ଗଞ୍ଜେଇ ଜବତ ସହ ୨ଜଣଙ୍କୁ ଗିରଫ କଲା ପୋଲିସ୍
ଅର୍ଗସ ବ୍ୟୁରୋ : ଦିନକୁ ଦିନ ରାଜ୍ୟରେ ବଢିଚାଲିଛି ଚୋରା ଗଞ୍ଜେଇ ଚାଲାଣ । ପୋଲିସ ହାତରେ ଲାଗୁଛି ପୁଳା ପୁଳା ଗଞ୍ଜେଇ । କୋଉଠୁ ଏ ସବୁ ଗଞ୍ଜେଇ ଆସୁଛି ତାକୁ ନେଇ ଖୋଳ ତାଡ଼ ଆରମ୍ଭ କରିଛି ପୋଲିସ । ଆଜି ତୁଷୁରା ଅବକାରୀ ବିଭାଗ ଚଢ଼ଉ କରି ଜାମୁଟ ନିକଟରୁ ଗଞ୍ଜେଇ ଜବତ କରିବା ସହ ୨ଜଣକୁ ଗିରଫ କରି କୋର୍ଟଚାଲାଣ କରିଛି । ଗିରଫ ଅଭିଯୁକ୍ତ ମାନେ ହେଲେ ବାଲିଗୁଡା ଥାନା ଘୁଡାବାହାଲିର ରଙ୍କମଣି ବାଗ ଓ ମୁଠାପାଲିର ବିନୋଦ ସଗରିଆ ।
ସୂଚନା ଅନୁସାରେ, କନ୍ଧମାଳ ଜିଲ୍ଲାରୁ ତୁଷୁରା ଥାନା ଅନ୍ତର୍ଗତ ଜାମୁଟ ରାସ୍ତାଦେଇ ଗଞ୍ଜେଇ ଚାଲଣ ହେଉଥିବା ସମ୍ପର୍କରେ ଅବକାରୀ ବିଭାଗ ଖବର ପାଇଥିଲା । ଏଣୁ ଜାମୁଟ ନିକଟରେ ଛକି ବସିଥିଲା । ଏହି ସମୟରେ ବାଇକରେ ୨ଜଣ ଯୁବକ ଏକ ବେଗ ଧରି ଦ୍ରୁତଗତିରେ ଆସୁଥିଲେ । ଅବକାରୀ ବିଭାଗକୁ ଦେଖୁ ସେମାନେ ଫେରାର ଉଦ୍ୟମ କରୁଥିବା ବେଳେ ଅବକାରୀ ବିଭାଗ କାବୁ କରିଥିଲା ।
ଅଧିକ ପଢନ୍ତୁ ଓଡ଼ିଶା ଖବର
📱 Get Argus News App
✨ବେଗରୁ ପ୍ରାୟ ୭କେଜି ଗଞ୍ଜେଇ ଜବତ ହୋଇଥିଲା । ଜାମିନ ନାମଞ୍ଜୁର ହେବାରୁ ଅଭିଯୁକ୍ତ ଦ୍ଵୟଙ୍କୁ ବିଚାରବିଭାଗୀୟ ହାଜତକୁ ପଠାଇ ଦିଆଯାଇଛି । ଏହି ଚଢଉରେ ତୁଷୁରା ଅବକାରୀ ଅଧୁକାରୀ ଶ୍ରୀକାନ୍ତ ପାଣିଗ୍ରାହୀ, ଏଏସ ଆଇ ଡୁଲେଶ୍ଵର କୁମରା, କନଷ୍ଟେବଳ ବିଭୁତିଭୁଷଣ ଭୋଇ, ଭୋଜରାଜ ବଢେଇ, ସୁନେଲି ପ୍ରଧାନ ସାମିଲ ଥିଲେ ।