ। ରାଜସ୍ଥାନରୁ ଆସି ପାଟଣାଗଡ଼ରେ ଲୁଟ୍ ଖରିଥିଲେ । ମୋବାଇଲ ଫୋନ ୬ଟା ଜବତ ହୋଇଛି । ଏହି ୬ ଜଣ ଅପରାଧୀଙ୍କ ପୂର୍ବ ରେକର୍ଡ ମଧ୍ୟ ରହିଛି । ତେଲେଙ୍ଗାନା, ବାଲେଶ୍ବର, ସମ୍ବଲପୁରରେ ପୂର୍ବରୁ ଅପରାଧ କରିଥିଲେ ଏମାନେ । ଫେକ୍ ପୋଲିସ ଆଇକାର୍ଡ ମଧ୍ୟ ଅପରାଧୀଙ୍କ ପାଖରେ ଥିଲା । ୩ ଲୋକ କାରରେ ଆସିଥିଲେ ରାଜସ୍ଥାନରୁ ଆଉ ୩ ଜଣ ଫ୍ଲାଇଟରେ ଆସିଥିଲେ ।