ଜମାକାରୀଙ୍କ ବ୍ୟାଙ୍କ ଖାତା ଜିରୋ, ଗୋଲ ହେଇଗଲା ଲକ୍ଷ ଲକ୍ଷ ଟଙ୍କା
ଅର୍ଗସ ବ୍ୟୁରୋ : ଜମାକାରୀଙ୍କ ଅଜାଣତରେ ସେମାନଙ୍କ ବ୍ୟାଙ୍କ ଖାତାରୁ ଉଠିଲା ଲକ୍ଷ ଲକ୍ଷ ଟଙ୍କା । ସେମାନଙ୍କ ଆକାଉଣ୍ଟରୁ ଉଠିଛି ୮୫ ଲକ୍ଷ ଟଙ୍କା । ଏଭଳି ଘଟଣା ଘଟିଛି କେନ୍ଦ୍ରାପଡା ଜିଲ୍ଲା ଆଳିର ସିଙ୍ଗିରିବାଜ଼ର ଠାରେ ଥିବା ଇଣ୍ଡିଆନ ବ୍ୟାଙ୍କ ଶାଖାରେ । ୬ ଜଣ ଗ୍ରାହକଙ୍କ ୭ଟି ଆକାଉଣ୍ଟରୁ ୮୫ ଲକ୍ଷ ଟଙ୍କା ହଡ଼ପ ହୋଇଛି । ଟଙ୍କା ଉଠୁଥିଲା ବ୍ୟାଙ୍କ ଆକାଉଣ୍ଟରୁ, ହେଲେ ନା ଉପଭୋକ୍ତା ଜାଣିପାରିଲେ ନା ବ୍ୟାଙ୍କ କର୍ତ୍ତୃପକ୍ଷ ଜାଣିପାରିଲେ । ୬ ଜଣ ଆକାଉଣ୍ଟଧାରୀଙ୍କ ଆକାଉଣ୍ଟରୁ ୮୫ ଲକ୍ଷ ଟଙ୍କା ଉଠାଇ ହରଣଚାଳ କରିଥିବା ଅଭିଯୋଗ ହୋଇଛି ।
ଅଧିକ ପଢନ୍ତୁ ଓଡ଼ିଶା ଖବର
ମିଳିଥିବା ସୂଚନା ଅନୁଯାୟୀ, ଆଳି ବନ୍ଧସାହି-ବିଲିକଣା ଗାଁର ସୁରେନ୍ଦ୍ର କୁମାର ନାୟକ, ଯିଏ ଦୁବାଇରେ ରୁହନ୍ତି । ଏହି ବ୍ୟାଙ୍କରେ ତାଙ୍କ ନାଁରେ ଦୁଇଟି ଆକାଉଣ୍ଟ ସହ ପତ୍ନୀ ଏବଂ ୨ ପୁଅଙ୍କ ନାଁରେ ମୋଟ୍ ୫ଟି ଆକାଉଣ୍ଟ ଖୋଲି ୭୦ଲକ୍ଷ ଟଙ୍କା ରଖିଥିଲେ । କିନ୍ତୁ ଏବେ ଆକାଉଣ୍ଟ ଖାଲି । ସେହିପରି ଗଲଫ କଣ୍ଟ୍ରିରେ ଥିବା ସିଙ୍ଗିରି ଗାଁର ଅଞ୍ଜନ ମହାଳିକଙ୍କ ଆକାଉଣ୍ଟରୁ ୧୧ ଲକ୍ଷ ଟଙ୍କା ହଡ଼ପ ହୋଇଥିବା ଅଭିଯୋଗ ହୋଇଛି । ଅଭିଯୋଗ ପରେ ଆଳି ପୋଲିସ ବ୍ୟାଙ୍କର ପିଅନ, ବ୍ୟାଙ୍କଷ୍ଟାଫ ଓ ପୂର୍ବତନ ଶାଖା ପରିଚାଳକଙ୍କ ନାଁରେ ମାମଲା ରୁଜୁ କରିବା ସହିତ ପିଅନ ସତ୍ୟାନନ୍ଦ ଘଡାଇକୁ ଗିରଫ କରି କୋର୍ଟଚାଲାଣ କରିଛି ।
