ଅର୍ଗସ ବ୍ୟୁରୋ : ବିଶ୍ୱ ପ୍ରସିଦ୍ଧ ବରଗଡ଼ ଧନୁଯାତ୍ରା ପୂର୍ବରୁ ଭାଷାକୁ ନେଇ ଉଠିଲା ବିବାଦ । ସମ୍ବଲପୁରୀ ଭାଷାରେ ଧନୁଯାତ୍ରା କରାଯାଉ ବୋଲି କୋଶଲ କ୍ରାନ୍ତି ସେନା ଦାବି କରୁଥିବା ବେଳେ ଚଳିତ ବର୍ଷ ଧନୁଯାତ୍ରାକୁ ସମ୍ବଲପୁରୀ ଭାଷାରେ ହୋଇପାରିବ ନାହିଁ ବୋଲି ଧନୁଯାତ୍ରା କମିଟି ଗତକାଲି ନିଷ୍ପତ୍ତି ନେଇଛି । ୨୦୨୪ ନୂତନ ବର୍ଷ ଜାନୁୟାରୀ ୧୫ରୁ ୨୫ତାରିଖ ଯାଏ ବରଗଡ଼ରେ ଅନୁଷ୍ଠିତ ହେବ ବିଶ୍ବ ପ୍ରସିଦ୍ଧ ଧନୁଯାତ୍ରା ମହୋତ୍ସବ ।

୭୬ତମ ଧନୁଯାତ୍ରା ମହୋତ୍ସବ ପାଇଁ ଆସନ୍ତା ଡିସେମ୍ବର ୨୨ ତାରିଖରେ ବରଗଡ଼ ହାଟପଡ଼ା ସ୍ଥିତ ସଂଚାର ମଣ୍ଡଳୀରେ ଶୁଭସ୍ତମ୍ଭ ସ୍ଥାପନ କରାଯିବ । ଏହା ପୂର୍ବରୁ ମାଁ ସମଲେଶ୍ବରୀଙ୍କ ମନ୍ଦିରରେ ପରମ୍ପରା ଅନୁସାରେ ପୂଜାର୍ଚ୍ଚନା କରି ଏକ ସାଂସ୍କୃତିକ ଶୋଭାଯାତ୍ରା ବାହାରିବ । ଏହି ଶୋଭାଯାତ୍ରା ବରଗଡ଼ ସହର ପରିକ୍ରମା କରିବା ପବରଗଡ଼ ହାଟପଡ଼ା ସ୍ଥିତ ସଂଚାର ମଣ୍ଡଳୀରେ ପହଞ୍ଚିବ । ଏହାପରେ ଶୁଭଲଗ୍ନ ଅନୁସାରେ ଶୁଭସ୍ତମ୍ଭ ସ୍ଥାପନ କରାଯିବ ବୋଲି ଧନୁଯାତ୍ରା ମହୋତ୍ସବ ସମିତି ସଭାପତି ତଥା ବରଗଡ଼ ଜିଲ୍ଳାପାଳ ମୋନିଷା ବାନାର୍ଜୀ କହିଛନ୍ତି ।

ଅଧିକ ପଢନ୍ତୁ ଓଡ଼ିଶା ଖବର

ଆସନ୍ତା ଧନୁଯାତ୍ରା ମହୋତ୍ସବରେ ମଥୁରାନଗରୀରେ ମହାରାଜା କଂସଙ୍କ ରଙ୍ଗମହଲ, ରାଜ ଦରବାର ଓ ଗୋପପୁର ନନ୍ଦ ଦରବାରକୁ ନୂଆଁ ଡିଜାଇନରେ ଅଧିକ ଆକର୍ଷଣ କରାଯିବା ସହିତ ଜାତୀୟ, ଆନ୍ତର୍ଜାତୀୟ ସ୍ତରର କଳାକାରଙ୍କୁ ଧନୁଯାତ୍ରାରେ ସାମିଲ କରାଯିବ ବୋଲି ସୋମବାର ବରଗଡ଼ ଜିଲ୍ଳାପାଳଙ୍କ ସମ୍ମିଳନୀ କକ୍ଷରେ ଆୟୋଜିତ ଧନୁଯାତ୍ରା ମହୋତ୍ସବ ପ୍ରସ୍ତୁତି ବୈଠକରେ ଏଭଳି ନିଷ୍ପତ୍ତି ନିଆଯାଇଛି । ଅନ୍ୟପଟେ ଧନୁଯାତ୍ରା କମିଟି ଦେଇଥିବା ନିଜର ଲିଖିତ ପ୍ରତିଶୃତି ଭୁଲି ଯାଇ କୋଶଲ କ୍ରାନ୍ତି ସେନାକୁ ବୈଠକକୁ ଡକାଯାଇନଥିବାରୁ ଅସନ୍ତୋଷ ପ୍ରକାଶ କରିବା ସହ ସମ୍ବଲପୁରୀ ଭାଷାରେ ଧନୁଯାତ୍ରା କରିବାକୁ ଦାବି କରିଛନ୍ତି କୋଶଲ କ୍ରାନ୍ତି ସେନାର ସଦସ୍ୟ ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV